ಲೋಕದರ್ಶನ ವರದಿ 

ಬೆಳಗಾವಿ 20:  ಕೆಎಲ್‌ಇ ಡಾ. ಪ್ರಭಾಕರ ಕೋರೆ ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರ ಬೆಳಗಾವಿ ಹಾಗೂ ಕೆಎಲ್‌ಇ ಜವಾಹರಲಾಲ್ ನೆಹರು ವೈದ್ಯಕೀಯ ಮಹಾವಿದ್ಯಾಲಯ ಬೆಳಗಾವಿ ಇವರ ಸಹಯೋಗದಲ್ಲಿ ಶುಕ್ರವಾರ ದಿನಾಂಕ 20ನೆ ಮಾರ್ಚ್‌ 2026 ರಂದು ಬೆಳಿಗ್ಗೆ 10 ರಿಂದ 11 ಗಂಟೆ ವರೆಗೆ ಲಸಿಕೆಗಳ ಮಹತ್ವ ಕುರಿತು ನೇರ ಪೋನ್‌-ಇನ್ ಜಾಗೃತಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಬೆಳಗಾವಿಯ ಕೆಎಲ್‌ಇ ಡಾ. ಪ್ರಭಾಕರ ಕೋರೆ ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರದ ಕ್ಲಿನಿಕಲ್ ಸೇವೆಗಳ ನಿರ್ದೇಶಕ ಡಾ. ಮಾಧವ ಪ್ರಭು ಅವರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾರಣಾಂತಿಕ ರೋಗಗಳ ವಿರುದ್ದ ಹೋರಾಡಲು ಲಸಿಕೆಗಳ ಮಹತ್ವ ಮುಖ್ಯ ಎಂದರು. 

ಲಸಿಕೆ ಬಗ್ಗೆ ನಾವೆಲ್ಲರೂ ಕೇಳಿಯೇ ಇರುತ್ತೇವೆ, ಭಯಂಕರ ರೋಗಗಲು ಬಂದ ನಂತರ ಚಿಕಿತ್ಸೆ ಪಡೆಯುವುದಕ್ಕಿಂತ ಅವು ಬಾರದಂತೆ ತಡೆಯುವುದೇ ಲಸಿಕೆಗಳ ಮುಖ್ಯ ಉದ್ದೇಶ ಎಂದರು. ದೇಹದ ರೋಗ ನಿರೋಧಕತೆಯನ್ನು ಉತ್ತೇಜಿಸುವ, ನೀರ್ಜೀವ, ನಿರುಪಯುಕ್ತ ನಂಜೀನ ಅಂಶವನ್ನು ದೇಹಕ್ಕೆ ಸೇರಿಸುವ ವಿಧಾನವನ್ನು ಲಸಿಕೆ ಎಂದು ಕರೆಯುತ್ತಾರೆ, ವ್ಯದ್ಯಕೀಯ ವಿಜ್ಞಾನ ಮಾನವ ಕುಲಕ್ಕೆ ನೀಡಿದ ಅತ್ಯಂತ ದೊಡ್ಡ ವರದಾನಗಳಲ್ಲಿ ಒಂದು ವರದಾನ ಲಸಿಕೆಗಳು, ಲಸಿಕೆಗಳು ಮಾನವನ ಜೀವಕ್ಕೆ ಬೇದರಿಕೆಯೊಡ್ಡುವ ಹಲವು ಕಾಯಿಲೆಗಳನ್ನು ಹಾಗೂ ಸೋಂಕುಗಳನ್ನು ತಡಯಲು ಮತ್ತು ನಿರ್ಮೂಲನೆ ಮಾಡಲು ನೆರವಾಗಿವೆ, ಸಿಡಿಬಿನಂತಹ ಕಾಯಿಲೆಗಳನ್ನು ನಿರ್ಮೂಲನೆ ಮಾಡಲು ಹಾಗೂ ಪೊಲಿಯೋದಂತಹ ಇತರ ಕಾಯಿಲೆಗಳನ್ನು ನಾಶದ ಅಂಚಿಗೆ ತಂದು ನಿಲ್ಲಿಸಲು ಲಸಿಕೆಗಳು ಮುಖ್ಯ ಎಂದು ಜಾಗೃತಿ ಮೂಡಿಸಿದರು ಮತ್ತು ಕೇಳುಗರ ಪ್ರಶ್ನೆಗಳಿಗೆ ಉತ್ತರಿಸಿದರು. ವೇಣುಧ್ವನಿಯ ಕಾರ್ಯಕ್ರಮ ನಿರ್ವಾಹಕಿ ಮನಿಷ ಪಿ. ಎಸ್‌. ಮತ್ತು ಮಂಜುನಾಥ ಪೈ ಕಾರ್ಯಕ್ರಮ ನಡೆಸಿಕೊಟ್ಟರು.