ಲೋಕದರ್ಶನ ವರದಿ 

ಯಮಕನಮರಡಿ 26: ದೇಶದ ಪ್ರಗತಿಗೆ ಇಂದಿನ ಯುವಜನರು ವಿದ್ಯಾರ್ಥಿದೆಶೆಯಲ್ಲಿ ಸಮಾಜಮುಖಿ ಕಾರ್ಯಮಾಡುವ ಹವ್ಯಾಸವನ್ನು ಬೆಳೆಸಿಕೊಳ್ಳಬೇಕು ಉತ್ತಮ ಆರೋಗ್ಯಕ್ಕೆ ಸ್ವಚ್ಛ ಪರಿಸರ ಪ್ರತಿಯೊಬ್ಬರು ಕಾಳಜಿ ವಹಿಸಬೇಕೆಂದು ವಿಶ್ವನಾಥ ಮ ಕತ್ತಿ ಪ್ರಥಮ ದರ್ಜೆ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯ ಬೆ.ಬಾಗೇವಾಡಿ ಪ್ರಾಚಾರ್ಯರಾದ ಡಾ ವಿ.ಎಸ್ ಹೂಗಾರ ಯುವ ಜನರಿಗೆ ಕರೆ ನೀಡಿದರು. 

ಅವರು ಕಳೆದ ಸೋಮವಾರ 23 ಮಾರ್ಚ 2026 ರಂದು ಮೈ ಭಾರತ ಕೇಂದ್ರ ಬೆಳಗಾವಿ ಆಶಾದೀಪ ಸಮುದಾಯ ಕಲಾಕೇಂದ್ರ ಹಾಗೂ ಸ್ನೇಹ ಚೇತನ ಕಲಾಪ್ರೇರಣೆ ಸಮುದಾಯ ಸೇವಾ ಬಳಗ ಬೇಡಕಿಹಾಳ ಹಾಗೂ ಎನ್‌. ಎಸ್‌. ಎಸ್ ಘಟಕ  ಇವರ ಸಂಯುಕ್ತಾಶ್ರಯದಲ್ಲಿ ಝಂಗಟಿಹಾಳ ಗ್ರಾಮದಲ್ಲಿ ಜರುಗಿದ ರಾಷ್ಟ್ರೀಯ ಸೇವಾ ಯೋಜನೆ ಶಿಬಿರ ಶಾಹೀದಿ ದಿವಸ ಶ್ರಮದಾನ ಪಾದಯಾತ್ರೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಎನ್,ಎಸ್,ಎಸ್ ಅಧಿಕಾರಿಗಳಾದ ಆರ್ .ಎಸ್ ಹುದ್ದಾರ ಮಾತನಾಡಿ ಭಗತ ಸಿಂಗ ಶಿವರಾಮ ರಾಜಗುರು ಸುಖದೇವ ತಾಪರ ಅಂತಹಾ ದೇಶಕ್ಕಾಗಿ ಹೋರಾಡಿ ಪ್ರಾಣ ತ್ಯಾಗಮಾಡಿದವರು ಅವರ ಪ್ರೇರಣೆ ಇಂದಿನ ಯುವ ಜನರಲ್ಲಿ ದೇಶ ಭಕ್ತಿ ಇರಬೇಕೆಂದು  ಅಭಿವ್ಯಕ್ತ ಪಡಿಸಿದರು.   

ಕಾರ್ಯಕ್ರಮದಲ್ಲಿ ಗ್ರಾ.ಪಂ ಕಾರ್ಯದರ್ಶಿ ನಾಶಿರಕಾನ ಪಠಾಣ ಇವರು ಸಸಿಗೆ ನೀರೆರೆದು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಕಲಾವಿದ ಪ್ರಕಾಶ ಜನಮಟ್ಟಿ ಹಾಗೂ ಸ್ಥಳೀಯ ಗಣ್ಯ ವ್ಯಕ್ತಿಗಳು ಉಪಸ್ಥಿತರಿದ್ದರು. ಗ್ರಾಮದಲ್ಲಿ ಯುವಜನರು ಸ್ವಚ್ಚತಾ ಸೇವೆ ಹಾಗೂ ಪಾದಯಾತ್ರೆ ಮಾಡುವ ಮುಖಾಂತರ ಜಾಗೃತಿ ಮೂಡಿಸಿದರು. ಶೀಮಾ ಗೋಲಭಾಂವಿ ಕಾರ್ಯಕ್ರಮ ನಿರೂಪಿಸಿದರು. ಲಕ್ಷ್ಮಣ ಯಡ್ರಾಂವಿ ಸ್ವಾಗತಿಸಿ ವಂದಿಸಿದರು.