ಬೆಳಗಾವಿ 13: ಮಹಾಶಿವರಾತ್ರಿಯ ನಿಮಿತ್ತ ನಮ್ಮ ಪರಮೇಶ್ವರನ ದೇವಾಲಯಗಳಲ್ಲಿ ಭಕ್ತರಿಗಾಗಿ ಹಂಚಲು ತಂದಿರುವ ಪವಿತ್ರ ಗಂಗಾ ಜಲವನ್ನು ಶ್ರೀ ಹುಕ್ಕೇರಿ ಹಿರೇಮಠದ ಪೀಠಾಧಿಪತಿಗಳಾದ ಪರಮಪೂಜ್ಯ ಷ. ಬ್ರ ಶ್ರೀ ಚಂದ್ರಶೇಖರ ಶಿವಾಚಾರ್ಯ ಮಹಾಸ್ವಾಮೀಜಿಗಳು ಇಂದು ನಮ್ಮ ಬೆಳಗಾವಿ ನಗರದಲ್ಲಿ ಸ್ಪರ್ಶಿಸಿ, ಆಶೀರ್ವದಿಸಿ ಹರಸಿ ಕಳುಹಿಸಿದರು.   

ರಿಷಿಕೇಶದಿಂದ ಬಿಜೆಪಿ ಉಪಾಧ್ಯಕ್ಷರು ಹಾಗೂ ಸಮಾಜ ಸೇವಕರಾದ  ಮಹಾಂತೇಶ ವಕ್ಕುಂದ ಹಾಗೂ ಅವರ ಬೆಂಬಲಿಗರು  ತಂದಿರುವ ಈ ಗಂಗಾ ಜಲವನ್ನು ಬೆಳಗಾವಿಯ ಪ್ರಮುಖ ಶಿವಾಲಯ ಹಾಗೂ ಮಂದಿರಗಳಲ್ಲಿ ವಿತರಿಸಲಾಗುವುದು, ತಾವೆಲ್ಲ ಇದರ ಸದುಪಯೋಗ ಪಡೆದುಕೊಳ್ಳಲು ಕೋರುತ್ತೇವೆ. ಈ ಗಂಗಾಜಲವು ನಗರದ ಲಕ್ಷ್ಮೀ ಟೆಕಡಿಯ ಹುಕ್ಕೇರಿ ಹಿರೇಮಠದಲ್ಲಿ ಲಭ್ಯವಿದೆ. 

ಈ ಸಂದರ್ಭದಲ್ಲಿ ಸುದೈವದಿಂದ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಹಿರಿಯ ಪ್ರಚಾರಕರಾದ  ಮನೋಹರ ಮಠದ,  ಬಸವರಾಜ ಗಾಣಗಿ ಸೇರಿದಂತೆ ಪ್ರಮುಖರ ಉಪಸ್ಥಿತರಿದ್ದರು.