ದೇವಲ ಮಹರ್ಷಿ ಜಯಂತಿ: ಉತ್ಸವ ಸಾಧಕರಿಗೆ ಸನ್ಮಾನ 

ಯಮಕನಮರಡಿ 14: ಸ್ಥಳಿಯ ದೇವಾಂಗ ಕುಲಬಾಂದವರು ದಿ 13 ರಂದು ದೇವಲ ಮಹರ್ಷಿ ಉತ್ಸವ ಅತೀ ವಿಜೃಂಭಣೆಯಿಂದ ಆಚರಿಸಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಪಲ್ಲಕ್ಕಿ ಮೇರವಣಿಗೆ ಆಯೋಜಿಸಲಾಗಿತ್ತು.  

ಸಾಯಂಕಾಲ 7 ಗಂಟೆಗೆ ಬನಶಂಕರಿ ಕಲ್ಯಾಣ ಮಂಟಪದಲ್ಲಿ ದೀಪೋತ್ಸವ ಸಮಾರಂಭ ಆಯೋಜಿಸಿ ಇದೇ ಸಂದರ್ಭದಲ್ಲಿ ನವ್ಹೆಂಬರ್ 1ರಂದು ಗ್ರಾಮದ ಗೋಪಾಲ ಚಪಣಿ ಅವರಿಗೆ ಕರ್ನಾಟಕ ಸರ್ಕಾರ ಜಿಲ್ಲಾ ಆಡಳಿತ ವತಿಯಿಂದ ಜಾನಪದ ವಿಭಾಗದಲ್ಲಿ ಹೆಚ್ಚಿನ ಸೇವೆ ಸಲ್ಲಿಸಿದ್ದನ್ನು ಗುರುತಿಸಿ ಸರ್ಕಾರವು ಕೊಡಮಾಡಿದ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದದಕ್ಕಾಗಿ ಸದರಿ ಅವರನ್ನು ಸಮಾಜ ಮುಖಂಡರಿಂದ ಸನ್ಮಾನಿಸಲಾಯಿತು.  

ಸಮಾಜದ ಅಧ್ಯಕ್ಷ ಬಸವರಾಜ ಬಾವನ್ನವರ, ಶಾಂತಾರಾಮ ಕಾಪಶಿ, ವಿಲಾಸ ಪಾಟೀಲ, ಮಾಹದೇವ ಬೇಲಿ, ವಿಠ್ಠಲ ತುಗಶೆಟ್ಟಿ, ಹಿರಿಯ ಶಿಕ್ಷಕರಾದ ವಿಲಾಸ ಮಲ್ಲೋಳಿ ಮುಂತಾದವರು ಉಪಸ್ಥಿತರಿದ್ದರು.