ಬೆಳಗಾವಿ 12: ಸಾರ್ವಜನಿಕರಿಂದ ಹಣ ಕಟ್ಟಿಸಿಕೊಂಡು ಕಲ್ಯಾಣ ಮಟ್ಕಾ ಓಸಿ ಎಂ ಜೂಜಾಟ  ಆಡುತ್ತಿದ್ದಾಗ ಪೊಲೀಸರು ದಾಳಿ ನಡೆಸಿ ಓರ್ವನನ್ನು ಬಂಧಿಸಿ ಆತನಿಂದ ರೂ. 840 ನಗದು ಹಣ  ಹಾಗೂ  ಮಟಕಾ ಬರೆಯಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ಜಪ್ತ ಮಾಡಿಕೊಂಡಿದ್ದಾರೆ. 

ಉಚಗಾಂವ ಅಂಬೇಡ್ಕರ ಗಲ್ಲಿ ನಿವಾಸಿ ಸಂತೋಷ ಅಪ್ಪಾಜಿ ಮೋರೆ (40) ಆರೋಪಿಯಾಗಿದು, ದಿ.11ರಂದು ಈತ ಬೆಳಗುಂದಿ ಗ್ರಾಮದಲ್ಲಿ ಜೈ ಭವಾನಿ ಟೀ ಸ್ಟಾಲ್ ಹಿಂದೆ, ಕಾಜು ಗಿಡಗಳ ಜಮೀನದಲ್ಲಿ ಮಟ್ಕಾ ಓಸಿ ಆಡುತ್ತಿದ್ದಾಗ ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯ ಮಪಿಎಸ್‌ಐ ಶ್ವೇತಾ ಹಾಗೂ ಸಿಬ್ಬಂದಿಯವರು ದಾಳಿ ಮಾಡಿ ರೂ. 840 ನಗದು ಹಣ ಹಾಗೂ  ಮಟಕಾ ಬರೆಯಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ವಶ ಪಡಿಸಿಕೊಂಡಿದ್ದಾರೆ. 

ಆರೋಪಿ ವಿರುದ್ಧ ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆಸಲಾಗಿದೆ.