ಕಬಡ್ಡಿ ಎಸ್ ಕೆ ಜಿ ಜಿ ಬಾಲಕಿಯರು ಜಿಲ್ಲಾ ಮಟ್ಟಕ್ಕೆ ಲೋಕದರ್ಶನ ವರದಿ 

ಹೂವಿನಹಡಗಲಿ  10:  ಪ್ರಸಕ್ತ ಸಾಲಿನ 17 ವರ್ಷದ ಒಳಗಿನ ತಾಲೂಕು ಮಟ್ಟದ ಕ್ರೀಡಾಕೂಟದ ಕಬಡ್ಡಿ ಪಂದ್ಯಾವಳಿಯಲ್ಲಿ ಪಟ್ಟಣದ ಸೊಪ್ಪಿನ ಕಾಳಮ್ಮ ಪ್ರೌಢಶಾಲೆಯಬಾಲಕಿಯರು ಪ್ರಥಮ ಸ್ಥಾನ ಗಳಿಸಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಆಗಿದ್ದಾರೆ.ಪಟ್ಟಣದ ಜಿ ಪಿ ಜಿ ತಾಲೂಕು ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಅಂತಿಮ ಪಂದ್ಯದಲ್ಲಿಗೆಲುವಿನ ನಗೆ ಬೀರಿದರು.ತಾಲೂಕು ದೈಹಿಕ ಪರೀವೀಕ್ಷಕ ರಫಿ ಅಹಮದ್ ಖವಾಸ್ ವಿಜೇತ ತಂಡಕ್ಕೆ ಟ್ರೋಫಿ ವಿತರಿಸಿದರು. ಪ್ರೌಢಶಾಲಾ ಸಹ ಶಿಕ್ಷಕರ ಸಂಘದ ರಾಜ್ಯ ಸಹ ಕಾರ್ಯದರ್ಶಿ ಗಡ್ಡಿ ಶಿವಕುಮಾರ್ ವಿದ್ಯಾರ್ಥಿನಿಯರ ಸಾಧನೆ ಪ್ರಶಂಸಿಸಿದರು. ಜಿಲ್ಲಾ ಹಂತದಲ್ಲಿಯೂ ಉತ್ತಮ ಸಾಧನೆ ಆಗಲಿ ಎಂದು ತಿಳಿಸಿದರು.ತಾಲೂಕು ದೈಹಿಕ ಶಿಕ್ಷಕರ ಸಂಘದ ಕಾರ್ಯದರ್ಶಿ ಪ್ರಸನ್ನ ಕುಮಾರ್ ಜೋಷಿ ಸ್ವಾಮಿನಾಥ ರಾಮಸ್ವಾಮಿ ಮಂಜುಳಾ ಜಿ, ಎಂ ಶಿವಪ್ಪ, ನಾಗರಾಜ್‌ಇದ್ದರು.ವಿದ್ಯಾರ್ಥಿನಿಯರ ಸಾಧನೆಗೆ ಉಪ ಪ್ರಾಂಶುಪಾಲ ರವೀಂದ್ರನಾಥ ದೈಹಿಕ ಶಿಕ್ಷಕರಾದ ಲಲಿತಾ, ಯಂಕಾನಾಯ್ಕ್‌ ತಂಡದ ವ್ಯವಸ್ಥಾಪಕ ಬಿ ಎಂ ಲೋಕೇಶ್, ನರೇಶ್ ಹಣ್ಣಿ,ಕಸ್ತೂರಿ ಮುದ್ದಿ ಇತರರು ಹರ್ಷ ವ್ಯಕ್ತಪಡಿಸಿದ್ದಾರೆ.