ನವದೆಹಲಿ, ಆಗಸ್ಟ್ 5    ಜಮ್ಮು ಮತ್ತು ಕಾಶ್ಮೀರಕ್ಕೆ ಸಂಬಂಧಿಸಿದ  ಸಂವಿಧಾನದ  35 ಎ ವಿಧಿ  ರದ್ಧು ಪಡಿಸುವ  ಅಧಿಸೂಚನೆಯನ್ನು  ರಾಷ್ಟ್ರಪತಿ ರಾಮನಾಥ್ ಕೋವಿಂದ್  ಹೊರಡಿಸಿದ್ದಾರೆ. ಸಂವಿಧಾನದ 370 ಕಲಂ  ಸೆಕ್ಷನ್  ಎ  ನಡಿ  ಪ್ರದತ್ತವಾಗಿರುವ ಅಧಿಕಾರದಡಿ ರಾಷ್ಟ್ರಪತಿ, ರಾಜ್ಯ  ಸರ್ಕಾರದ ಒಪ್ಪಿಗೆಯೊಂದಿಗೆ  1954 ಸಂವಿಧಾನದ ಆದೇಶ 35 ಎ ವಿಧಿಯನ್ನು  ರದ್ದುಪಡಿಸಿ  ಅಧಿಸೂಚನೆ ಹೊರಡಿಸಿದ್ದಾರೆ. ಇನ್ನೂಮುಂದೆ,  ಜಮ್ಮು ಕಾಶ್ಮೀರದ ಸಂವಿಧಾನದ   ಸ್ಥಾನದಲ್ಲಿ  2019ರ  ಆದೇಶ  ಅನ್ವಯವಾಗಲಿದೆ. ಈ ಆದೇಶ  ತಕ್ಷಣದಿಂದಲೇ ಜಾರಿಗೆ ಬರಲಿದೆ.     ಜಮ್ಮು ಕಾಶ್ಮೀರಕ್ಕೆ ಸಂಬಂಧಿಸಿದ  ಕಲಂ 35 ಎ  ರಾಜ್ಯದ ಜನರ  ಗುರುತು  ಹಾಗೂ ವಿಶೇಷ ಹಕ್ಕುಗಳಿಗೆ ಸಂಬಂಧಿಸಿದ್ದಾಗಿದೆ. ಸಂವಿಧಾನದ  ವಿಧಿ 370  ಹಾಗೂ 35 "ಎ"  ವಿಧಿ  ರದ್ಧುಪಡಿಸುವ  ನಿರ್ಧಾರವನ್ನು  ಇಂದು ಬೆಳಗ್ಗೆ  ಪ್ರಧಾನ ನರೇಂದ್ರ ಮೋದಿ  ಅವರ ಅಧ್ಯಕ್ಷತೆಯಲ್ಲಿ ನಡೆದ  ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ  ಕೈಗೊಳ್ಳಲಾಗಿತ್ತು