ಲೋಕದರ್ಶನ ವರದಿ 

ಧಾರವಾಡ 15: 1939 ರಿಂದ 45 ರವರೆಗೂ ನಡೆದ ಮಹಾಯುದ್ಧದ ಸಂದರ್ಭದಲ್ಲಿ ವಿಶ್ವದ ಬಹುತೇಕ ಜನರು ಅದರ ನೋವನ್ನು ಅನುಭವಿಸಿದರು. ಲಕ್ಷಾಂತರ ಜನರು ಮೃತಪಟ್ಟರು. ಈ ಕಾರಣದಿಂದ ಮಾನವ ಹಕ್ಕುಗಳ ಸಂರಕ್ಷಣೆ ಅವಶ್ಯಕತೆ ಅನಿವಾರ್ಯ ಎಂದು ವಿಶ್ವಸಂಸ್ಥೆಯಲ್ಲಿ ಈ ಬಗ್ಗೆ ಚರ್ಚೆ ನಡೆಸಲಾಯಿತು. ಡಿಸೆಂಬರ್ 10 1948 ರಂದು ಮೂವತ್ತು ಮಾನವ ಹಕ್ಕುಗಳನ್ನು ವಿಶ್ವಸಂಸ್ಥೆ ಅಂಗೀಕರಿಸಿತು. ಇದರ ಮುಖ್ಯ ಉದ್ಧೇಶ ವಿಶ್ವದಲ್ಲಿ ಶಾಂತಿ ದೇಶದಲ್ಲಿ ಒಳ್ಳೆ ಸಂಬಂಧ ಬೆಳೆಸುವುದಾಗಿತ್ತು ಎಂದು ಸಂಸ್ಥೆ ಯ ಕಾರ್ಯದರ್ಶಿ ಡಾ. ಅಜಿತ ಪ್ರಸಾದ ಹೇಳಿದರು. 

ಜೆ.ಎಸ್‌.ಎಸ್‌. ಶ್ರೀ ಮಂಜುನಾಥೇಶ್ವರ ಸ್ನಾತಕ ಮತ್ತು ಸ್ನಾತಕೋತ್ತರ ಅಧ್ಯಯನ ಸಂಸ್ಥೆಯ ಮಾನವ ಹಕ್ಕುಗಳ ಸಂಘ ಮತ್ತು ಎನ್‌.ಎಸ್‌.ಎಸ್‌. ಘಟಕದ ವತಿಯಿಂದ ಹಮ್ಮಿಕೊಂಡ ಮಾನವ ಹಕ್ಕುಗಳ ದಿನ  ಕಾರ್ಯಕ್ರಮ  ಉದ್ಘಾಟಿಸಿ ಅವರು ಮಾತನಾಡಿದರು. 

ಭಾರತದ ಸಂವಿಧಾನದಲ್ಲಿ ಮೂಲಭೂತ ಹಕ್ಕುಗಳು ಮೂಲಕ ಮಾನವ ಹಕ್ಕುಗಳನ್ನು ಎತ್ತಿ ಹಿಡಿಯಲಾಯಿತು. ಮಾನವೀಯತೆ ಮೌಲ್ಯಗಳನ್ನು ಜನ ಬೆಳೆಸಿಕೊಂಡರೆ ಸುಖ ಶಾಂತಿ ನೆಮ್ಮದಿ ಕಾಣಬಹುದು. ವಿದ್ಯಾರ್ಥಿಗಳು ಈ ದಿನವನ್ನು ತಮ್ಮ ವ್ಯಕ್ತಿತ್ವದಲ್ಲಿ ಅಳವಡಿಸಿಕೊಳ್ಳಬೇಕು. ಇದರಿಂದ ಶಿಕ್ಷಣ ಸಂಸ್ಥೆಗಳಲ್ಲಿ ಆರೋಗ್ಯಕರ ವಾತಾವರಣ ಸದ್ಭಾವ ಬೆಳೆಯಲು ಸಾಧ್ಯ ಎಂದರು. 

ಮುಖ್ಯ ಅತಿಥಿ, ಹೈಕೋರ್ಟ ವಕೀಲರಾದ ಶ್ರೀ ಎ. ವೀರಣ್ಣ 2025 ರ ಮಾನವ ಹಕ್ಕುಗಳ ಘೋಷಣೆಯಾದ "ಮಾನವ ಹಕ್ಕುಗಳು ಪ್ರತಿ ನಿತ್ಯ ಜೀವನದಲ್ಲಿ "ಈ ವಿಷಯ ಕುರಿತು ಪ್ರತಿಯೊಬ್ಬ ವ್ಯಕ್ತಿ ತನ್ನ ದಿನದ ಚಟುವಟಿಕೆಯಲ್ಲಿ ಮಾನವ ಹಕ್ಕುಗಳ ಗೌರವಿಸಿ ನಡೆಯಬೇಕು. ಇದರಿಂದ ಸಮಾಜದಲ್ಲಿ ಶಾಂತಿ ಬೆಳೆಸಲು ಸಾಧ್ಯ. ಸಮಾನತೆ, ಜಾತ್ಯಾತೀತ, ವಾಕ್ ಸ್ವಾತಂತ್ರ್ಯ ಮುಂತಾದ ಮಾನವ ಹಕ್ಕುಗಳನ್ನು ಎತ್ತಿ ತೋರಿಸುತ್ತವೆ. ಜಾತಿ ಮತ ಧರ್ಮ ಇದನ್ನು ಯಾವುದೇ ಗಮನಕ್ಕೆ ತೆಗೆದುಕೊಳ್ಳದೆ ಸಮಾಜದಲ್ಲಿ ಮಾನವೀಯತೆಯನ್ನು ತರಲು ವಿದ್ಯಾರ್ಥಿಗಳು ಮುಂದಾಗಬೇಕೆಂದು ಹೇಳಿದರು 

ಡಾ. ಸೂರಜ ಜೈನ್, ಮಹಾವೀರ ಉಪಾಧ್ಯೆ, ಪ್ರೊ. ಬಲಭೀಮ ಹಾವನೂರ, ಡಾ. ಆರ್‌.ವಿ.ಚಿಟಗುಪ್ಪಿ, ಉಪಸ್ಥಿತರಿದ್ದರು. 

ಸೋನಿಯಾ ಸ್ವಾಗತಿಸಿದರು. ಚಾರುಲತಾ ಅತಿಥಿಗಳನ್ನು ಪರಿಚಯಿಸಿದರು. ಲಕ್ಷ್ಮೀ ನಿರೂಪಿಸಿದರು. ಅಶ್ವಿನಿ ವಂದಿಸಿದರು.