ಲೋಕದರ್ಶನ ವರದಿ 

ವಿಜಯಪುರ 04 : ನಗರದಲ್ಲಿ ಪ್ರತಿಷ್ಠಿತವಾಗಿ ಬೆಳೆಯುತ್ತಿರುವ   ನರಸಿಂಹ ಸೌಹಾರ್ದ ಸಹಕಾರಿ ನಿಯಮಿತವು ಇನ್ನೂ 2 ಶಾಖೆಗಳನ್ನು ಇಷ್ಟರಲ್ಲಿಯೇ ಪ್ರಾರಂಭಿಸಲಾಗುವದು ಎಂದು ಅಧ್ಯಕ್ಷ ಆರ್‌.ಜಿ.ಆಲಗೂರ ತಿಳಿಸಿದರು.  ಅವರು   ನರಸಿಂಹ ಸೌಹಾರ್ದ ಸಹಕಾರಿ ನಿಯಮಿತದ 7 ನೇ ವಾರ್ಷಿಕ ಸರ್ವ ಸಾಧಾರಣ ಸಭೆಯಲ್ಲಿ ಮಾತನಾಡುತ್ತ ಕರೋನಾ ಅವಧಿಯಲ್ಲಿ ಹಿನ್ನಡೆಯಾದ ಬ್ಯಾಂಕು ಈಗ ಆಡಳಿತ ಮಂಡಳಿಯ ನಿರ್ದೇಶಕರ ಮತ್ತು ಸದಸ್ಯರ ಸಹಕಾರದ ಫಲವಾಗಿ ಬೆಳೆಯುತ್ತಿದೆ, ಸಾಲ ಪಡೆದ ಸಾಲಗಾರರು ನಿಗಧಿತ ಅವಧಿಯಲ್ಲಿ ಸಾಲ ಪರುಪಾವತಿ ಮಾಡಬೇಕು ಅವಾಗ ಬ್ಯಾಂಕು ಸದೃಢವಾಗಲು ಸಾಧ್ಯ ಎಂದರು.  ಸಾಲ ವಿತರಣೆಗೆ ಮಹತ್ವ ನೀಡಲಾಗಿತ್ತು ಈಗ ಸಾಲ ವಸೂಲಾತಿಗೆ ಆಡಳಿತ ಮಂಡಳಿ ಮಹತ್ವ ನೀಡಿ   ನರಸಿಂಹ ಸೌಹಾರ್ದ ಸಹಕಾರಿ ನಿಯಮಿತವು ಎತ್ತರಕ್ಕೆ ಬೆಳೆಯಲು ಸಹಕಾರ ನೀಡಬೇಕೆಂದರು. 

 2019 ರಲ್ಲಿ ಪ್ರಾರಂಭವಾದ ನಿಯಮಿತವು 2025-26 ರಲ್ಲಿ  4.49 ಲಕ್ಷ ಲಾಭದಲ್ಲಿ ಮುನ್ನುಗ್ಗಿದೆ ಎಂದು ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಆರ್‌.ಕೆ.ಇನಾಮದಾರ ಅವರು  ನರಸಿಂಹ ಸೌಹಾರ್ದ ಸಹಕಾರಿ ನಿಯಮಿತದ ವರದಿ ವಾಚನ ಮಾಡಿದರು.  ಮಾರ್ಚ 2026 ರ ಅಂತ್ಯಕ್ಕೆ 465 ಸದಸ್ಯರನ್ನು ಹೊಂದಿದ್ದು, ಶೇರು ಬಂಡವಾಳ 29.42 ಲಕ್ಷಕ್ಕೆ ತಲುಪಿದೆ. ಸದಸ್ಯರ ಹಾಗೂ ಸಾರ್ವಜನಿಕರ ಉತ್ತಮ ಸಹಕಾರ ಸೇವೆಯ ಫಲವಾಗಿ 195.16 ಲಕ್ಷ ಠೇವು ಹೊಂದಿದ್ದು, ದುಡಿಯುವ ಬಂಡವಾಳ 224.58 ಲಕ್ಷ ಇದ್ದು, ಈ ವರ್ಷ 5.29 ಲಕ್ಷ ಹೆಚ್ಚಾಗಿದೆ. 1.35 ಕೋಟಿಯಷ್ಟು ಸಾಲ ವಿತರಿಸಿ ಮರುಪಾವತಿಗೂ ಸದಸ್ಯರು ಸಹಕಾರ ನೀಡಿ ಮರು ಪಾವತಿ ಮಾಡುತ್ತಿದ್ದಾರೆ.

ನಿಗದಿತ ಅವಧಿಯಲ್ಲಿ ಮರು ಪಾವತಿ ಮಾಡದವರ ವಿರುದ್ದ ಕಠಿಣ ಕ್ರಮ ತಗೆದುಕೊಳ್ಳಲಾಗುತ್ತದೆ ಎಂದು ಆರ್‌.ಕೆ.ಇನಾಮದಾರ ತಿಳಿಸಿದ್ದಾರೆ.  ವೇದಿಕೆಯ ಮೇಲೆ ಆಡಳಿತ ಮಂಡಳಿಯ ಉಪಾಧ್ಯಕ್ಷರಾದ   ಆರ್‌.ಆರ್‌.ಗಂಗಾವತಿ, ನಿರ್ದೇಶಕರಾದ ಎಸ್‌.ಜಿ.ದೇಶಪಾಂಡೆ, ಆರ್‌.ವ್ಹಿ.ಮರಳಿ, ಜಿ.ಆರ್‌.ಕುಲಕರ್ಣಿ, ಎನ್‌.ಆರ್‌.ಬಂಕಾಪುರ,   ಎಮ್‌.ವ್ಹಿ.ಕುಲಕರ್ಣಿ, ಎಮ್‌.ಎಚ್‌.ಕರಿಬಂಟನಾಳ, ಕೆ.ಪಿ.ಗಂಜಿ, ರಾಕೇಶ ರಾ.ಗಂಗಾವತಿ ಅವರು ಉಪಸ್ಥಿತರಿದ್ದರು.  ಬ್ಯಾಂಕಿನಲ್ಲಿ ಪರಿಣಿತರಾದವರು ಬ್ಯಾಮಕು ಅಭಿವೃದ್ದಿಗೆ ಸಲಹೆ ಸೂಚನೆಗಳನ್ನು ನೀಡಿದರು. ಹಿರಿಯ ಪತ್ರಕರ್ತರಾದ ಸುಶಿಲೇಂದ್ರ ನಾಯಕ ಹಾಗೂ ಕೆ.ಕೆ.ಕುಲಕರ್ಣಿ ಅವರನ್ನು   ನರಸಿಂಹ ಸೌಹಾರ್ದ ಸಹಕಾರಿ ನಿಯಮಿತ ಸತ್ಕರಿಸಲಾಯಿತು.