ಬೆಂಗಳೂರು, ಸೆ 7:   ಅರ್ಜುನ ಪ್ರಶಸ್ತಿ ವಿಜೇತ ಮೊದಲ ಹಾಗೂ ಏಕೈಕ ರ್ಯಾಲಿ ಪಟು ಗೌರವ್ ಗಿಲ್ ಅವರು  ಟರ್ಕಿಯಲ್ಲಿ ಇದೇ ತಿಂಗಳ 12 ರಿಂದ 15ರವರೆಗೆ ನಡೆಯಲಿರುವ ರ್ಯಾಲಿ ಆಫ್ ಟರ್ಕಿಯಲ್ಲಿ  ಪಾಲ್ಗೊಳ್ಳುವ ಮೂಲಕ ಫಿಯಾ ವಿಶ್ವ ರ್ಯಾಲಿ  ಚಾಂಪಿಯನ್ಶಿಪ್ 2ರಲ್ಲಿ  ತಮ್ಮ ಛಾಪು  ಮೂಡಿಸಲಿದ್ದಾರೆ ಮೂರು ಬಾರಿ ಎಪಿಆರ್ ಸಿ ಹಾಗೂ ಆರು ಬಾರಿ ಐಎನ್ಆರ್ಸಿ ಚಾಂಪಿಯನ್ ಪಟ್ಟ ಗೆದ್ದಿರುವ  ಗಿಲ್, ಎಂ-ಸ್ಪೋರ್ಟ್ ಅಭಿವೃದ್ಧಿಪಡಿಸಿರುವ, ಜೆಕೆ ಟಯರ್ಸ್ ಮೋಟೋ ಸ್ಪೋರ್ಟ್   ಪ್ರೋತ್ಸಾಹಿಸಿರುವ 1.6 ಟರ್ಬೋ ಆರ್5 ವಾಹನವನ್ನು ಚಲಾಯಿಸಲಿದ್ದಾರೆ. ಈ ಬಾರಿ ಟಕ್ರಿಯಲ್ಲಿ ನಡೆಯಲಿರುವ ರ್ಯಾಲಿ ಜೆಲ್ಲಿಕಲ್ಲಿನಿಂದ ಕೂಡಿದ  ಮಾಗರ್ದಲ್ಲೇ ಹೆಚ್ಚಾಗಿ ನಡೆಸುವುದರಿಂದ ಗಿಲ್ ಈ ಬಾರಿ ಮಿಂಚಿನ ಸ್ಪರ್ದೆ ನೀಡುವುದು  ಬಹುತೇಕ ಖಚಿತವಾಗಿದೆ. ಏಕೆಂದರೆ ಇಂತಹ ಮಾರ್ಗಗಳೆಂದರೆ ಗಿಲ್ ಗೆ ಫೇವರಿಟ್. ಈ ವರ್ಷ ನಾನು ಸ್ಪರ್ದಿಸಬೇಕಾದ ರ್ಯಾಲಿಯನ್ನು ಅತ್ಯಂತ ಎಚ್ಚರಿಕೆಯಿಂದ ಆಯ್ಕೆ  ಮಾಡುತ್ತೇವೆ. ಬಳಸುತ್ತಿರುವ ಕಾರು, ಮಾರ್ಗ ಮತ್ತು ಸಾಮಥ್ರ್ಯ ಇವುಗಳನ್ನು  ಗಮನದಲ್ಲಿರಿಸಿಕೊಳ್ಳಬೇಕಾಗುತ್ತದೆ, ಎಂದು ಗಿಲ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ ಅವರು,   ಜನಪ್ರಿಯ ತಂಡದೊಂದಿಗೆ ಮೊದಲ ಬಾರಿ ಸ್ಪರ್ದೆ ಮಾಡುವುದಕ್ಕೆ ಸಾಕಷ್ಟು  ಉತ್ಸುಕನಾಗಿದ್ದೇನೆ. ಜೆಕೆ ಮೋಟೋ ಸ್ಪೋರ್ಟ್ ನಂಥ ತಂಡ ಬೆಂಬಲಕ್ಕಿರುವುದು ಹೊಸ  ಹುಮ್ಮಸ್ಸು ತಂದಿದೆ, ಎಂದರು.  ಅರ್ಜುನ ಪ್ರಶಸ್ತಿ ಗೆದ್ದಿರುವ ಮೊದಲ ರ್ಯಾಲಿಪಟು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ  ಗಿಲ್, 2018ರ ಡಬ್ಲ್ಯುಆರ್ಸಿ-2 ನಲ್ಲಿ ತೃಪ್ತಿದಾಯಪ ಪ್ರದರ್ಶನ ತೋರಿದ್ದರು. ಇಟಲಿ,  ಫಿನ್ಲೆಂಡ್, ವೇಲ್ಸ್ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ನಾಲ್ಕು ರ್ಯಾಲಿಗಳಲ್ಲಿ ಅವರು  ಪಾಲ್ಗೊಂಡಿದ್ದರು. ಜಾಗತಿಕ ಮಟ್ಟದ ರ್ಯಾಲಿಯಲ್ಲಿ ಕಂಡುಬರುವ ಕಂಠಿಣ ಸವಾಲುಗಳನ್ನು  ಎದುರಿಸಿಯೂ ಗಿಲ್ 11 ಸ್ಟೇಜ್ ಗಳನ್ನು ಗೆದ್ದಿದ್ದಿರುವುದು ಗಮನಾರ್ಹ. ಅರ್ಜುನ ಪ್ರಶಸ್ತಿ ಗೆದ್ದಿರುವ ಶುಭ ಸಂದರ್ಭದಲ್ಲಿ ಜೆಕೆ ಟಯರ್ ಮೋಟೋಸ್ಪೋರ್ಟ್ ಗಿಲ್  ಅವರನ್ನು ಸನ್ಮಾನಿಸಿತ್ತು. ಈ ಸಂದರ್ಭದಲ್ಲಿ ಮಾತನಾಡಿದ ಜೆಕೆ ಟಯರ್ಸ್ನ ಮಾರುಕಟ್ಟೆ  ನಿರ್ದೇಶಕ ವಿಕ್ರಮ್ ಮಲ್ಹೋತ್ರಾ ಚಾಂಪಿಯನ್ ಗಿಲ್ ಅವರನ್ನು ಅಭಿನಂದಿಸಿದರು.  ಭಾರತದಲ್ಲಿ ಮೋಟಾರ್ ಸ್ಪೋಟ್ರ್ಸ ಗೆ ಪ್ರೋತ್ಸಾಹ ನೀಡುವಲ್ಲಿ ಜೆಕೆ ಟಯರ್ಸ್ ಅಗ್ರ  ಪಂಕ್ತಿಯಲ್ಲಿದೆ. ಚಿಕ್ಕ ಮಕ್ಕಳ ರೇಸಿಂಗ್ ನಲ್ಲಿ ಶೇ.90ರಷ್ಟು ಜಾರಿಗೆ ತಂದದ್ದು ಜೆಕೆ  ಟಯರ್ಸ, ಗಿಲ್ ಅವರೊಂದಿಗಿನ ಸಂಬಂಧವೂ ಯಶಸ್ಸಿನ ಹಾದಿಯನ್ನು ಅನುಸರಿಸಿದ್ದು, ದೇಶೀಯ  ರ್ಯಾಲಿಗಳಲ್ಲಿ ಅವರು ತೋರಿದ ಸಾಧನೆ ನಮ್ಮ ಟಯರ್ ಉದ್ಯಮದಲ್ಲಿ ಏಳಿಗೆಯನ್ನು ಕಾಣಲು  ಸಾಧ್ಯವಾಯಿತು ಎಂದರು.  ಅಂತಾರಾಷ್ಟ್ರೀಯ ರ್ಯಾಲಿಯಲ್ಲೂ ಉತ್ತಮ ಪ್ರದರ್ಶನ ತೋರಿದ ಗಿಲ್  ನಮ್ಮಲ್ಲಿ ಹೊಸ ಹುಮ್ಮಸ್ಸನ್ನು ತುಂಬಿದರಲ್ಲದೆ, ನಮ್ಮ ಕಾರ್ಯಕ್ರಮಗಳನ್ನು ಜಾರಿಗೆ  ತರುವಲ್ಲಿ ಶಕ್ತಿವರ್ಧಕವಾದರು. ಅವರ ಈ ಸಾಧನೆ ಮುಂದಿನ ಪೀಳಿಗೆಗೆ ನೆರವಾಗಲಿದೆ,  ಎಂದರು. ಗಿಲ್ ಅವರು ಇದೇ ಮೊದಲ ಬಾರಿಗೆ ನೋಂದಾಯಿತ ಸರ್ದೆಯಾಗಿ  ಪಾಲ್ಗೊಳ್ಳುತ್ತಿರುವುದು, ದೇಶದ ಮೋಟಾರ್ ಸ್ಪೋಟ್ರ್ಸ ನಲ್ಲಿ ಇದೊಂದು ಐತಿಹಾಸಿಕ  ಮೈಲಿಗಲ್ಲು.  ಕಳೆದ ವರ್ಷ ಗಿಲ್ ಅವರೊಂದಿಗೆ ಕೆಲಸ ಮಾಡುವ ಅವಕಾಶ ಸಿಕ್ಕಿತು, ಈ ವರ್ಷವೂ ಅವರೊಂದಿಗೆ  ಕಾರ್ಯ ನಿರ್ವಹಿಸುವ ಅವಕಾಶ ಸಿಕ್ಕಿದೆ. ಮೂರು ಬಾರಿ ಏಷ್ಯಾ ಪೆಸಿಫಿಕ್ ಚಾಂಪಿಯನ್ ಪಟ್ಟ  ಗೆದ್ದಿರುವ ಗಿಲ್, ನಿಜವಾಗಿಯೂ ಒಬ್ಬ ಪ್ರತಿಭಾವಂತ ಚಾಲಕ, ಫಿಯಾ ವಿಶ್ವ ರ್ಯಾಲಿ 2ರಲ್ಲಿ  ಅವರು ಉತ್ತಮವಾಗಿ ಪ್ರದರ್ಶನ ತೋರುತ್ತಾರೆಂಬ ನಂಬಿಕೆ ಇದೆ, ಎಂದು ತಂಡದ  ಪ್ರಿನ್ಸಿಪಾಲ್ ರಿಚಾರ್ಡ್ ಮಿಲ್ಲೆನರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. 2019ರ ಟರ್ಕಿ ರ್ಯಾಲಿಯಲ್ಲಿ ಸ್ಪರ್ದೆಗಳು 988.50 ಕಿ,ಮೀ, ಅಂತರವನ್ನು  ಪೂರ್ಣಗೊಳಿಸಲಿದ್ದಾರೆ. ಇದರಲ್ಲಿ 17 ವಿಶೇಷ ಸ್ಟೇಜ್ ಗಳಿದ್ದು, ಇದರ ಅಂತರ 310 ಕಿಮೀ.  ಆಗಿರುತ್ತದೆ. ಡಬ್ಲುಆರ್ ಸಿ ರ್ಯಾಲಿಯ ನೇರ ಪ್ರಸಾರ ಮಾಡಲಿದ್ದು, 40 ದೇಶಗಳಲ್ಲಿ ನೇರ  ಪ್ರಸಾರಗೊಳ್ಳಲಿದೆ.