ಲೋಕದರ್ಶನ ವರದಿ

ಹಾವೇರಿ 01: ಶಹರದ 29  ವಾರ್ಡಗಳಲ್ಲಿ ನ್ಯಾಯಬೆಲೆ ಅಂಗಡಿಯನ್ನು ಸ್ಥಾಪಿಸುವಂತೆ ಜಿಲ್ಲಾಧಿಕಾರಿಗಳಾದ ಡಾ.ವಿಜಯಮಹಾಂತೇಶ ದಾನಮ್ಮನವರ ಅವರಿಗೆ ಮನವಿ ಸಲ್ಲಿಸಲಾಯಿತು. ಹಾವೇರಿ ಶಹರದ ಮಕಾನಗಲ್ಲಿ,ಮಣಿಗಾರ ಓಣಿ, ತಳವಾರ ಓಣಿ, ಚಂದ್ರಪಟ್ಟಣ ರೋಡ್, ಮಹಬೂಬ ನಗರ, ತಾಜನಗರ ಆನಿಹೊಂಡ ದಾನೇಶ್ವರಿ ನಗರ ಬಾದಾಮಿ ನಗರ, ಶಿವಲಿಂಗ ನಗರದಲ್ಲಿ, ಯಾವುದೇ ನ್ಯಾಯಬೇಲೆ ಅಂಗಡಿಯು ಇರುವುದಿಲ್ಲ.

ಇಲ್ಲಿನ ಜನರು ಬಹಳ ಬಡವರು ಹಾಗೂ ಮಾಧ್ಯಮ ವರ್ಗದವರು ವಾಸಿಸುರುತ್ತಾರೆ ನ್ಯಾಯ ಬೇಲೆಯ ಅಂಗಡಿಯು ಬಹಳ ದೂರವಾಗಿದ್ದರಿಂದ ಜನರಿಗೆ ತುಂಬಾ ತೊಂದರೆಯಾಗಿರುತ್ತೆದೆ. ನ್ಯಾಯಬೇಲೆ ಅಂಗಡಿಯಿಂದ ರೇಷನವನ್ನು ತರಲು ವಯೋವೃದ್ದರು ಹರಸಾಹಸ ಪಡುತ್ತಿದ್ದಾರೆ ಹಾಗೂ ಕೂಲಿ ಕಾರ್ಮಿಕರು ಆ ದಿವಸದ ಕೂಲಿಯನ್ನು ಬಿಟ್ಟು ನ್ಯಾಯಬೆಲೆ ಅಂಗಡಿಯ ಮುಂದೆ ಪಾಳೆ ಹಚ್ಚತ್ತಿದ್ದಾರೆ. ಬಡವರು ರೇಷನನನ್ನು ತರಲು ಅಟೋರಿಕ್ಷಾಗಳಿಗೆ ಹೆಚ್ಚಿನ ಬಾಡಿಗೆಯನ್ನು ನೀಡಿ ರೇಷನನನ್ನು ತರುತ್ತಿದ್ದಾರೆ.ಕೊಡಲೇ ಸದರಿ ವಾರ್ಡಗಳಲ್ಲಿ ನ್ಯಾಯಬೇಲೆ ಅಂಗಡಿಯನ್ನು ಸ್ಥಾಪಿಸಬೇಕೆಂದು ಮನವಿ ಪತ್ರದಲ್ಲಿ ತಿಳಿಸಿದ್ದಾರೆ.ಈ ಸಂದರ್ಭದಲ್ಲಿ ಸಾಮಾಜಿಕ ಕಾರ್ಯಕರ್ತರಾದ ಶಾಹೀದ ದೇವಿಹೊಸೂರ,ಮುಖಂಡರಾದ ಅಮೀರಜಾನ ಬೇಪಾರಿ ಇದ್ದರು.