ಬೆಳಗಾವಿ : ರವಿವಾರ ಸಂಜೆ ಬೆಳಗಾವಿಯಲ್ಲಿ ಸುರಿದ ಮಳೆಯ ನೀರು ಒಳಚರಂಡಿ (ಡ್ರೈನೆಜ್)ಗೆ ನುಗ್ಗಿ ಅವಾಂತರ ವನ್ನು ಸೃಷ್ಟಿ ಮಾಡುತ್ತಿದ್ದು, ಈ ಬಗ್ಗೆ‌ ಮಹಾನಗರ ಪಾಲಿಕೆ ಹಾಗೂ ಸಂಬಂಧಪಟ್ಟ ಅಧಿಕಾರಿಗಳ ಗಮನಕ್ಕೆ ತಂದರು ಪ್ರಯೋಜನ ಆಗಿಲ್ಲ. ಒಳಚರಂಡಿಗೆ ಮಳೆಯ ನೀರು ನುಗ್ಗಿದ ಕೂಡಲೆ ಒಳಚರಂಡಿ ನೀರು ದುಮುಕಿ ಗಲ್ಲಿಯ ರಸ್ತೆಗಳಲ್ಲಿ ಹರಿದು ಗಬ್ಬೆದ್ದು ವಾಸನೆ ಹೊಡೆಯುತ್ತಿರುವ ಘಟನೆ ಬೆಳಗಾವಿಯ ಕಂಗ್ರಾಳಗಲ್ಲಿ ನಡೆದಿದೆ. 

      ಪ್ರತಿಬಾರಿ ಇದು ಮಳೆ ಬಂದಾಗಲ್ಲೆಲ್ಲ ನಡೆಯುವ ಪ್ರಸಂಗವಾಗಿದ್ದು, ಕಂಗ್ರಾಳ್ ಗಲ್ಲಿಯ ಜನರು ಇದರಿಂದ ರೋಷಿ ಹೋಗಿದ್ದಾರೆ. ಮಳೆಯ ನೀರು ಒಳಚರಂಡಿಯ ಗುಂಡಿಗಳಿಗೆ ಸೇರಿಕೊಂಡು ಒಳಚರಂಡಿಯ ಶೌಚದ ನೀರು ಮನೆಗಳ ಮುಂದಿನ ರಸ್ತೆಯಲ್ಲಿ ಹರಿಯುತ್ತದೆ. 

   ಇದರಿಂದ ಗಲ್ಲಿ ಪೂರ್ತಿ ಗಬ್ಬೇದ್ದು ವಾಸನೆ ಹೊಡೆಯುತ್ತಿದ್ದು, ಜನ ಇದರಿಂದ ಮೂಗು ಮುಚ್ವಿಕೊಂಡು ಅಲೆದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಅಲ್ಲದೆ ಈ ಕುರಿತು ಸಂಬಂಧಪಟ್ಟ ಅಧಿಕಾರಿಗಳಿಗೆ ಹಲಾವರು ಬಾರಿ ದೂರು ನೀಡಿದರು ಯಾವ ಪ್ರಯೋಜನೆವಾಗಿಲ್ಲ ಎಂದು ಅಲ್ಲಿನ ಜನರು ಆಧಿಕಾರಿ ವರ್ಗದ ವಿರುದ್ದ ಹಿಡಿಶಾಪ ಹಾಕುತ್ತಿದ್ದಾರೆ.