ಆಲಮೇಲ 03: ನಗರ ಹಾಗೂ ಸ್ಥಳೀಯ ಸಂಸ್ಥೆಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಪೌರ ನೌಕರರನ್ನು ರಾಜ್ಯ ಸರ್ಕಾರ ಪೂರ್ಣ ಪ್ರಮಾಣ ಸರಕಾರಿ ನೌಕರರೆಂದು ಪರಿಗಣಿಸದೇ ಹಾಗೂ ಆರೋಗ್ಯ ಸಂಜೀವಿನಿಗೆ ಮೂಲ ಕಾರಣಿಕರ್ತರಾದ ಪೌರ ಕಾರ್ಮಿಕರನ್ನು ಸರ್ಕಾರ  ಸಂಪೂರ್ಣವಾಗಿ ಕಡೆಗಣಿಸಿರುವದು ಹಾಗೂ ಪೌರ ಕಾರ್ಮಿಕರ ವಿವಿಧ ಬೇಡಿಕೆಗೆಗಳನ್ನು ಸರ್ಕಾರ ಕೂಡಲೇ ಒದಗಿಸಬೇಕು ಎಂದು ಕರ್ನಾಟಕ ರಾಜ್ಯ ಪೌರ ನೌಕರರ ಸಂಘ ಚಿತ್ರದುರ್ಗ, ತಾಲೂಕ ಘಟಕ ಆಲಮೇಲದ ವತಿಯಿಂದ ದಿ.5ರಿಂದ ರಾಜ್ಯಾದ್ಯಂತ ಪೌರ ಕಾರ್ಮಿಕರು ತಮ್ಮ ಕೆಲಸಗಳನ್ನು ಸ್ಥಗಿತಗೊಳಿಸಿ ತಮ್ಮ ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಅನಿರ್ದಿಷ್ಟಕಾಲ ಮುಷ್ಕರ ನಡೆಸಲಾಗುವದು ಎಂದು ತಾಲೂಕ ಅಧ್ಯಕ್ಷ ಲಾಲಸಾಬ ದೇವರಮನಿ ಹೇಳಿದರು. 

ಬುಧುವಾರ ಪಟ್ಟಣ ಪಂಚಾಯತ ಆವರಣದಿಂದ  ಪಟ್ಟಣ ಪಂಚಾಯತ ಸಿಬ್ಬಂದಿ ಹಾಗೂ ಪೌರ ಕಾರ್ಮಿಕರು ಪಟ್ಟಣದ ವಿವಿಧ ಬಡಾವಣೆಗಳ ಮೂಲಕ ತಹಶೀಲ್ದಾರ ಕಾರ್ಯಾಲಯಕ್ಕೆ ಆಗಮಿಸಿ ರಾಜ್ಯ ಸರಕಾರ ತಮ್ಮ ಬೇಡಿಕೆಗಳನ್ನು ಕಡೆಗಣಿಸಿರುವುದರಿಂದ  ಅನಿರ್ದಿಷ್ಟಕಾಲ ಮುಷ್ಕರ ನಡೆಸಲಾಗುವದು ಎಂದು ಆಗ್ರಹಿಸಿ ಉಪ ತಹಶೀಲ್ದಾರ ಪಿ.ಎಸ್‌.ಮೂಕಿಹಾಳ ಇವರಿಗೆ ಮನವಿ ಸಲ್ಲಿಸಿದರು.  

ನಂತರ ಮನವಿ ಸ್ವೀಕರಿಸಿ ಉಪ ತಹಶೀಲ್ದಾರ ಪಿ.ಎಸ್‌.ಮೂಕಿಹಾಳ ಮಾತನಾಡಿ ಕೂಡಲೇ ತಮ್ಮ ಮನವಿಯನ್ನು ಜಿಲ್ಲಾಧಿಕಾರಿಗಳಿಗೆ ತಲುಪಿಸಲಾಗುವದು ಎಂದರು. ಕರ್ನಾಟಕ ರಾಜ್ಯ ಪೌರ ನೌಕರರ ಸಂಘ ಉಪಾಧ್ಯಕ್ಷೆ ರೇಣುಕಾ ಯಂಟಮನ,ಕಂದಾಯ ನೀರಿಕ್ಷಕ ಎಮ್‌.ಎ.ಗುಣಕಿ, ಆರೋಗ್ಯ ನೀರೀಕ್ಷಕಿ ತೇಜಶ್ವಿನಿ ಮಗಿ ಪಪಂ ಸಿಬ್ಬಂದಿ ಹಾಗೂ ಪೌರ ಕಾರ್ಮಿಕರು ಇದ್ದರು.