ವಾಷಿಂಗ್ಟನ್, ಮಾ 12, ರಷ್ಯಾದಲ್ಲಿ ನಿರ್ಬಂಧಿಸಲಾಗಿರುವ ಇಸ್ಲಾಮಿಕ್ ಸ್ಟೇಟ್ ಉಗ್ರ ಸಂಘಟನೆಯನ್ನು ಪರಾಭವಗೊಳಿಸಲು ಇರಾಕ್ ನಲ್ಲಿ ನಡೆಸಿದ ಕಾರ್ಯಾಚರಣೆ ವೇಳೆ ಮೂವರು ಸಿಬ್ಬಂದಿ ಸಾವನ್ನಪ್ಪಿದ್ದು 12 ಮಂದಿ ಗಾಯಗೊಂಡಿದ್ದಾರೆ ಎಂದು ಅಮೆರಿಕ ನೇತೃತ್ವದ ಮೈತ್ರಿ ಪಡೆ ದೃಢಪಡಿಸಿದೆ.  ಇರಾಕ್ ನ ತಾಜಿ ಶಿಬಿರದ ಮೇಲೆ ಮಾ 11 ರಂದು ರಾಕೆಟ್ ದಾಳಿಯ ವೇಳೆ ಮೈತ್ರಿ ಪಡೆಯ ಮೂವರು ಸಿಬ್ಬಂದಿ ಕೊಲ್ಲಲ್ಪಟ್ಟಿದ್ದಾರೆ ಎಂದು ಮೈತ್ರಿಪಡೆಯ ವಕ್ತಾರರ ಹೇಳಿಕೆ ತಿಳಿಸಿದೆ.  ಈ ದಾಳಿಯಲ್ಲಿ ಸುಮಾರು 12 ಜನ ಗಾಯಗೊಂಡಿದ್ದಾರೆ ಎಂದೂ ಸಹ ಅವರು ಮಾಹಿತಿ ನೀಡಿದ್ದಾರೆ.  ಇದಕ್ಕೂ ಮುನ್ನ ಇಬ್ಬರು ಅಮೆರಿಕನ್ನರು ಮತ್ತು ಓರ್ವ ಬ್ರಿಟಿಷ್ ನಾಗರಿಕ ಈ ದಾಳಿಯಲ್ಲಿ ಸಾವನ್ನಪ್ಪಿರುವುದಾಗಿ ಅಮೆರಿಕ ಮಾಧ್ಯಮ ವರದಿ ಮಾಡಿತ್ತು.  ದಾಳಿ ಕುರಿತ ತನಿಖೆ ಪ್ರಗತಿಯಲ್ಲಿದೆ ಎಂದೂ ಸಹ ಅವರು ಹೇಳಿದ್ದಾರೆ.