ರಾಯಬಾಗ 20 :  ಮಹಿಳೆಯರು ಮನೆಯಲ್ಲಿ ಸ್ವಯಂ ಉದ್ಯೋಗ ಮಾಡುವುದರಿಂದ ಕೌಟುಂಬಿಕ ಆರ್ಥಿಕ ಮಟ್ಟ ಬಲಿಷ್ಠ ಆಗುತ್ತದೆ ಎಂದು ಶಾಸಕ ಡಿ.ಎಮ್‌.ಐಹೊಳೆ ಹೇಳಿದರು. ಶುಕ್ರವಾರ ಪಟ್ಟಣದ ಶಾಸಕರ ಗೃಹ ಕಚೇರಿಯಲ್ಲಿ ಡಿ.ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮದಿಂದ ರಾಯಬಾಗ ಮತಕ್ಷೇತ್ರದ 19 ಫಲಾನುಭವಿಗಳಿಗೆ ಮಂಜೂರಾದ ಹೊಲಿಗೆ ಯಂತ್ರಗಳನ್ನು ವಿತರಿಸಿ ಮಾತನಾಡಿದ ಅವರು, ಸರ್ಕಾರ ನೀಡಿರುವ ಸೌಲಭ್ಯಗಳನ್ನು ಸದುಪಯೋಗ ಪಡೆದುಕೊಳ್ಳಬೇಕು.

ಹೊಲಿಗೆ ಯಂತ್ರಗಳನ್ನು ಬೇರೆಯವರಿಗೆ ನೀಡದೇ ತಾವೇ ಅವುಗಳನ್ನು ಉಪಯೋಗಿಸಿಕೊಂಡು ಆರ್ಥಿಕವಾಗಿ ಸಬಲರಾಗಬೇಕೆಂದು ಹೇಳಿದರು. ಡಿ.ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮದ ಅಧಿಕಾರಿ ರಾಘವೇಂದ್ರ ಬಾಗೇವಾಡಿ, ಸದಾಶಿವ ಘೋರೆ​‍್ಡ, ಅಣ್ಣಾಸಾಹೇಬ ಖೆಮಲಾಪೂರೆ, ಅರುಣ ಐಹೊಳೆ,  ಮಹಾದೇವ ಬೊರಗಾಂವೆ, ಸದಾನಂದ ಹಳಿಂಗಳಿ, ಗೋಪಾಲ ಕೊಚೆರಿ, ಮಹೇಶ ಕರಮಡಿ, ಭಾರತಿ ಲೋಹಾರ, ಮಲ್ಲಪ್ಪ ಖಿಲಾರೆ, ಅನೀಲ ಕೊರವಿ ಹಾಗೂ ಫಲಾನುಭವಿಗಳು ಇದ್ದರು.