ಬೆಳಗಾವಿ 01: ರಸ್ತೆ ಸಾರಿಗೆ ಇಲಾಖೆ ಹಾಗೂ ಬೆಳಗಾವಿಯ, ರೋಟರಿ ಕ್ಲಬ್, ಸನ್ ರೈಸ್ ಇವರ ಸಹಯೋಗದಲ್ಲಿ ಶುಕ್ರವಾರ ಮೇ.30ರಂದು ಸಮೀಪದ ಹಿರೇಬಾಗೇವಾಡಿ ಟೋಲ್ ನಾಕಾದಲ್ಲಿ  ರಸ್ತೆ ಅಪಘಾತ ತಡೆಯುವ ನಿಟ್ಟಿನಲ್ಲಿ 100ಕ್ಕಿಂತ ಅಧಿಕ ಲಘು ಹಾಗೂ ಭಾರ ವಾಹನಗಳಿಗೆ ರೆಫ್ಲೆಕ್ಟರ್ಸ್‌ ಹಾಗೂ ರೇಡಿಯಂಗಳನ್ನು ಅಳವಡಿಸಿ ಜಾಗೃತಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು. 

ಬೆಳಗಾವಿಯ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಹಾಗೂ ಸ್ಥಳೀಯ ಪೊಲೀಸ್ ಸಿಬ್ಬಂದಿ ವರ್ಗದವರ ಸಹಕಾರದಿಂದ ಕಾರ್ಯಕ್ರಮ ಯಶಸ್ವಿಗೊಳಿಸಲಾಯಿತು.  

ರೊಟೇರಿಯನ್ ಬಿ. ಎಂ. ಹೂಗಾರ, ಡಿ. ವಾಯ್, ಎಸ್ಪಿ. (ನಿ), ಹಾಗೂ ರೋಟರಿ ಕ್ಲಬ್ ಅಧ್ಯಕ್ಷ ಲಕ್ಷ್ಮಿಕಾಂತ್ ಗರವ ಕಾರ್ಯದರ್ಶಿಗಳಾದ ಸುಜೀತ ಎಸ್‌.ಎಸ್ ಸೇರಿದಂತೆ  ರೋಟರಿ ಕ್ಲಬ್ ಎಲ್ಲ ಸದಸ್ಯರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.