ಬೆಳಗಾವಿ 30: ಹೆರಾಯಿನ್ ಮಾದಕ ವಸ್ತುಗಳನ್ನು ಅಕ್ರಮವಾಗಿ ಮಾರಾಟ ಮಾಡಲು ಬಂದಿದ್ದಾಗ ಮಾರ್ಕೇಟ್ ಠಾಣೆ ಪೊಲೀಸರು ದಾಳಿ ನಡೆಸಿ ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ. 

ಸದಾಶಿವ ನಗರ ಅಂಬೇಡ್ಕರ್‌ಗಲ್ಲಿ  ನಿವಾಸಿ ರೆಹಾನ್ ಮಹ್ಮದಗೌಸ ರೋಟಿವಾಲೆ, ಮಹಾರಾಷ್ಟ್ರ ಪಂಢರಪೂರ ಓಜೇವಾಡಿ ನಿವಾಸಿ ಗಣೇಶಕುಮಾರ ಅನಿಲ ನಾಗನೆ, ಮೂಲ ಸೊಲ್ಲಾಪೂರ ಬಾರಸಿ ಹಾಲಿ ಬೆಳಗಾವಿ ಸುಭಾಷನಗರ ನಿವಾಸಿ ಸೈಯದ್‌ಜಾನೀಶ್ ಗುಲಾಬಹ್ಮದ ಅಂಗರಶಾ, ಸಾಂಗ್ಲಿ ನಿವಾಸಿ ಆದಿತ್ಯ ರಾಜು ಪಡಾಳಕರ ಮತ್ತು ಬೆಳಗಾವಿ ರುಕ್ಮಿಣಿ ನಗರ ನಿವಾಸಿ ಮೊಹ್ಮದಹುಸೇನ್ ಅ ಸೈಬಾಜ ನೂರಹ್ಮದ ಇನಾಮದಾರ ಬಂಧಿತ ಆರೋಪಿಗಳಾಗಿದ್ದಾರೆ. 

ದಿ. 29ರಂದು ಬೆಳಗಾವಿ ಸುಭಾಷ ನಗರ  ಪ್ರಿಯಾಂಕಾ ರೆಸಿಡೆನ್ಸಿ ಬಳಿ ಅಕ್ರಮವಾಗಿ ಹೆರಾಯಿನ್ ಮಾದಕ ವಸ್ತು ಮಾರಾಟದ ಸಿದ್ಧತೆಯಲ್ಲಿದ್ದಾಗ ಮಾರ್ಕೇಟ್ ಪೊಲೀಸ್ ಠಾಣೆಯ ಪಿಎಸ್‌ಯ ವಿಠಲ ಹಾವನ್ನವರ ಮತ್ತು  ಸಿಬ್ಬಂದಿ ಅವರು ದಾಳಿ ನಡೆಸಿೈವರು ಆರೋಪಿಗಳನ್ನು ಬಂಧಿಸಿ ಅವರಿಂದ 30,000ರೂ. ಮೌಲ್ಯದ 30ಗ್ರಾಂ ಹೆರಾಯಿನ್ ಜಪ್ತ ಮಾಡಿಕೊಂಡು ಆರೋಪಿಗಳ ವಿರುದ್ಧ ಮಾರ್ಕೇಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.