ಬಳ್ಳಾರಿ 20:  ಕುಡತೀನಿ ಭೂ ಸಂತ್ರಸ್ತರ ಹೋರಾಟ ಇಂದಿಗೆ 1251ನೇ ದಿನಕ್ಕೆ ಕಾಲಿಟ್ಟಿದ್ದು, ಉಪವಾಸ ಸತ್ಯಾಗ್ರಹವು 9ನೇ ದಿನಕ್ಕೂ ಮುಂದುವರಿದಿದೆ. ಭೂ ಸಂತ್ರಸ್ತರ ನ್ಯಾಯಯುತ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಹೋರಾಟಗಾರರು ನಿರಂತರ ಧರಣಿ ಹಾಗೂ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ.ಈ ದಿನದ ಉಪವಾಸ ಸತ್ಯಾಗ್ರಹಕ್ಕೆ ವಿವಿಧ ಕನ್ನಡಪರ ಸಂಘಟನೆಗಳ ಮುಖಂಡರು ಹಾಗೂ ರೈತರು ಬೆಂಬಲ ಸೂಚಿಸಿದರು. ನಮ್ಮ ಕರ್ನಾಟಕ ರಕ್ಷಣಾ ವೇದಿಕೆ (ಯುವಸೇನೆ) ಕುಡತೀನಿ ಅಧ್ಯಕ್ಷ ಸಂಪತ್, ಮೀರಿಯಲ ಶ್ರೀನಿವಾಸ, ಟಿ. ಜಮ್ಮಯ್ಯ, ಮುಗ್ಗು ಮಾರೇಶ್, ಟೈಗರ್ ಬಿ. ಜಮ್ಮಯ್ಯ, ರವಿ ಭಾಗವಹಿಸಿದರು. ಹಾಗೂ ನಮ್ಮ ಕರ್ನಾಟಕ ಸೇನೆಯ ಅಧ್ಯಕ್ಷ ಭಾವಿ ಅಂಬಾರೀಶ್, ತಿಮ್ಮಪ್ಪ, ಎಂ. ಗಂಗಾಧರ, ಭಾವಿ ಶಿವಕುಮಾರ್, ಕಾಸಿಂ, ರಾಮಣ್ಣ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.ಇದೇ ವೇಳೆ ಕರ್ನಾಟಕ ರಕ್ಷಣಾ ವೇದಿಕೆ ನಾರಾಯಣ ಗೌಡ ಬಣದ ಜಂಗ್ಲಿ ಸಾಬ್, ದಿವಾಕರಬಾಬು, ವೀರಭದ್ರ, ಬಿ. ವಿವೇಕಾನಂದ, ಹಾಲಪ್ಪ ಗೀರೀಶ್ ಸೇರಿದಂತೆ ಅನೇಕ ಮುಖಂಡರು, ರೈತರು ಹಾಗೂ ಮಹಿಳೆಯರು ಹೋರಾಟಕ್ಕೆ ಬೆಂಬಲ ವ್ಯಕ್ತಪಡಿಸಿದರು.ಭೂ ಸಂತ್ರಸ್ತರ ಸಮಸ್ಯೆಗಳಿಗೆ ಸರ್ಕಾರ ಶೀಘ್ರ ಸ್ಪಂದಿಸಿ ನ್ಯಾಯ ಒದಗಿಸಬೇಕೆಂದು ಹೋರಾಟಗಾರರು ಆಗ್ರಹಿಸಿದರು.