ಬೆಳಗಾವಿ 11: ವಿವಿಧ ಅಕ್ರಮ ಚಟುವಟಿಕೆಗಳಾದ ಮಟಕಾ ಜೂಜಾಟ ಹಾಗೂ ಸಮಾಜಘಾತುಕ ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿದ್ದರಿಂದ, ಅಲ್ಲದೇ ಸದರಿಯವನ ಮೇಲೆ ಬೆಳಗಾವಿ ನಗರದ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಪ್ರಕರಣಗಳು ದಾಖಲಾಗಿದ್ದ ವ್ಯಕ್ತಿಯನ್ನು ಗಡಿಪಾರು ಮಾಡಿ ಆದೇಶ ಹೊರಡಿಸಲಾಗಿದೆ. 

ನಗರದ ಮಾಳಮಾರುತಿ ಪೊಲೀಸ್ ಠಾಣಾ ವ್ಯಾಪ್ತಿಯ  ನ್ಯೂಗಾಂಧಿನಗರ ನೂರಾನಿಗಲ್ಲಿ ಮನೆ ನಂ-212ರ ನಿವಾಸಿ ಜಾವೇದ ಮೊಹಮ್ಮದ ಶೇಖ(50) ಎಂಬುವವನು ಗಡಿಪಾರಿಗೆ ಒಳಗಾಗಿದ್ದಾನೆ. 

ಬೆಳಗಾವಿ ನಗರದ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಒಟ್ಟು 8 ಪ್ರಕರಣಗಳು ದಾಖಲಾಗಿದ್ದು, ಅವುಗಳಲ್ಲಿ 5 ಪ್ರಕರಣಗಳಲ್ಲಿ ಶಿಕ್ಷೆಯಾಗಿದೆ. ಮಾಳಮಾರುತಿ ಪೊಲೀಸ್ ಠಾಣೆಯ ಪಿಐ ಜೆ. ಎಂ. ಕಾಲಿಮಿರ್ಚಿ, ಪಿಎಸ್‌ಐ ಹೊನ್ನಪ್ಪಾ ತಳವಾರ ಮತ್ತು ಸಿಎಚ್‌ಸಿ-1157ಕೆ. ಬಿ. ಗೌರಾಣಿ, ಅವರುಗಳ ತಂಡವು ಗಡಿಪಾರು ಪ್ರಸ್ತಾವಣೆಯನ್ನು ತಯಾರಿಸಿ, ಎಸ್‌.ಡಿ. ಸತ್ಯನಾಯ್ಕ, ಎಸಿಪಿ ಮಾರ್ಕೇಟ ರವರ ಅನುಮೋದನೆಯೊಂದಿಗೆ ಪೊಲೀಸ್ ಆಯುಕ್ತರ ಕಛೇರಿಗೆ ಪ್ರಸ್ತಾವಣೆ ಸಲ್ಲಿಸಿತ್ತು. 

 ನಗರ ಪೊಲೀಸ್ ಆಯುಕ್ತ ಬೊರಸೆ ಭೂಷಣ್ ಗುಲಾಬರಾವ್ ಅವರ ಮಾರ್ಗದರ್ಶನದಲ್ಲಿ, ಗಡಿಪಾರು ಪ್ರಸ್ತಾವಣೆಯನ್ನು ಐ.ಪಿ.ಎಸ್ ರೋಹನ್ ಜಗದೀಶ್, ಉಪ ಪೊಲೀಸ್ ಆಯಕ್ತರು (ಕಾನೂನು ಮತ್ತು ಸುವ್ಯವಸ್ಥೆ) ಮತ್ತು ವಿಶೇಷ ಕಾರ್ಯನಿರ್ವಾಹಕ ದಂಡಾಧಿಕಾರಿಗಳು ಬೆಳಗಾವಿ ನಗರ ಅವರು ಗಡಿಪಾರು ನ್ಯಾಯಾಂಗ ವಿಚಾರಣೆಯನ್ನು ಕೈಕೊಂಡು, ದಿ.10ರಂದು ಆರೋಪಿತನನ್ನು ಉಡುಪಿ ಜಿಲ್ಲೆಯ ಕುಂದಾಪೂರ ಠಾಣೆ ವ್ಯಾಪ್ತಿಗೆ 6 ತಿಂಗಳ ಅವಧಿಗೆ ಗಡಿಪಾರು ಮಾಡಿ ಆದೇಶ ಹೊರಡಿಸಿರುತ್ತಾರೆ.