ಬೆಳಗಾವಿ 26: ಕೆ.ಎಲ್‌.ಇ. ಸ್ವಾಯತ್ತ ವಿಶ್ವವಿದ್ಯಾಲಯ ಬೆಳಗಾವಿಯ, ಶುಶ್ರೂಷಾ ಮಹಾವಿದ್ಯಾಲಯದಲ್ಲಿ ಮಾದಕ ವಸ್ತು ದುರುಪಯೋಗ ಮತ್ತು ಅಕ್ರಮ ಕಳ್ಳಸಾಗಾಣೆ ದಿನವನ್ನು ಜೂನ್ 26 ರಂದು ಆಯೋಜಿಸಲಾಗಿತ್ತು. 

ಕೆ.ಎಲ್‌.ಇ. ಸ್ವಾಯತ್ತ ವಿಶ್ವವಿದ್ಯಾಲಯ ಬೆಳಗಾವಿಯ, ಶುಶ್ರೂಷಾ ಮಹಾವಿದ್ಯಾಲಯದ ಪ್ರಾಂಶುಪಾಲರಾದ ಪ್ರೊ.(ಡಾ).ವಿರೇಶಕುಮಾರ ನಂದಗಾವ ಅವರು ಅತಿಥಿಗಳನ್ನು ಸ್ವಾಗತಿಸಿ ಮಾದಕ ವಸ್ತು ವಿರೋಧಿ ಪ್ರತಿಜ್ಞೆಯನ್ನು ನರ್ಸಿಂಗ್ ವಿದ್ಯಾರ್ಥಿಗಳಿಗೆ ಬೋದಿಸಿದರು. 

ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಉಸ್ಮಾನ್ ಅವಟಿ, ಪೋಲಿಸ ನೀರಿಕ್ಷಕರು, ಎ.ಪಿ.ಎಮ್,ಸಿ. ಪೋಲಿಸ್ ಠಾಣೆ, ಬೆಳಗಾವಿ, ಅವರು ಯುವ ನರ್ಸಿಂಗ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ವಿವಿಧ ಮಾದಕ ದ್ರವ್ಯಗಳು, ಅವುಗಳ ಪರಿಣಾಮಗಳು, ಮತ್ತು ವ್ಯಸನ ವ್ಯಕ್ತಿಗೆ ಸಹಾಯವಾಣಿ ಪ್ರಕ್ರಿಯೆಯನ್ನು ವಿವರಿಸಿದರು. ನಂತರ ಮಾದಕ ದ್ರವ್ಯಗಳ ದುಷ್ಪರಿಣಾಮಗಳ ಕುರಿತಾದ ವೀಡಿಯೊ ತುಣುಕುಗಳನ್ನು ಪ್ರಸ್ತುತಪಡಿಸಿದರು. ಕೆ.ಎಲ್‌.ಇ. ಜೆ.ಎನ್‌.ಎಮ್‌.ಸಿ ಬೆಳಗಾವಿಯ ಮನೋವೈದ್ಯಶಾಸ್ತ್ರದ ಸಹ-ಪ್ರಾಧ್ಯಾಪಕ ಡಾ.ಭೀಮಸೇನ ತೆಕ್ಕಲಕಿ, ಅವರು ಯುವಜನರಲ್ಲಿ ಮಾದಕ ದ್ರವ್ಯ ಸೇವನೆಯ ದುಷ್ಪರಿಣಾಮಗಳ ಕುರಿತು ಅತಿಥಿ ಉಪನ್ಯಾಸ ನೀಡಿದರು. 

ಬೆಳಗಾವಿಯ ಕೆ.ಎಲ್‌.ಇ. ಸ್ವಾಯತ್ತ ವಿಶ್ವವಿದ್ಯಾಲಯ, ನರ್ಸಿಂಗ ಕಾಲೇಜಿನ ಸಹಾಯಕ-ಪ್ರಾಧ್ಯಾಪಕ ಡಾ.ನಮ್ರತಾ ದೇವುಲಕರ, ನಿರ್ಮಲಾ ಡಿಸೋಜಾ, ಡಾ. ಅಮಯ ಖಾಂಡೆ, ಸುಷ್ಮಾ ಪಾಟೀಲ, ಡಾ.ವಿರುಪಾಕ್ಷಿ ಸವದಿ, ಸಂಜೀವ್ ಬಡ್ಲಿ, ಡಾ. ಗೀತಾ ದೇಸಾಯಿ ಹಾಗೂ 120 ನರ್ಸಿಂಗ್ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.