ಬೆಳಗಾವಿ 12: ಸಾರ್ವಜನಿಕರಿಂದ ಹಣ ಕಟ್ಟಿಸಿಕೊಂಡು ಕಲ್ಯಾಣ ಮಟ್ಕಾ ಓಸಿ ಎಂ ಜೂಜಾಟ  ಆಡುತ್ತಿದ್ದಾಗ ದಾಳಿ ನಡೆಸಿದ ಪೊಲೀಸರು ಇಬ್ಬರನ್ನು ಬಂಧಿಸಿ ಅವರಿಂದ ಒಟ್ಟು ರೂ. 1,100 ನಗದು ಹಣ, ಮತ್ತು ಎರಡು ಕೀ ಪ್ಯಾಡ ಮೊಬೈಲ್‌ಗಳು ಅಕಿಃ 1,300 ರೂ  ಹಾಗೂ  ಮಟಕಾ ಬರೆಯಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ಜಪ್ತ ಮಾಡಿಕೊಂಡಿದ್ದಾರೆ. 

ಬೆಳಗಾವಿ ತಾಲೂಕಿನ ಬೆಳಗುಂದಿ ಕಲ್ಮೇಶ್ವರ ಗಲ್ಲಿ ನಿವಾಸಿ ಸುಭಾಷ ಗಾವಡು ಬಾಗಿಳಗೇಕರ(60) ಮಾರಿಹಾಳ ನೊಇವಾಸಿ ರಾಜೇಸಾಬ ಅಮೀನಸಾಬ ಕಿಲ್ಲೇದಾರ(58) ಬಂಧಿತ ಆರೋಪಿಗಳಾಗಿದ್ದಾರೆ. 

ಬೆಳಗುಂದಿ ಗ್ರಾಮದ ಭೀಜಗರ್ಣಿ ರಸ್ತೆಯ ಬದಿಗೆ, ಕಾಜು ಭಾಗದ ಖುಲ್ಲಾ ಜಾಗೆಯಲ್ಲಿ ಮಟ್ಕಾ ಓಸಿ ಆಡುತ್ತಿದ್ದಾಗ ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್‌ಐ ಎಲ್‌. ಎಸ್‌. ಜೋಡಟ್ಟಿ ಹಾಗೂ ಸಿಬ್ಬಂದಿಯವರು ದಾಳಿ ಮಾಡಿ ರೂ. 1,100 ನಗದು ಹಣ, ಮತ್ತು ಎರಡು ಕೀ ಪ್ಯಾಡ ಮೊಬೈಲ್‌ಗಳನ್ನು ಮತ್ತು ಹಾಗೂ  ಮಟಕಾ ಬರೆಯಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ವಶ ಪಡಿಸಿಕೊಂಡಿದ್ದಾರೆ. 

ಆರೋಪಿಗಳ ವಿರುದ್ಧ ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆಸಲಾಗಿದೆ.