ಪಾಟ್ನಾ 13: ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ದರ್ಭಾಂಗಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಪಾದಗಳನ್ನು ಸ್ಪರ್ಶಿಸಿದಾಗ ಎಲ್ಲರೂ ಆಶ್ಚರ್ಯಚಕಿತರಾದರು.

73 ವರ್ಷದ ಜೆಡಿಯು ನಾಯಕ ನಿತೀಶ್ ಕುಮಾರ್ ಅವರು 74 ರ ಹರೆಯದ ಪ್ರಧಾನಿ ಮೋದಿಯವರತ್ತ ಆಗಮಿಸಿ ಪಾದಗಳನ್ನು ಮುಟ್ಟಿ ನಮಸ್ಕರಿಸಲು ಪ್ರಯತ್ನಿಸಿದರು. ನಿತೀಶ್ ಕುಮಾರ್  ರವರು ಈ ರೀತಿ ನಮಸ್ಕರಿಸಿರುವುದು ಮೊದಲಬಾರಿಯೇನಲ್ಲ, ಈ ವರ್ಷ ಮೂರನೇ ಬಾರಿ ಎನ್ನುವುದು ವಿಶೇಷ. ಪ್ರಧಾನಿ ಮೋದಿ ಅವರು ಜೆಡಿಯು ನಾಯಕ ಪಾದಗಳನ್ನು ಮುಟ್ಟದಂತೆ ತ್ವರಿತವಾಗಿ ನಿಲ್ಲಿಸಿ ಕೈಕುಲುಕಿದರು.

ದರ್ಭಾಂಗಾದಲ್ಲಿ ನಡೆದ ಸಮಾರಂಭದಲ್ಲಿ ಪ್ರಧಾನಿ ಮೋದಿ ಅವರು ಏಮ್ಸ್‌ಗೆ ಅಡಿಗಲ್ಲು ಹಾಕಿ ಸುಮಾರು 12,100 ಕೋಟಿ ರೂಪಾಯಿ ಮೌಲ್ಯದ ಹಲವಾರು ಪ್ರಮುಖ ಮೂಲಸೌಕರ್ಯ ಯೋಜನೆಗಳನ್ನು ಉದ್ಘಾಟಿಸಿದರು.