ಲೋಕದರ್ಶನ ವರದಿ 

 ತಾಳಿಕೋಟೆ   02: ತಾಲ್ಲೂಕಿನ ಕಲಕೇರಿ ಗ್ರಾಮ ಪಂಚಾಯತಿ ಯಲ್ಲಿ ನಡೆದಿದೆ ಎನ್ನಲಾದ ಅವ್ಯವಹಾರ ತನಿಖೆಗೆ ಆಗ್ರಹಿಸಿ ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ಡಿ.ಜಿ.ಸಾಗರ ಬಣ) ಕಲಕೇರಿ ವಲಯದವರು ಹಲವು ಬಾರಿ ಮನವಿ ಮಾಡಿದರೂ ಕ್ರಮ ಜರುಗಿಸಿಲ್ಲವೆಂದು ಆರೋಪಿಸಿ ತಾಳಿಕೋಟೆ ತಾ.ಪಂ.ಕಚೇರಿಗೆ ಬಂದು ಸಮಿತಿಯವರು ತಾ.ಪಂ.ಇಓ ಅವರಿಗೆ ಮನವಿ ಸಲ್ಲಿಸಿದರು. ಈ ಸಂದರ್ಭದಲ್ಲಿ ತಾಲ್ಲೂಕು ಪಂಚಾಯತಿ ಕಾರ್ಯನಿರ್ವಾಹಕ ಅಧಿಕಾರಿ ಅನಸೂಯಾ ಚಲವಾದಿಯವರು ಒಂದು ವಾರದೊಳಗೆ ಅಗತ್ಯ ಕ್ರಮದ ಭರವಸೆ ನೀಡಿದರು. ಈ ಸಮಯದಲ್ಲಿ ತಹಶೀಲ್ದಾರ ಡಾ.ವಿನಯಾ ಹೂಗಾರ, ಸಿಪಿಐ ಫಸಿಯುದ್ದಿನ್, ಪಿಎಸೈ ಜ್ಯೋತಿ ಖೋತ, ಕಲಕೇರಿ ವಲಯ ಸಂಚಾಲಕ ಹಣಮಂತ ವಡ್ಡರ, ಪದಾಧಿಕಾರಿಗಳಾದ ಸೋಮಶೇಖರ ಬಡಿಗೆರ, ದೇವೀಂದ್ರ ವಡ್ಡರ, ಸದ್ದಾಂ ತುಂಬಗಿ, ಭಾಷಾಸಾಬ ಮನಗೂಳಿ, ಸಲೀಂ ನಾಯ್ಕೊಡಿ, ಪ್ರಕಾಶ ದೊಡಮನಿ ಇತರರಿದ್ದರು.