ಕೊಪ್ಪಳ 28: ಕವಿ ಮಹೇಶ ಬಳ್ಳಾರಿಯವರ 12ನೇ ಕೃತಿ ‘ದುಬೈ ದೌಲತ್ತು’ (ದುಬೈ ಪ್ರವಾಸ ಕಥನ) ನಗರದ ಕ್ಲಬ್ ರಸ್ತೆಯ ಲಯನ್ಸ ಸ್ವಾಮಿ ವಿವೇಕಾನಂದ ಶಾಲೆಯ ಸಭಾಂಗಣದಲ್ಲಿ ದಿ. 29 ರವಿವಾರ ಮುಂಜಾನೆ 10.30 ಕ್ಕೆ ನೆರವೇರಲಿದೆ. 

ಸುಮಂಗಲಾ ಸೋಮಲಾಪುರ ಇವರು ಕೃತಿ ಬಿಡುಗಡೆ ಮಾಡಲಿದ್ದಾರೆ. ಸಾಹಿತಿಗಳಾದ ಡಿ.ಎಂ. ಬಡಿಗೇರ, ಅಲ್ಲಮಪ್ರಭು ಬೆಟ್ಟದೂರು, ಡಾ. ಮಹಾಂತೇಶ ಮಲ್ಲನಗೌಡರ, ವಾಣಿಜ್ಯೋದ್ಯಮಿಗಳಾದ ಬಸವರಾಜ ಬಳ್ಳೊಳ್ಳಿ, ಯಲಬುರ್ಗಾ ತಾಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿ ಸೋಮಶೇಖರಗೌಡ ಪಾಟೀಲ ಗೌರವ ಉಪಸ್ಥಿತಿ ಇರಲಿದ್ದಾರೆ. ಗವಿಸಿದ್ಧಪ್ಪ ಕೊಪ್ಪಳ ಮತ್ತು ವೆಂಕಟೇಶ ಶ್ಯಾನಭಾಗ ಕೃತಿ ಕುರಿತು ಮಾತನಾಡಲಿದ್ದಾರೆ. ಸಾಹಿತ್ಯಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಲು ಕವಿ ಮಹೇಶ ಬಳ್ಳಾರಿ ಪ್ರಕಟಣೆಯಲ್ಲಿ ವಿನಂತಿಸಿದ್ದಾರೆ.