ಲೋಕದರ್ಶನ ವರದಿ 

 ಗದಗ 28 :  ನಗರದ ಜ. ತೋಂಟದಾರ್ಯ ಜಾತ್ರಾ ಮಹೋತ್ಸವದ ಅಂಗವಾಗಿ ವ್ಯಸನಮುಕ್ತ ಸಮಾಜ ಜಾಗೃತಿಗಾಗಿ   ನಗರದ ಒಕ್ಕಲಗೇರಿಯ ರಾಚೋಟೇಶ್ವರ ದೇವಸ್ಥಾನದಿಂದ ಪಾದಯಾತ್ರೆಗೆ ಚಾಲನೆ ನೀಡಲಾಯಿತು. ಓಣಿಯ ಪ್ರಮುಖ ರಸ್ತೆಯಲ್ಲಿ ಸಾಗಿದ  ಪಾದಯಾತ್ರೆಯಲ್ಲಿ ಪೂಜ್ಯಶ್ರೀ ಜ.ಡಾ. ತೋಂಟದ ಸಿದ್ದರಾಮ ಮಹಾಸ್ವಾಮಿಗಳ ಜೋಳಿಗೆಯಲ್ಲಿ ಓಣಿಯ ನಾಗರಿಕರು  ಮದ್ಯದ ಪೌಚ್‌ಗಳು, ಗುಟ್ಕಾ ಪಾಕೇಟ್‌ಗಳು ಹಾಗೂ  ತಂಬಾಕು ಉತ್ಪನ್ನಗಳನ್ನು  ಹಾಕಿ ಇನ್ಮುಂದೆ ದುಷ್ಚಟದಿಂದ ದೂರಾಗಿ ಹೊಸ ಬದುಕನ್ನು ಸಾಗಿಸುತ್ತೆವೆ ಎಂದು ಪ್ರಮಾಣ ಮಾಡಿ ಶ್ರೀಗಳಿಂದ ಆಶೀರ್ವಾದ ಪಡೆದರು.  

 ಈ ಸಂದರ್ಭದಲ್ಲಿ ಸಿರಸಂಗಿ ಮಹಾಲಿಂಗೇಶ್ವರ ಶ್ರೀಮಠದ ಪೂಜ್ಯಶ್ರೀ ಬಸವಮಹಾಂತ ಸ್ವಾಮಿಗಳು, ಬೈರನಹಟ್ಟಿಯ ಪೂಜ್ಯಶ್ರೀ ಶಾಂತಲಿಂಗ ಮಹಾಸ್ವಾಮಿಗಳು,  ಓಣಿಯ ಹಿರಿಯರಾದ ಕೊಟ್ರ​‍್ಪ ಕಮತರ, ಎಂ.ಎಂ.ಹಿರೇಮಠ, ಅನಿಲ್ ಮೇಲಗೇರಿ, ಶಿವಕುಮಾರಗೌಡ ಪಾಟೀಲ, ಆಂಜನೇಯ ಕಟಗಿ, ಜಾತ್ರಾ ಮಹೋತ್ಸವದ ಅಧ್ಯಕ್ಷರಾದ ವಿನಾಯಕ ಮಾನ್ವಿ, ಕಾರ್ಯದರ್ಶಿಗಳಾದ ಚೇತನ ಅಂಗಡಿ, ಜಾತ್ರಾ ಮಹೋತ್ಸವದ ಉಪಾಧ್ಯಕ್ಷರಾದ ಶಿವಯ್ಯ ನಾಲ್ವತ್‌ವಾಡಮಠ,  ಸುಭಾಷ ಚಂದ್ರ​‍್ಪನವರ, ಎಂ.ಜಿ. ಹೂಗಾರ, ಚಂದ್ರಶೇಖರ ರಾಜೂರ,  ಎಸ್‌.ವಿ. ಪವಾಡಿಗೌಡ್ರ, ಉಮೇಶಗೌಡ್ರ ಪಾಟೀಲ, ಯಲ್ಲೋಸಾ  ಹಬೀಬ, ವಿರುಪಾಕ್ಷಪ್ಪ ದಲಾಲಿ, ಈರಣ್ಣ ಗಡಗಿ ಸೇರಿದಂತೆ ಮುಂತಾದವರು ಉಪಸ್ಥಿತರಿದ್ದರು. ಇದಕ್ಕೂ ಮುನ್ನ ಪಾದಯಾತ್ರೆಯ ರಸ್ತೆಯುದ್ದಕ್ಕೂ ಮಹಿಳೆಯರು ರಂಗೋಲಿಯ ಚಿತ್ತಾರ ಬಿಡಿಸಿ, ಪುಷ್ಟಗಳನ್ನು ಹರಡಿ ಪಾದಯಾತ್ರೆಯನ್ನು ಬರಮಾಡಿಕೊಂಡರು.