ದೇವರಹಿಪ್ಪರಗಿ  20: ಪಟ್ಟಣದ ಸಿದ್ದಪ್ಪ ಭೈರವಾಡಗಿ ಅವರ ಪುತ್ರಿ ಕುಮಾರಿ ಎಸ್‌. ಕೃತಿ, 07 ವಯೋಮಿತಿಯ ಬಾಲಕಿಯರ 20 ಕೆ.ಜಿ ಕರಾಟೆ (ಫೈಟ್) ವಿಭಾಗದಲ್ಲಿ ರಾಜ್ಯದ ಪರವಾಗಿ ಆಡಿ ಪ್ರಥಮ ಸ್ಥಾನ (ಬಂಗಾರ ಪದಕ) ಪಡೆಯುವ ಮೂಲಕ ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ.ಅಖಿಲ ಕರ್ನಾಟಕ ಸ್ಪೋರ್ಟ್ಸ ಕರಾಟೆ ಅಸೋಸಿಯೇಷನ್, ಆಯೋಜಿಸಲಾದ 17ನೇ ರಾಜ್ಯಮಟ್ಟದ ಕರಾಟೆ ಚಾಂಪಿಯನ್ ಶಿಪ್ ಬೆಂಗಳೂರು ನಗರದ ಕೋರಮಂಗಲ ಒಳಾಂಗಣದ  ಕ್ರೀಡಾಂಗಣದಲ್ಲಿ ಇತ್ತೀಚೆಗೆ  ನಡೆದ ಕರಾಟೆಯಲ್ಲಿ ಭಾಗವಹಿಸಿ ರಾಷ್ಟ್ರ ಮಟ್ಟಕ್ಕೆ ಆಯ್ಕೆ ಆಗುವ ಮೂಲಕ ಪ್ರತಿಭೆಯನ್ನು ಹೊರ ಹಾಕಿದ್ದಾರೆ.ಕುಮಾರಿಯ ಈ ಸಾಧನೆಗೆ ಸಂಸ್ಥೆಯ ಮುಖ್ಯ ತರಬೇತಿದಾರರಾದ ಪ್ರೇಮಾನಂದ ನಾಗರೇಶಿ, ತರಬೇತಿದಾರರಾದ ಅಕ್ಷಯ ಕುಮಾರ ಹಿರೇಮಠ, ಸಾಗರ.ಎಸ್‌.ಆರ್ ಹಾಗೂ ಎಲ್ಲಾ ಕರಾಟೆ ಪಟುಗಳು ಪಾಲಕ ವೃಂದದವರು ಅಭಿನಂದನೆ ಸಲ್ಲಿಸಿದ್ದಾರೆ.