ಲೋಕದರ್ಶನ ವರದಿ 

ಬೆಳಗಾವಿ 06 : ಯಳ್ಳೂರ ರಸ್ತೆಯಲ್ಲಿರುವ ಖ್ಯಾತ ಕೆ ಎಲ್ ಇ ಶತಮಾನೋತ್ಸವ ಚಾರೀಟೇಬಲ್ ಆಸ್ಪತ್ರೆ ಹಾಗೂ ವೈದ್ಯಕೀಯ ಸಂಶೋಧನಾ ಕೇಂದ್ರ ದಲ್ಲಿ ಮೂಳೆ ಮತ್ತು ಕೀಲು ಚಿಕಿತ್ಸಾ ವಿಭಾಗವನ್ನು ಇನ್ನಷ್ಟು ಬಲಪಡಿಸುವ ಉದ್ದೇಶದಿಂದ 8ಕ್ಕೂ ಹೆಚ್ಚು ವರ್ಷಗಳ ಅಪಾರ ಅನುಭವ ಹೊಂದಿರುವ ಖ್ಯಾತ ತಜ್ಞ ವೈದ್ಯರಾದ ಡಾ. ಆಕಾಶ್ ಸಿ. ಗುಂಡಳ್ಳಿ  ಅವರು ಯಳ್ಳೂರು ರಸ್ತೆಯಲ್ಲಿರುವ ಕೆ ಎಲ್ ಇ ಶತಮಾನೋತ್ಸವ ಚಾರೀಟೇಬಲ್ ಆಸ್ಪತ್ರೆ ಯಲ್ಲಿ ತಮ್ಮ ಸೇವೆಯನ್ನು ಆರಂಭಿಸಿದ್ದಾರೆ. 

ಡಾ. ಆಕಾಶ ಅವರು ರೊಬೊಟಿಕ್ ಮತ್ತು ಮ್ಯಾನುಯಲ್ ಸೊಂಟ ಹಾಗೂ ಮಂಡಿ ಕೀಲು  ಬದಲಿ ಶಸ್ತ್ರಚಿಕಿತ್ಸೆ  ಮತ್ತು ಸಂಕೀರ್ಣ ಮೂಳೆ ಮುರಿತ ಮತ್ತು ಆಘಾತ ಚಿಕಿತ್ಸೆಯಲ್ಲಿ ಪರಿಣತಿ ಹೊಂದಿದ್ದಾರೆ. ಮೂಳೆ ಮತ್ತು ಕೀಲು ಸಂಬಂಧಿತ ಸಮಸ್ಯೆಗಳ ಅತ್ಯುತ್ತಮ ಹಾಗೂ ಆಧುನಿಕ ಚಿಕಿತ್ಸೆಗಾಗಿ ಸಾರ್ವಜನಿಕರು ಆಸ್ಪತ್ರೆಗೆ ಭೇಟಿ ನೀಡಿ, ಇವರ ಸೇವೆಯನ್ನು ಸದುಪಯೋಗಪಡಿಸಿಕೊಳ್ಳಿ ಎಂದು ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕರಾದ ಡಾ. ಸಂಜಯ ಕಂಬಾರ ಹಾಗೂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ರೀ. ನವಿನ್ ಎನ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.