ಲಕ್ಷ್ಮೇಶ್ವರ 09: ‘ರಸ್ತೆನಾ ಚರಂಡಿನಾ’ ಪಟ್ಟಣದ ಅಂಬೇಡ್ಕರ್ ಕಾಲೋನಿ ಒಂದರಲ್ಲಿ ಕಂಡುಬರುವ ದುಸ್ಥಿತಿ. ತಾತ್ಕಾಲಿಕ ಚರಂಡಿ ನಿರ್ಮಿಸಿದ್ದರೂ, ರಸ್ತೆಯಲ್ಲಿಯೇ ಮನೆಗೆ ಬಳಕೆ ಮಾಡಿದ ಗಲೀಜು ನೀರು ಹರಿದು ಹೋಗುತ್ತಿದ್ದು, ಅದೇ ಗಲೀಜು ನೀರು ದಾಟುತ್ತಾ ಜನರು ಮನೆಗಳಿಗೆ ಹೋಗುತ್ತಿದ್ದಾರೆ.  ನೋಡಿ ವೃದ್ಧರು ಮಕ್ಕಳು ಸ್ವಲ್ಪ ಯಾಮಾರಿದ್ರೆ ಸಾಕು ಗಲೀಜ್ ನೀರು ಹರಿಯುವ ಚರಂಡಿಯಲ್ಲಿ ಬೀಳುವುದು ಪಕ್ಕಾ. ಅದಕ್ಕಾಗಿ ಪುರಸಭೆ ಅಧಿಕಾರಿಗಳು ಒಮ್ಮೆ ಈ ಬಡಾವಣೆಗೆ ಭೇಟಿ ನೀಡಿ ಇಲ್ಲಿರುವ ಸಮಸ್ಯೆಯನ್ನು ಆಲಿಸಿ ಮನೆಗೆ ಬಳಕೆ ಮಾಡಿದ ಗಲೀಜು ನೀರು ಹರಿದು ಹೋಗಲು ಪೈಪ್ ಲೈನ್ ಒಳಗಡೆ ಅಳವಡಿಸಿ ಮೇಲೆ ರಸ್ತೆ ಮಾಡಿದರೆ ಸಮಸ್ಯೆ ಬಗೆ ಹರಿಯುತ್ತದೆ ಎಂದು ಅಲ್ಲಿಯ ನಿವಾಸಿಗಳಾದ ರಾಮಪ್ಪ ಅಡಿಗಿಮನಿ, ದೇವೇಂದ್ರ​‍್ಪ ಕರಬಸಣ್ಣವರ, ಸೋಮಪ್ಪ ಸಂದಿಮನಿ, ಬಸಪ್ಪ ಸಂದಿಮನಿ, ಮಹಾಂತೇಶ್ ಕರಬಸಣ್ಣನವರ, ಬಸಪ್ಪ ಮುಂಡಗೋಡ, ಗಂಗವ್ವ ಕರಿಬಸಣ್ಣವರ ಅವರು ಪುರಸಭೆ ಅಧಿಕಾರಿಗಳನ್ನು ಒತ್ತಾಯಿಸಿದ್ದಾರೆ.