ಹೂವಿನಹಡಗಲಿ 09: ವಕೀಲ ವೃತ್ತಿ ಯಿಂದ ರಾಜಕಾರಣದಲ್ಲಿ ’ಕಲೆ, ಸಾಹಿತ್ಯ, ರಂಗಭೂಮಿ ತಮ್ಮದೇ ಆದ ಛಾಪು ಮೂಡಿಸಿಕೊಂಡಿದ್ದ ಮಾಜಿ ಉಪ ಮುಖ್ಯಮಂತ್ರಿ ಲಿಂ.ಎಂ.ಪಿ.ಪ್ರಕಾಶ ಅವರು ಈ ನಾಡಿನ ಸಾಂಸ್ಕೃತಿಕ ರಾಯಭಾರಿಯಾಗಿದ್ದರು,” ಎಂದು ಗವಿಮಠದ ಡಾ.ಹಿರಿಶಾಂತವೀರ ಸ್ವಾಮೀಜಿ ಹೇಳಿದರು.ಪಟ್ಟಣದ ರಂಗಭಾರತಿ, ಎಂ.ಪಿ.ಪ್ರಕಾಶ ಸಮಾಜ ಮುಖಿ ಟ್ರಸ್ಟ್‌ ಸಹಯೋಗದಿಂದ ದಿ. ಎಂಪಿಪಿ ಅವರ ಸ್ಮಾರಕದ ಬಳಿ ಭಾನುವಾರ ನಡೆದ 15ನೇ ವರ್ಷ ಹಾಗೂ ರುದ್ರಾಂಬ ಪ್ರಕಾಶ 2ನೇ ವರ್ಷದ ಪುಣ್ಯ ಸ್ಮರಣೆ ಕಾರ್ಯ ಕ್ರಮದ ಸಾನ್ನಿಧ್ಯವಹಿಸಿ ಮಾತನಾಡಿದರು.

"ವಿಶ್ವ ವಿಖ್ಯಾತ ಹಂಪಿ ಉತ್ಸವದಲ್ಲಿ ಎಂ.ಪಿ. ಪ್ರಕಾಶರ ಹೆಸರು ಅಜರಾಮರ ವಾಗಿದೆ. ಅವರು ಪ್ರತಿನಿಧಿಸಿದ ಕ್ಷೇತ್ರ ಸೇರಿದಂತೆ ನಾಡಿನ ಅಭಿವೃದ್ಧಿಯ ದೂರದೃಷ್ಟಿ ಅವರ ಕನಸಾಗಿತ್ತು ಎಂದರು. ಶ್ರೀರಾಮ ದೇವಸ್ಥಾನದ ಧರ್ಮಕರ್ತ ಡಾ.ರಾಕೇಶಯ್ಯ ರಾಮಸ್ವಾಮಿ, ”ಪ್ರತಿಯೊಬ್ಬ ರಾಜಕಾರಣಿಗಳು ದಿ. ಎಂ.ಪಿ.ಪ್ರಕಾಶ ಅವರ ಆದರ್ಶ, ಆಡಳಿತ ಮತ್ತು ಅಭಿವೃದ್ಧಿಯ ವೈಖರಿಯನ್ನು ಅಳವಡಿಸಿಕೊಳ್ಳಬೇಕು,” ಎಂದು ಸಲಹೆ ನೀಡಿದರು. ಪ್ರಕಾಶ್ ಜೈನ್ ಮತ್ತು ಸಂಗಡಿಗರಿಂದ ಸಂಗೀತ ಕಾರ್ಯಕ್ರಮ ನಡೆಯಿತು. ಮಲ್ಲನಕೆರೆ ಮಠದ ಅಭಿನವ ಚನ್ನಬಸವ ಸ್ವಾಮೀಜಿ, ಡಾ.ಮಹಾಂತೇಶ ಚರಂತಿ ಮಠ, ರಂಗಭಾರತಿ ಕಾರ್ಯಾಧ್ಯಕ್ಷೆ ಎಂ.ಪಿ.ಸುಮಾ ವಿಜಯ್, ಎಂ.ಪಿ.ಪ್ರಕಾಶ ಸಮಾಜಮುಖಿ ಟ್ರಸ್ಟ್‌ ಅಧ್ಯಕ್ಷೆ ಎಂ.ಪಿ.ವೀಣಾ ಮಹಾಂತೇಶ್, ನಿವೃತ್ತ ಪ್ರಾಂಶುಪಾಲ ಶಾಂತಮೂರ್ತಿ ಕುಲಕರ್ಣಿ ಇದ್ದರು.