ಲೋಕದರ್ಶನ ವರದಿ 

ಮೂಡಲಗಿ 31: ಯಾದವಾಡ ಮುರಾರ್ಜಿ ವಸತಿ ಶಾಲೆಯಲ್ಲಿನ ನೀರಿನ ಕೊರತೆಯನ್ನು ಶಾಸಕ ಹಾಗೂ ಬೆಮುಲ್ ಅಧ್ಯಕ್ಷ ಬಾಲಚಂದ್ರ ಜಾರಕಿಹೊಳಿ ಆವರ ಗಮನಕ್ಕೆ ತಂದಿದರಿಂದ ಒಂದೆ ದಿನದಲ್ಲಿ ಸಮಸ್ಯೆಗೆ ಪರಿಹಾರ ನೀಡಿದ್ದಾರೆ ಎಂದು ಯಾದವಾಡ ಗ್ರಾಮ ಪಂಚಾಯತ  ಮಾಜಿ ಉಪಾಧ್ಯಕ್ಷ ಕಲ್ಮೇಶ ಗಾಣಿಗಿ ಹೇಳಿದರು. 

ತಾಲೂಕಿನ ಯಾದವಾಡದ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯ ಆವರಣದಲ್ಲಿ  ವಸತಿ ಶಾಲೆಗೆ ನೀರಿನ ಸೌಲಭ್ಯಕ್ಕಾಗಿ ಶಾಸಕ ಬಾಲಚಂದ್ರ ಜಾರಕಿಹೊಳಿ ಸ್ವಂತ ಹಣದಲ್ಲಿ ಕೊಳವೆ ಬಾಂವಿ ತೆಗೆಯುವ   ಪೂಜೆಯಲ್ಲಿ ಭಾಗವಹಿಸಿ  ಮಾತನಾಡಿ,ವಿದ್ಯಾರ್ಥಿಗಳಿಗೆ ಕುಡಿಯುವ ನೀರಿನ ಸಮಸ್ಯೆಯನ್ನು ಶಾಶ್ವತವಾಗಿ ಪರಿಹರಿಸುವ ಉದ್ದೇಶದಿಂದ, ಅರಭಾವಿ ಕ್ಷೇತ್ರದ ಶಾಸಕರಾದ  ಬಾಲಚಂದ್ರ ಜಾರಕಿಹೊಳಿ ಅವರು ತಮ್ಮ ಸ್ವಂತ ವೆಚ್ಚದಲ್ಲಿ ಕೊಳವೆಬಾವಿ ಕೊರೆಯುವಕ್ಕೆ  ಚಾಲನೆ ನೀಡಿದರು. 

ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಅಗತ್ಯ ಮೂಲಸೌಕರ್ಯಗಳನ್ನು ಕಲ್ಪಿಸುವ ನಿಟ್ಟಿನಲ್ಲಿ ಕೈಗೊಂಡಿರುವ ಈ ಕಾರ್ಯಕ್ಕೆ ಸಾರ್ವಜನಿಕರು ಹಾಗೂ  ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೊಳವೆಬಾವಿ ನಿರ್ಮಾಣದಿಂದ ಶಾಲೆಯ ವಿದ್ಯಾರ್ಥಿಗಳಿಗೆ ಹಾಗೂ ಸಿಬ್ಬಂದಿಗೆ ನಿರಂತರವಾಗಿ ನೀರಿನ ಸೌಲಭ್ಯ ದೊರೆಯಲಿದೆ, ಶಿಕ್ಷಣದ ಜೊತೆಗೆ ವಿದ್ಯಾರ್ಥಿಗಳಿಗೆ ಮೂಲಭೂತ ಸೌಲಭ್ಯಗಳನ್ನು ಒದಗಿಸುವುದು ಶಾಸಕ ಮೊದಲ ಆದ್ಯತೆಯಾಗಿದ್ದು, ಶಾಲೆಯ ಅಗತ್ಯಗಳಿಗೆ  ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರು ಸದಾ ಸ್ಪಂದಿಸುವರು ಎಂದರು  

ಯಾದವಾಡದ ಮುಖಂಡರಾದ ವೆಂಕಟೇಶ ದಾಸರ, ಬಸವರಾಜ ಕೇರಿ, ಶಿವಬಸು ಗಾಣಗಿ, ಭೀಮಶಿ ಮಾಳ್ಯಾಗೋಳ, ನಿಲಯ ಪಾಲಕ ಚನ್ನಬಸು ತೋಟಗಿ, ಪ್ರಾಚಾರ್ಯ ಜಿ. ಎಂ. ಸಕ್ರಿ, ಶಿಕ್ಷಕರಾದ ವ್ಹಿ. ಎಸ್‌. ವಾಲಿಕಾರ, ಜಿ. ಪಿ. ಕೋಳಿ ಮತ್ತು ಸತೀಶ ಬಾಗಿ, ಲಕ್ಕಪ್ಪ ದಾಸನಾಳ, ವಿಜಯ ಚಾಂದಾವರಿ ಉಪಸ್ಥಿತರಿದ್ದರು.