ಮುಂಡಗೋಡ 11: ಪಟ್ಟಣದ  ಹಳೂರ ಓಣಿಯ ಶ್ರೀ ಮಾರಿಕಾಂಬಾ (ದ್ಯಾಮವ್ವ) ದೇವಿಯ ಜಾತ್ರಾ ಮಹೋತ್ಸವವು ಫೆಬ್ರವರಿ 3ರಿಂದ 11ರವರೆಗೆ ವೈಭವೋಪೇತವಾಗಿ ನಡೆಯಲಿದೆ. ಪ್ರತಿಮೂರು ವರ್ಷಕ್ಕೆ ನಡೆಯುವ ಈ ಮಹೋತ್ಸವವು ಭಕ್ತರ ನಡುವೆ ವಿಶೇಷ ಉತ್ಸಾಹ ಮತ್ತು ಧಾರ್ಮಿಕ ಭಾವನೆಯನ್ನು ಹುಟ್ಟಿಸುತ್ತಿದೆ. ಹೊರಬೀಡುಗಳ ಉತ್ಸವ: ಜನವರಿ 13ರಿಂದ 27ರವರೆಗೆ ಮಂಗಳವಾರ ಮತ್ತು ಶುಕ್ರವಾರಗಳಂದು ಐದು ಹೊರಬೀಡು ಕಾರ್ಯಕ್ರಮಗಳು ನಡೆಯಲಿವೆ. ಭಕ್ತರು ಬೆಳಿಗ್ಗೆ 10 ಗಂಟೆಯೊಳಗೆ ಸ್ನಾನ ಪೂಜೆ ಪೂರ್ಣಗೊಳಿಸಿ, ಊರ ಗಡಿ ದಾಟುವ ಪದ್ಧತಿಯನ್ನು ಪಾಲಿಸುವಂತೆ ಸಮಿತಿ ಸೂಚಿಸಿದೆ.

                ಭಕ್ತರು ತಮ್ಮ ಅಡುಗೆ ನೈವೇದ್ಯವಾಗಿ ದೇವಿಗೆ ಸಮರ​‍್ಿಸಿ, ನಂತರ ತಮ್ಮ ಹೊಲಗಳಿಗೆ ಅಥವಾ ಅನುಕೂಲವಿರುವ ಬೇರೆಡೆಗೆ ಹೋಗಿ ಊಟ ಮಾಡಬಹುದು.ಮಧ್ಯಾಹ್ನ 4 ಗಂಟೆಯ ನಂತರ ಮನೆಗೆ ಪುನಃ ಮರಳುವಂತೆ ಸೂಚಿಸಲಾಗಿದೆ. ಶುಭಕಾರ್ಯಗಳ ಮೇಲೆ ನಿಯಮ: ಜಾತ್ರಾ ಅವಧಿಯಲ್ಲಿ, ಜನವರಿ 13ರಿಂದ ಮಾರ್ಚ್‌ 19ರವರೆಗೆ ಮುಂಡಗೋಡ, ನ್ಯಾಸರ್ಗಿ ಮತ್ತು ಕಾಳಗನಕೊಪ್ಪ ವ್ಯಾಪ್ತಿಯ ಬಂಧುಗಳಿಗೆ ಯಾವುದೇ ವೈಯಕ್ತಿಕ ಶುಭಕಾರ್ಯವನ್ನು ನಡೆಸಲು ಅವಕಾಶವಿಲ್ಲ. ಸಾರ್ವಜನಿಕ ಮಾರ್ಗಸೂಚಿ: ಜಾತ್ರಾ ಸಮಿತಿ ಅಧ್ಯಕ್ಷರು, ಸದಸ್ಯರು ಮತ್ತು ದೇವಸ್ಥಾನ ಕಮಿಟಿಯಿಂದ ಪ್ರಕಟಿತ ನಿಯಮಗಳು ಎಲ್ಲಾ ಭಕ್ತರಿಗೆ ತಿಳಿಸಲಾಗಿದೆ.