ಲೋಕದರ್ಶನ ವರದಿ 

  ಶಿಗ್ಗಾವಿ  25:  ದೇವಸ್ಥಾನಕ್ಕೆ ಆಗಮಿಸುವ ಭಕ್ತರಿಗೆ, ಧಾರ್ಮಿಕ  ಸಭೆ ಹಾಗೂ ಸಮಾರಂಭ, ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳನ್ನು ನಡೆಸಲು ಬಹುಪಯೋಗಿಯಾಗಲಿದೆ ಎಂದು  ಮುಖಂಡ  ಭರತ ಬೊಮ್ಮಾಯಿ ಹೇಳಿದರು. ತಾಲೂಕಿನ   ಬಂಕಾಪೂರದ  ಶ್ರೀ ಬಸವಣ್ಣ ದೇವಸ್ಥಾನದ ಸಮುದಾಯ ಭವನ ನಿರ್ಮಾಣಕ್ಕಾಗಿ ಸಂಸದರ ಸ್ಥಳೀಯ ಪ್ರದೇಶಾಭಿವೃದ್ಧಿ ನಿಧಿ ಅಡಿಯಲ್ಲಿ ಕೇಂದ್ರ ಸಚಿವ ಪ್ರಲ್ಹಾದ ಜೋಶಿಯವರು ?5 ಲಕ್ಷ ರೂಪಾಯಿಗಳನ್ನು ಮಂಜೂರು ಮಾಡಿದ ಭೂಮಿ ಪೂಜೆಯನ್ನು ನೆರವೇರಿಸಿ ಮಾತನಾಡಿದ ಅವರು ಈ ಸಮುದಾಯ ಭವನವು  ವಿಶೇಷವಾಗಿ ಗ್ರಾಮೀಣ ಭಾಗದಲ್ಲಿ ಇಂತಹ ಮೂಲಭೂತ ಸೌಲಭ್ಯಗಳ ಅಗತ್ಯವನ್ನು ಮನಗಂಡು ಈ ಅನುದಾನವನ್ನು ಮಂಜೂರು ಮಾಡಿರುವುದು ಶ್ಲಾಘನೀಯವಾಗಿದೆ ಎಂದರು.    ಈ ಸಂದರ್ಭದಲ್ಲಿ ಭಾರತೀಯ ಜನತಾ ಪಾರ್ಟಿ ತಾಲೂಕು ಅಧ್ಯಕ್ಷ ವಿಶ್ವನಾಥ ಹರವಿ, ಮುಖಂಡರಾದ ನರಹರಿ ಕಟ್ಟಿ, ಎಂ.ಎನ್‌. ಹೊನಕೇರಿ, ಹೊನ್ನಪ್ಪ ಹೂಗಾರ, ಜಿ.ಎನ್‌. ಎಲಿಗಾರ, ಅಶೋಕ್ ಶೆಟ್ಟರ್, ಗಂಗಾಧರ್ ಬಡ್ಡಿ, ಸತೀಶ ವನಹಳ್ಳಿ, ಸೇರಿದಂತೆ ಪುರಸಭೆ ಸದಸ್ಯರಾದ ರಾಜೇಶ್ ಬಡ್ಡಿ ಮತ್ತು ರಾಜು ಟೋಪ್ಪಣ್ಣನವರ, ಯಲ್ಲಪ್ಪ ಸುಂಕದ  ಉಪಸ್ಥಿತರಿದ್ದರು.