ಯಮಕನಮರಡಿ, 20 : ಗ್ರಾಮದ ಬಾಸಿಂಗ್ ತಯಾರಕರಾದ ಸೋಮಶೇಖರ್ ಹೊರಕೇರಿ ಇವರು ಸುಮಾರು ವರ್ಷಗಳಿಂದ ಸಾಮೂಹಿಕ ಲಗ್ನ ಸಮಾರಂಭ ಹಾಗೂ ಉಪನಯನ ಕಾರ್ಯಕ್ರಮಗಳಿಗೆ ಬೇಕಾಗುವ ವಸ್ತುಗಳನ್ನು ಪ್ರತಿ ವರ್ಷವೂ ಉಚಿತವಾಗಿ ಕೊಡುತ್ತಾ ಬಂದಿರುವುದೊಂದು ವಿಶೇಷವಾದ ಸಂಗತಿ. 

              ಸುಮಾರು 500 ಸಾಮೂಹಿಕ ಲಗ್ನ ಸಮಾರಂಭಗಳಿಗೆ ಇಲ್ಲಿಯವರೆಗೆ ಬಾಸಿಂಗ ದಂಡೆ ಇತ್ಯಾದಿ ವಸ್ತುಗಳನ್ನು ನೀಡುತ್ತಾ ಬಂದಿದ್ದಾರೆ ಇವರು ಆರ್ಥಿಕವಾಗಿ ಬಡವರಿದ್ದರು ಸಹಿತ ಇವರಲ್ಲಿ ದಾನ ಮಾಡುವ ಭಕ್ತಿ ತುಂಬಿತುಳುಕುತ್ತದೆ ಇದೇ ದಿನಾಂಕ ಸವದತ್ತಿ ತಾಲೂಕಿನ ಮುನವಳ್ಳಿ ಗ್ರಾಮದಲ್ಲಿ ಶ್ರೀ ಕಾಳಿಕಾದೇವಿ ಮಂದಿರದಲ್ಲಿ ಜರುಗುವ ಉಪನಯನ ಕಾರ್ಯಕ್ರಮಕ್ಕೆ ತಮ್ಮದೇ ಆದ ಸುಮಾರು 50 ಓಟುಗಳಿಗೆ ಮುತ್ತಿನ ದಂಡೋಳಿಯನ್ನು ಕೊಡ ಮಾಡಿದ್ದಾರೆ. 

          ಇವರ ಸಾಹಸ ಭಕ್ತಿ ಶಕ್ತಿ ಅಪಾರವಾದಂತಾಗಿದೆ ಇಂಥವರನ್ನು ಗುರುತಿಸಲು ಸರ್ಕಾರ ಮುಂದು ಬರುತ್ತಿಲ್ಲ ಕರಕುಶಲಕರಣಿಗಳು ತಮ್ಮ ಕಸಬಿನೊಂದಿಗೆ ತಮ್ಮ ಉಪಜೀವನ ಸಾಗಿಸುವುದರ ಜೊತೆಗೆ ದಾನ ರೂಪದಲ್ಲಿ ವಾಸಿಂಗ ದಂಡೆ ಉಪನಯನ ಗಳಿಗೆ ಬೇಕಾಗುವ ವಸ್ತುಗಳನ್ನು ಕೊಡಮಾಡುತ್ತಾ ಬಂದಿರುವುದೊಂದು ಗ್ರಾಮದ ಹಿರಿಮೆಯಾಗಿದೆ.