ಕೊಪ್ಪಳ 17: ಬಸವರಾಜ ರಾಯರೆಡ್ಡಿ ಮುಖ್ಯಮಂತ್ರಿ ಆಗಲಿ   ಪ್ರಸ್ತುತ ರಾಜಕೀಯದಲ್ಲಿ ಹೆಚ್ಚು ಪ್ರಭಾವಿಶಾಲಿಗಳು ಹಾಗೂ ರಾಜ್ಯದ ಸಮಗ್ರ ಇತಿಹಾಸವನ್ನು ಬಲ್ಲ ಸ್ಥಳೀಯ ಶಾಸಕ ಬಸವರಾಜ ರಾಯರೆಡ್ಡಿಯವರು ಮುಖ್ಯಮಂತ್ರಿ ಆಗುವ ಎಲ್ಲಾ ಅರ್ಹತೆಗಳು ಅವರಲ್ಲಿವೆ ಆ ಕಾರಣಕ್ಕಾಗಿ ಅವರು ಮುಖ್ಯಮಂತ್ರಿ ಆಗುವುದು ಪ್ರಸಕ್ತ ಸಂದರ್ಭದಲ್ಲಿ ಸೂಕ್ತ ಎಂದು ರಾಜ್ಯದ ಮಾಜಿ ಗ್ರಹ ಹಾಗೂ ಸಾರಿಗೆ ಸಚಿವರಾದ ಪಿ.ಜಿ.ಆರ್‌. ಸಿಂಧ್ಯಾರವರು ಮುಕ್ತವಾಗಿ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡರು.  ತಾಲೂಕಿನ ಕರಮುಡಿ ಗ್ರಾಮದಲ್ಲಿ ನಿಂಗೋಜಿ ಶಿಕ್ಷಣ ಹಾಗೂ ಗ್ರಾಮೀಣಾಭಿವ್ರದ್ಧಿ ಟ್ರಸ್ಟನವರು ಆಯೋಜಿಸಿದ 78 ನೇ ಕಲ್ಯಾಣ ಕರ್ನಾಟಕ ವಿಮೋಚನಾ ಧ್ವಜಾರೋಹಣ ನೇರವೆರಿಸಿ ಮಾತನಾಡಿದ ಅವರು ರಾಯರೆಡ್ಡಿ ರವರು ಹಾಗೂ ನಾನು ಒಟ್ಟೊಟ್ಟಿಗೆ ರಾಜಕೀಯ ಪ್ರವೇಶ ಮಾಡಿದವರು.ಅವರು ನನ್ನ ಗೆಳೆಯರು ಅಂತಾ ಮುಖ್ಯಮಂತ್ರಿ ಆಗಲಿ ಅನ್ನುವನಲ್ಲ ಆತನಲ್ಲಿ ಅಂತಹ ಚಾಣಾಕ್ಷ ಬುದ್ಧಿ ಹಾಗೂ ರಾಜ್ಯವನ್ನು ಮುನ್ನೆಡಿಸುವ ಸಾಮರ್ಥ್ಯ ಇದೆ . ಅನೇಕ ಜ್ವಲಂತ ಸಮಸ್ಯೆಗಳನ್ನು ಬಗೆ ಹರಿಸುವ ಸಂಘಟನಾ ಚತುರತೆ ಅವರಲ್ಲಿ ಇದೆ ಎಂದು ಪ್ರಶಂಸಿದರು.