ಉಡುಪಿ, ಡಿ 21 ತೀವ್ರ ಉಸಿರಾಟ ಸಮಸ್ಯೆ ಹಾಗೂ ನ್ಯೂಮೋನಿಯಾದಿಂದ  ಬಳಲುತ್ತಿರುವ ಪೇಜಾವರಮಠದ  ವಿಶ್ವೇಶ ತೀರ್ಥ ಶ್ರೀಗಳ   ಆರೋಗ್ಯ ಸ್ಥಿತಿ ಗಂಭೀರವಾಗಿದ್ದರೂ,  ಸ್ಥಿರವಾಗಿದೆ.   ಚಿಕಿತ್ಸೆಗೆ   ಶ್ರೀಗಳು  ಸ್ಪಂದಿಸುತ್ತಿದ್ದಾರೆ  ಎಂದು  ಮಣಿಪಾಲ್  ಕೆ ಎಂ ಸಿ  ಆಸ್ಪತ್ರೆಯ  ವೈದ್ಯಕೀಯ ಸೂಪರಿಂಟೆಂಡೆಂಟ್   ಡಾ. ಅವಿನಾಶ್  ಶೆಟ್ಟಿ  ಶನಿವಾರ ತಿಳಿಸಿದ್ದಾರೆ  ಸ್ವಾಮೀಜಿ ಆರೋಗ್ಯ  ಪರಿಸ್ಥಿತಿ ಕುರಿತು ಆಸ್ಪತ್ರೆ  ಇಂದು ಬೆಳಗ್ಗೆ   ಹೆಲ್ತ್  ಬುಲೆಟಿನ್  ಬಿಡುಗಡೆಗೊಳಿಸಿದೆ. ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದರುವ   ಶ್ರೀಗಳನ್ನು  ತುರ್ತು ವಾರ್ಡ್  ದಾಖಲಿಸಲಾಗಿದೆ. ಅವರು ಚಿಕಿತ್ಸೆಗೆ  ಸ್ಪಂದಿಸುತ್ತಿದ್ದಾರೆ   ಎಂದು ಡಾ. ಶೆಟ್ಟಿ ಹೇಳಿಕೆಯಲ್ಲಿ  ತಿಳಿಸಿದ್ದಾರೆ.    ಈ ನಡುವೆ  ಜಿಲ್ಲಾ ಪೊಲೀಸ್  ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿ,  ಆಸ್ಪತ್ರೆಯಲ್ಲಿ  ಚಿಕಿತ್ಸೆ ಪಡೆಯುತ್ತಿರುವ ಪೇಜಾವರ ಶ್ರೀಗಳ ಆರೋಗ್ಯ ಕುರಿತಂತೆ  ಸಾಮಾಜಿಕ ಮಾಧ್ಯಮಗಳಲ್ಲಿ  ಯಾವುದೇ ಸಂದೇಶಗಳನ್ನು  ರವಾನಿಸದಂತೆ  ಹಾಗೂ ಹಂಚಿಕೊಳ್ಳದಂತೆ ಶನಿವಾರ ಜನರಿಗೆ ಎಚ್ಚರಿಕೆ ನೀಡಿದ್ದಾರೆ   ಆಸ್ಪತ್ರೆ  ಅಧಿಕೃತವಾಗಿ ಬಿಡುಗಡೆಗೊಳಿಸುವ ವರದಿಗಳನ್ನು ಮಾತ್ರ ಜನರು  ನಂಬಬೇಕು ಎಂದು  ಕೆಎಂ ಸಿ ಆಸ್ಪತ್ರೆ ಮನವಿ ಮಾಡಿದ್ದು, ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುವ  ವರದಿಗಳ ಬಗ್ಗೆ  ಗಮನ ನೊಡಬಾರದು ಎಂದು ವಿನಂತಿಸಿದೆ.   ಈ ಪ್ರದೇಶದ ಕಾನೂನು ಮತ್ತು ಸುವ್ಯವಸ್ಥೆಗೆ  ಭಂಗ ತರುವಂತಹ  ನಕಲಿ ಸುದ್ದಿಗಳನ್ನು ಪ್ರಕಟಿಸುವ ಮೂಲಕ    ಕಾನೂನು  ಉಲ್ಲಂಘಿಸುವವರ  ವಿರುದ್ದ  ಕಠಿಣ ಕ್ರಮ ಕೈಗೊಳ್ಳಲಾಗುವುದು   ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರಿಗೆ  ಪೊಲೀಸರು ಎಚ್ಚರಿಕೆ ನೀಡಿದ್ದಾರೆ.