ಬೆಳಗಾವಿ 06: ವಜೆ ಗಲ್ಲಿ, ವಡಗಾವ್ ನಿವಾಸಿ ಈರಣ್ಣ ಗದಿಗೆಪ್ಪ ಬಳಗಾವಿ ಅವರು ವೃದ್ಧಾಪ್ಯದಿಂದ ನಿಧನರಾದರು. ನಿಧನ ಸಮಯದಲ್ಲಿ ಅವರ ವಯಸ್ಸು 92 ವರ್ಷವಾಗಿತ್ತು. ಹಲವು ವರ್ಷಗಳಿಂದ ಅವರು ತಮ್ಮ ಪತ್ನಿಯೊಂದಿಗೆ ಮಲ್ಲಿಕಾರ್ಜುನ ದೇವಸ್ಥಾನದ ನೋಡಿಕೊಳ್ಳುವ ಕಾರ್ಯ ಮಾಡುತ್ತಿದ್ದರು. ಎರಡು ವರ್ಷಗಳ ಹಿಂದೆ ಪತ್ನಿಯ ನಿಧನದ ನಂತರ ಅವರು ಒಬ್ಬರೇ ವಾಸವಾಗಿದ್ದರು.  

ಅವರ ನಿಧನದ ಸುದ್ದಿ ತಿಳಿದ ತಕ್ಷಣ ಜೈಂಟ್ಸ್‌ ಐ ಫೌಂಡೇಶನ್ ಸಂಸ್ಥಾಪಕ ಅಧ್ಯಕ್ಷ ಮದನ್ ಬಾಮಣೆ ಅವರು ವಡಗಾವಿನ ಕುರುಹಿಣಶೆಟ್ಟಿ ಸಮಾಜದ ಬಂಧುಗಳೊಂದಿಗೆ ಚರ್ಚೆ ನಡೆಸಿ ದೇಹದಾನದ ಬಗ್ಗೆ ಮಾಹಿತಿ ನೀಡಿದರು. ಅವರ ಸಮ್ಮತಿಯ ನಂತರ ದೇಹವನ್ನು ಜವಾಹರಲಾಲ್ ನೆಹರು ವೈದ್ಯಕೀಯ ಮಹಾವಿದ್ಯಾಲಯಕ್ಕೆ ದಾನ ಮಾಡಲಾಯಿತು. ಜೊತೆಗೆ ಕೆಎಲ್‌ಇ ನೇತ್ರಪೇಡಿಗೆ ನೇತ್ರದಾನ ಮಾಡಲಾಗಿದ್ದು, ಕೆಎಲ್‌ಇ ರೋಟರಿ ಸ್ಕಿನ್ ಬ್ಯಾಂಕ್‌ಗೆ ತ್ವಚಾದಾನ ಮಾಡಲಾಗಿದೆ.  

ಈರಣ್ಣ ಅವರ ದೇಹದಾನದಿಂದ ವೈದ್ಯಕೀಯ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಗಳಿಗೆ ಸಹಾಯವಾಗಲಿದೆ. ನೇತ್ರದಾನದ ಮೂಲಕ ಇಬ್ಬರು ಅಂಧರಿಗೆ ಲೋಕವನ್ನು ನೋಡುವ ಅವಕಾಶ ಸಿಗಲಿದೆ. ತ್ವಚಾದಾನದಿಂದ ಅಗತ್ಯವಿರುವವರಿಗೆ ನೆರವು ದೊರೆಯಲಿದೆ.  

ಜೈಂಟ್ಸ್‌ ಐ ಫೌಂಡೇಶನ್ ಪರವಾಗಿ  ಬಸವರಾಜ ಅತ್ತಿಮರದ, ಶ್ರೀಧರ ತಿಗಡಿ, ನಿಜಗುಣಿ ಬಸಾಪುರ, ಮಹೇಶ್ ಭೈರ​‍್ಪನ್ನವರ, ಗುರುಸಿದ್ದಪ್ಪ ತಿಗಡಿ, ಪ್ರವೀಣ ದೋಡಮನಿ, ವಿಜಯ ಹಳಗಿ, ಶಶಿಧರ ಚಲ್ಲಾಪಿಲ್ಲಿ, ಶಿವಾನಂದ ದೋಡಮನಿ, ಮಲ್ಲಿಕಾರ್ಜುನ ಯಳ್ಳೂರು, ಉಮೇಶ್ ಕಲ್ಲೇದ, ಈರಣ್ಣ ಹಳಗಿ ಹಾಗೂ ಸಮಾಜ ಬಂಧುಗಳಿಗೆ ಕೃತಜ್ಞತೆ ಸಲ್ಲಿಸಲಾಗಿದೆ. ಪ್ರತಿಯೊಂದು ಯುವಕ ಮಂಡಳಿ ಮತ್ತು ಪಂಚ ಮಂಡಳಿಗಳು ತಮ್ಮ ತಮ್ಮ ಪ್ರದೇಶಗಳಲ್ಲಿ ಇಂತಹ ಸಾಮಾಜಿಕ ಕರ್ತವ್ಯವನ್ನು ಕೈಗೊಳ್ಳಬೇಕೆಂದು ವಿನಂತಿಸಲಾಗಿದೆ.  

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: ಶ್ರೀ ಮದನ್ ಬಾಮನೆ  - 94481 91266