ಲೋಕದರ್ಶನ ವರದಿ 

ಯಮಕನಮರಡಿ 15: ಸ್ಥಳೀಯ ಸರಕಾರಿ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳ 2025-26 ನೇ ಸಾಲಿನ ಸಾಧಿಸಿದ  ಫಲಿತಾಂಶದ ವಿವರವನ್ನು ಕಾಲೇಜಿ ಅಭಿವೃದ್ಧಿ ಸಮೀತಿ ಅಧ್ಯಕ್ಷರು, ಲೋಕೋಪಯೋಗಿ ಸಚಿವರು ಹಾಗೂ ಬೆಳಗಾವಿ ಉಸ್ತುವಾರಿ ಸಚಿವರಾದ ಸತೀಶ ಜಾರಕೀಹೊಳಿ ರವರಿಗೆ ಭೇಟಿಯಾಗಿ ಸಲ್ಲಿಸಲಾಯಿತು.  

ಕಾಲೇಜು ಪ್ರಸಕ್ತ ವರ್ಷದಲ್ಲಿ 98ಅ ಪ್ರತಿಶಯ ಫಲಿತಾಂಶ ದಾಖಲಿಸಿದ ವಿವರವನ್ನು ಪ್ರಾಚಾರ್ಯರು ಸಚಿವರಿಗೆ ವಿವರಿಸಿದರು. ಸದರಿ ಫಲಿತಾಂಶವನ್ನು ಕಂಡು ಸಚಿವರು ಬಹಳಷ್ಟು ಹರ್ಷ ವ್ಯಕ್ತಪಡಿಸಿ ಇದೇ ರೀತಿ ಫಲಿತಾಂಶ ಬರುವ ವರ್ಷಗಳಲ್ಲಿಯೂ ಕೂಡಾ ಬರಬೇಕು ಇನ್ನೂ ಉನ್ನತ ಮಟ್ಟದ ಸಾಧನೆ ನಮ್ಮ ಕಾಲೇಜಿನಿಂದ ಆಗಬೇಕು ಎಂದು ತಿಳಿಸಿದರು.  

ಈ ಸಂದರ್ಭದಲ್ಲಿ  ಕಾಲೇಜು ಅಭಿವೃದ್ಧಿ ಸಮೀತಿ ಉಪಾಧ್ಯಕ್ಷರಾದ ವೀರಣ್ಣ ಬಿಸಿರೊಟ್ಟಿ ಸದಸ್ಯರಾದ ಸಿದ್ದಪ್ಪ ಶಿಳ್ಳಿ ಪ್ರಾಚಾರ್ಯ ಎಸ್‌.ಎ ರಾಮನಕಟ್ಟಿ ಉಪನ್ಯಾಸಕ ಎ.ಎ.ಕಿವಂಡಾ ಹಾಗೂ ಎಸ್‌.ಆರ್‌.ತಬರಿ ಹಾಜರಿದ್ದರು.