ಲೋಕದರ್ಶನ ವರದಿ 

ಧಾರವಾಡ 25: ಗದಗ ಜಿಲ್ಲೆಯ ಗಜೇಂದ್ರಗಡ ತಾಲ್ಲೂಕಿನ ಇಟಗಿ-ಶಾಂತಗಿರಿಯ ದೇಸಾಯಿ ಕುಟುಂಬಸ್ಥರ ಆಶ್ರಯದಲ್ಲಿ, ವಿಜಯಕುಮಾರಸರ್ಜ ಶಿ. ದೇಸಾಯಿ ಅವರು ರಚಿಸಿರುವ ‘ಸವಾಯಿ ಮಲ್ಲಸರ್ಜ’ (ಕಿತ್ತೂರ ಸಂಸ್ಥಾನದ ದತ್ತು ಪುತ್ರ ಮಾಸ್ತಮರ್ಡಿಯ ಶಿವಲಿಂಗಪ್ಪ ಅವರ ಕುರಿತಾದ ಕೃತಿ) ಗ್ರಂಥದ ಲೋಕಾರೆ​‍್ಣ ಸಮಾರಂಭವು ಡಿ 26, ಶುಕ್ರವಾರ ಹಮ್ಮಿಕೊಳ್ಳಲಾಗಿದೆ. 

ನಗರದ ಕರ್ನಾಟಕ ವಿದ್ಯಾವರ್ಧಕ ಸಂಘದ ಸಭಾಂಗಣದಲ್ಲಿ ಬೆಳಿಗ್ಗೆ 11 ಕ್ಕೆ ಕಾರ್ಯಕ್ರಮ ನಡೆಯಲಿದೆ. 

ಹಾಲಕೆರೆ ಅನ್ನದಾನೇಶ್ವರ ಸಂಸ್ಥಾನಮಠದ ಪರಮಪೂಜ್ಯ ಜಗದ್ಗುರು ಶ್ರೀ ಮುಪ್ಪಿನ ಬಸವಲಿಂಗ ಮಹಾಸ್ವಾಮಿಗಳು ಕಾರ್ಯಕ್ರಮದ ದಿವ್ಯ ಸನ್ನಿಧಾನ ವಹಿಸಲಿದ್ದಾರೆ. ಅಧ್ಯಕ್ಷತೆಯನ್ನು ಕಿತ್ತೂರು ರಾಜಗುರು ಸಂಸ್ಥಾನ ಕಲ್ಮಠದ ಪರಮಪೂಜ್ಯ ಮ.ನಿ.ಪ್ರ. ಮಡಿವಾಳ ರಾಜಯೋಗಿಂದ್ರ ಮಹಾಸ್ವಾಮಿಗಳು ಸಮಾರಂಭದ ಅಧ್ಯಕ್ಷತೆ ವಹಿಸಲಿದ್ದಾರೆ. 

ಭೈರನಹಟ್ಟಿ ದೊರೆಸ್ವಾಮಿ ವಿರಕ್ತಮಠದ ಪರಮಪೂಜ್ಯ ಶಾಂತಲಿಂಗಸ್ವಾಮಿಗಳು ಹಾಗೂ ಇಟಗಿ ಭೀಮಾಂಬಿಕಾದೇವಿ ಮಠದ ಪೂಜ್ಯ ಷಣ್ಮುಖಪ್ಪಜ್ಜ ಧರ್ಮರ ಅವರು ಸಮ್ಮುಖ ವಹಿಸಿ ಆಶೀರ್ವಚನ ನೀಡಲಿದ್ದಾರೆ. 

ಕಿತ್ತೂರು ಸಂಸ್ಥಾನದ ಇತಿಹಾಸದ ಮೇಲೆ ಬೆಳಕು ಚೆಲ್ಲುವ ಈ ಮಹತ್ವದ ಕೃತಿಯ ಬಿಡುಗಡೆಗೆ ಸಾಹಿತ್ಯಾಭಿಮಾನಿಗಳು, ಇತಿಹಾಸ ತಜ್ಞರು ಹಾಗೂ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕೆಂದು ದೇಸಾಯಿ ಕುಟುಂಬಸ್ಥರು ಪ್ರಕಟಣೆಯಲ್ಲಿ ಕೋರಿದ್ದಾರೆ.