ಮುಂಬೈ  30: ರಿಲಯನ್ಸ್‌ ರೀಟೇಲ್ ಲಿಮಿಟೆಡ್ ಗುರುವಾರ ಘೋಷಣೆ ಮಾಡಿದ ಪ್ರಕಾರ, ಪ್ರಿಯಾಂಕಾ ಚೋಪ್ರಾ ಅವರ ಜಾಗತಿಕ ಹೇರ್ ಕೇರ್ ಬ್ರ್ಯಂಡ್ ‘ಅನಾಮಲಿ’ಯನ್ನು ಸ್ವಾಧೀನ ಮಾಡಿಕೊಂಡಿದೆ. ಇದರಲ್ಲಿ ಅದರ ಟ್ರೇಡ್‌ಮಾರ್ಕ್‌ಗಳು, ಬ್ರ್ಯಂಡ್ ಸ್ವತ್ತುಗಳು ಮತ್ತು ಡಿಜಿಟಲ್ ಸ್ವತ್ತುಗಳು ಸೇರಿವೆ. ಈ ಸ್ವಾಧೀನವು ರಿಲಯನ್ಸ್‌ ರೀಟೇಲ್‌ನ ವೇಗವಾಗಿ ಬೆಳೆಯುತ್ತಿರುವ ಸೌಂದರ್ಯ ಪೋರ್ಟ್‌ಫೋಲಿಯೊದ ಗಮನಾರ್ಹ ವಿಸ್ತರಣೆ ಆಗಿದೆ ಮತ್ತು ಭಾರತದಲ್ಲಿ ಹಾಗೂ ಜಾಗತಿಕವಾಗಿ ಹೆಚ್ಚಿನ ಬೆಳವಣಿಗೆಯ ಗ್ರಾಹಕ ಬ್ರ್ಯಂಡ್‌ಗಳನ್ನು ರೂಪಿಸುವ ಮತ್ತು ವ್ಯಾಪ್ತಿ ಹೆಚ್ಚಿಸುವ ತನ್ನ ಬದ್ಧತೆಯನ್ನು ಬಲಪಡಿಸುತ್ತದೆ.   

 2021ನೇ ಇಸವಿಯಲ್ಲಿ ಜಾಗತಿಕ ಮಟ್ಟದ ನಟರು ಮತ್ತು ಉದ್ಯಮಿ ಸ್ಥಾಪಿಸಿದ ಅನಾಮಲಿ ಬ್ರ್ಯಂಡ್ ಸ್ವಚ್ಛ, ಸಸ್ಯಾಹಾರಿ, ಹೆಚ್ಚಿನ ಕಾರ್ಯಕ್ಷಮತೆಯ ಹೇರ್ ಕೇರ್ ಬ್ರ್ಯಂಡ್ ಆಗಿದ್ದು, ಕೈಗೆಟುಕುವ ಬೆಲೆಯಲ್ಲಿ ನೀಡಲಾಗುತ್ತದೆ. ಅದರ ಆರಂಭದಿಂದಲೂ ಬ್ರ್ಯಂಡ್ ಪ್ರಮುಖ ಜಾಗತಿಕ ಮಾರುಕಟ್ಟೆಗಳಲ್ಲಿ ವಿತರಣೆಯೊಂದಿಗೆ ಬಲವಾದ ಅಂತರರಾಷ್ಟ್ರೀಯ ಉಪಸ್ಥಿತಿಯನ್ನು ಹೊಂದಿದೆ.   ಈ ಸ್ವಾಧೀನದ ಮೂಲಕವಾಗಿ ಬ್ರ್ಯಂಡ್‌ನ ಬೌದ್ಧಿಕ ಆಸ್ತಿ ಮತ್ತು ಡಿಜಿಟಲ್ ಪರಿಸರ ವ್ಯವಸ್ಥೆಯ ಸಂಪೂರ್ಣ ಮಾಲೀಕತ್ವವನ್ನು  ರಿಲಯನ್ಸ್‌ ರೀಟೇಲ್ ತನ್ನ ಪೋರ್ಟ್‌ಫೋಲಿಯೊಗೆ ತರುತ್ತದೆ. ಇದು ಅದರ ವಿಸ್ತಾರವಾದ ರೀಟೇಲ್ ಜಾಲ ಮತ್ತು ಓಮ್ನಿಚಾನಲ್ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಅನಾಮಲಿಯನ್ನು ವಿಸ್ತರಿಸಲು ಅನುವು ಮಾಡಿಕೊಡುತ್ತದೆ.

ಈ ಕ್ರಮವು ವೇಗವಾಗಿ ಬೆಳೆಯುತ್ತಿರುವ ಸೌಂದರ್ಯ ಮತ್ತು ವೈಯಕ್ತಿಕ ಆರೈಕೆ ವಿಭಾಗದಲ್ಲಿ ತನ್ನ ಉಪಸ್ಥಿತಿಯನ್ನು ಗಾಢವಾಗಿಸಲು, ತಿರಾ ಸೇರಿದಂತೆ ಅದರ ಆಫ್‌ಲೈನ್ ಹೆಜ್ಜೆಗುರುತು ಮತ್ತು ಡಿಜಿಟಲ್ ವಾಣಿಜ್ಯ ವೇದಿಕೆಗಳನ್ನು ಬಳಸಿಕೊಳ್ಳಲು ರಿಲಯನ್ಸ್‌ ರೀಟೇಲ್‌ನ ವಿಶಾಲ ಕಾರ್ಯತಂತ್ರದೊಂದಿಗೆ ಹೊಂದಿಕೆಯಾಗುತ್ತದೆ. ಬ್ರ್ಯಂಡ್ ಬೆಳವಣಿಗೆಯನ್ನು ವೇಗಗೊಳಿಸಲು ಮತ್ತು ಗ್ರಾಹಕರ ಸಂಪರ್ಕ ಹೆಚ್ಚಿಸಲು ಸಾಧ್ಯವಾಗುತ್ತದೆ.   ರಿಲಯನ್ಸ್‌ ರೀಟೇಲ್ ವೆಂಚರ್ಸ್‌ ಲಿಮಿಟೆಡ್‌ನ ಕಾರ್ಯನಿರ್ವಾಹಕ ನಿರ್ದೇಶಕಿ ಇಶಾ ಅಂಬಾನಿ ಮಾತನಾಡಿ, “ನಮ್ಮ ಪೋರ್ಟ್‌ಫೋಲಿಯೊಗೆ ಅನಾಮಲಿಯನ್ನು ತರುವುದು.

ನಮ್ಮ ಹೊಸ ಯುಗದ, ಉನ್ನತ-ಬೆಳವಣಿಗೆಯ ಸೌಂದರ್ಯ ಬ್ರ್ಯಂಡ್‌ಗಳ ಬ್ಯಾಸ್ಕೆಟ್ ವಿಸ್ತರಿಸುವಲ್ಲಿ ಒಂದು ಕಾರ್ಯತಂತ್ರದ ಹೆಜ್ಜೆಯಾಗಿದೆ. ಅನಾಮಲಿಯ ಬಲವಾದ ಜಾಗತಿಕ ಪೊಸಿಷನಿಂಗ್, ಶುದ್ಧ ಫಾರ್ಮುಲೇಷನ್ ಸಿದ್ಧಾಂತ ಮತ್ತು ಕೈಗೆಟುಕುವ ಬೆಲೆ ನಿಗದಿಯು ನಮ್ಮ ಪರಿಸರ ವ್ಯವಸ್ಥೆಗೆ ಇದನ್ನು ಬಲವಾದ ಸೇರೆ​‍್ಡಯನ್ನಾಗಿ ಮಾಡುತ್ತದೆ. ನಮ್ಮ ಓಮ್ನಿಚಾನಲ್ ಸಾಮರ್ಥ್ಯ ಮತ್ತು ಆಳವಾದ ಗ್ರಾಹಕ ಒಳನೋಟಗಳನ್ನು ಬಳಸಿಕೊಳ್ಳುವ ಮೂಲಕ ಭಾರತದಲ್ಲಿ ಬ್ರ್ಯಂಡ್ ಅನ್ನು ವ್ಯಾಪಿಸಲು ಪ್ರಿಯಾಂಕಾ ಅವರೊಂದಿಗೆ ಸಹಕರಿಸುವಲ್ಲಿ ನಾವು ಹೆಚ್ಚಿನ ಸಾಧ್ಯತೆ ಹಾಗೂ ಸಾಮರ್ಥ್ಯ ಕಾಣುತ್ತಿದ್ದೇವೆ,  

ಅದೇ ಸಮಯದಲ್ಲಿ ಅದರ ಅಂತರರಾಷ್ಟ್ರೀಯ ಉಪಸ್ಥಿತಿಯನ್ನು ಬೆಳೆಸುವುದನ್ನು ಮುಂದುವರಿಸುತ್ತೇವೆ,” ಎಂದರು.   ರಿಲಯನ್ಸ್‌ ರೀಟೇಲ್ ಅನಾಮಲಿಯ ಬ್ರ್ಯಂಡ್ ಈಕ್ವಿಟಿ ಮತ್ತು ಭಾರತದೊಂದಿಗೆ ಆದ್ಯತೆಯ ಮಾರುಕಟ್ಟೆಯಾಗಿ ಮಾರುಕಟ್ಟೆ ಪಾಲನ್ನು ವಿಸ್ತರಿಸುವತ್ತ ಗಮನಹರಿಸುತ್ತದೆ. ಕೂದಲು ಮತ್ತು ನೆತ್ತಿಯ ಆರೋಗ್ಯದ ಅಗತ್ಯಗಳಿಗೆ ಅನುಗುಣವಾಗಿ ನಾವೀನ್ಯತೆ ಪ್ರಮುಖ ಚಾಲಕವಾಗಿರುತ್ತದೆ, ಜೊತೆಗೆ ಉತ್ಪನ್ನ ಅಭಿವೃದ್ಧಿ ಮತ್ತು ಸ್ಥಳೀಯ ಪರಿಹಾರಗಳನ್ನು ಬಲಪಡಿಸುತ್ತದೆ. ಬ್ರ್ಯಂಡ್ ತನ್ನ ಜಾಗತಿಕ ಬೆಳವಣಿಗೆಯ ಪ್ರಯಾಣದ ಭಾಗವಾಗಿ ಉತ್ತರ ಅಮೆರಿಕಾ, ಯುನೈಟೆಡ್ ಕಿಂಗ್‌ಡಮ್ ಮತ್ತು ಮಧ್ಯಪ್ರಾಚ್ಯದಂತಹ ಮಾರುಕಟ್ಟೆಗಳಲ್ಲಿ ತನ್ನ ಅಂತರರಾಷ್ಟ್ರೀಯ ಹೆಜ್ಜೆಗುರುತನ್ನು ವಿಸ್ತರಿಸುವುದನ್ನು ಮುಂದುವರಿಸುತ್ತದೆ.   ಕ್ರಿಯೇಟಿವ್ ಡೈರೆಕ್ಟರ್ ಆಗಿ ಬ್ರ್ಯಂಡ್‌ನ ವಿಕಾಸದಲ್ಲಿ ತಮ್ಮ  ಪಾತ್ರವನ್ನು ಪ್ರಿಯಾಂಕಾ ಮುಂದುವರಿಸುತ್ತಾರೆ. 

 ನಾವೀನ್ಯತೆ, ಬ್ರ್ಯಂಡ್ ದೃಷ್ಟಿ ಮತ್ತು ಉತ್ಪನ್ನ ಅಭಿವೃದ್ಧಿಗೆ ಚಾಲನೆ ನೀಡುತ್ತಾರೆ. ಪ್ರಿಯಾಂಕಾ ಮಾತನಾಡಿ, “ಇದು ಅನಾಮಲಿಗೆ ಒಂದು ನಿರ್ಣಾಯಕ ಕ್ಷಣವಾಗಿದೆ. ವೈಯಕ್ತಿಕ ಪ್ರಯಾಣವಾಗಿ ಪ್ರಾರಂಭವಾದದ್ದು ನಿಜವಾದ ಉದ್ದೇಶ ಮತ್ತು ಜಾಗತಿಕ ಮಹತ್ವಾಕಾಂಕ್ಷೆಯೊಂದಿಗೆ ಬ್ರ್ಯಂಡ್ ಆಗಿ ಬೆಳೆದಿದೆ ಮತ್ತು ರಿಲಯನ್ಸ್‌ ರೀಟೇಲ್‌ನ ಸ್ವಾಧೀನವು ಒಂದು ರೋಮಾಂಚಕಾರಿ ಹೊಸ ಅಧ್ಯಾಯವನ್ನು ಗುರುತಿಸುತ್ತದೆ. ರಿಲಯನ್ಸ್‌ ರೀಟೇಲ್ ಪ್ರಮಾಣ, ರೀಟೇಲ್ ಪರಿಣತಿ ಮತ್ತು ನಾವೀನ್ಯತೆಗೆ ಬದ್ಧತೆಯು ಭಾರತ ಮತ್ತು ಪ್ರಪಂಚದಾದ್ಯಂತದ ಹೆಚ್ಚಿನ ಗ್ರಾಹಕರಿಗೆ ಅನಾಮಲಿಯನ್ನು ತಲುಪಿಸಲು ನಮಗೆ ಅನುವು ಮಾಡಿಕೊಡುತ್ತದೆ.

ನಾನು ವಿಶೇಷವಾಗಿ ಇಶಾ ಅಂಬಾನಿ ಅವರೊಂದಿಗೆ ಕೆಲಸ ಮಾಡಲು ಉತ್ಸುಕಳಾಗಿದ್ದೇನೆ, ಅವರ ನಾಯಕತ್ವವನ್ನು ನಾನು ಬಹಳವಾಗಿ ಗೌರವಿಸುತ್ತೇನೆ. ಕ್ರಿಯೇಟಿವ್ ಡೈರೆಕ್ಟರ್ ಆಗಿ ನನ್ನ ಹೊಸ ಪಾತ್ರದಲ್ಲಿ ಅನಾಮಲಿ ವಿಕಸಿಸುವುದಕ್ಕೆ ಮಾರ್ಗದರ್ಶನ ಮಾಡುವಲ್ಲಿ ನಾನು ತೊಡಗಿಸಿಕೊಂಡಿದ್ದೇನೆ, ನಾವು ಬೆಳೆಯುವುದನ್ನು ಮತ್ತು ನಾವೀನ್ಯತೆ ಮುಂದುವರಿಸುವುದನ್ನು ಖಚಿತಪಡಿಸಿಕೊಳ್ಳುತ್ತೇನೆ,” ಎಂದರು.   ಈ ಕಾರ್ಯತಂತ್ರದ ಜೋಡಣೆಯು ರಿಲಯನ್ಸ್‌ ರೀಟೇಲ್ ತನ್ನ ಸೌಂದರ್ಯ ಪೋರ್ಟ್‌ಫೋಲಿಯೊದಲ್ಲಿ ಭವಿಷ್ಯದ ಗ್ರಾಹಕ ಬ್ರ್ಯಂಡ್‌ಗಳನ್ನು ಕ್ಯುರೇಟ್ ಮಾಡುವ ಮತ್ತು ಹೆಚ್ಚು ಮಾಡುವತ್ತ ನಿರಂತರ ಗಮನವನ್ನು ಒತ್ತಿಹೇಳುತ್ತದೆ, ಅದೇ ಸಮಯದಲ್ಲಿ ಜಾಗತಿಕ ಬ್ರ್ಯಂಡ್ ಈಕ್ವಿಟಿಯನ್ನು ತನ್ನ ಮಾರುಕಟ್ಟೆ ಪರಿಣತಿ, ರೀಟೇಲ್ ಪ್ರಮಾಣ ಮತ್ತು ಓಮ್ನಿಚಾನಲ್ ಸಾಮರ್ಥ್ಯಗಳೊಂದಿಗೆ ಸಂಯೋಜಿಸಿ ಭಾರತ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಅನಾಮಲಿಯ ಮುಂದಿನ ಹಂತದ ಬೆಳವಣಿಗೆಯನ್ನು ತೆರೆಯುತ್ತದೆ.