ಕೊಪ್ಪಳ 24:  ತಾಲೂಕಿನ ಹಿರೇ ಬಗನಾಳ ಗ್ರಾಮದಲ್ಲಿ ಸಂವಿಧಾನ ಶಿಲ್ಪಿ ಭಾರತ ರತ್ನ ಡಾ. ಬಿ.ಆರ್‌. ಅಂಬೇಡ್ಕರ್ ರವರ ಜಯಂತಿ  ಪ್ರಯುಕ್ತ ಅವರ ನೂತನ ಕಂಚಿನ ಮೂರ್ತಿ ಅನಾವರಣ ಹಾಗೂ 135ನೇ ಜಯಂತೋತ್ಸವ ಆಚರಣೆಯ ಜೊತೆಗೆ 11 ಜೋಡಿ ಸಾಮೂಹಿಕ ಮದುವೆ ಕಾರ್ಯಕ್ರಮವನ್ನು ದಿ27. ಏಪ್ರಿಲ್ 2026 ರಂದು 11:30 ಗಂಟೆಗೆ. ತಾಲೂಕಿನ ಹಿರೇ ಬಗನಾಳ ಗ್ರಾಮದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಕಾರ್ಯಕ್ರಮ ಸಂಘಟಕ ದಲಿತ ನಾಯಕ ಗಣೇಶ್ ಹೊರತಟ್ನಾಳ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.     ಕಾರ್ಯಕ್ರಮಗಳ ವಿವರಣೆ ನೀಡಿದ ಅವರು ಉಚಿತ ಮದುವೆ, ಡಾ. ಬಿ. ಆರ್‌. ಅಂಬೇಡ್ಕರ್ ಅವರ ಕಂಚಿನ ಮೂರ್ತಿ ಅನಾವರಣ ಜೊತೆಗೆ ಪ್ರೊ. ಲಿಂಗಣ್ಣ ಜಂಗಮರಳ್ಳಿ ಅವರಿಂದ ವಿಶೇಷ ಉಪನ್ಯಾಸ ಹಾಗೂ ಜಾನಪದ ಕಲಾವಿದರಾದ ಜೀವನ ಸಾಬ, ಬಿನ್ನಾಳ ಕಲಾ ತಂಡದವರಿಂದ ಜಾನಪದ ಗೀತೆ ಕಾರ್ಯಕ್ರಮ ನಡೆಯಲಿದೆ.

ಈ ಕಾರ್ಯಕ್ರಮಕ್ಕೆ ಕೊಪ್ಪಳ ಜಿಲ್ಲೆಯ ಜನ ಪ್ರತಿನಿಧಿ ಶಾಸಕ ಕೆ. ರಾಘವೇಂದ್ರ ಹಿಟ್ನಾಳ್‌. ಸಂಸದ ರಾಜಶೇಖರ ಹಿಟ್ನಾಳ್‌. ಎಂ. ಎಲ್‌. ಸಿ. ಹೇಮಲತಾ ನಾಯಕ. ಜೆಡಿಎಸ್ ಮುಖಂಡ ಸಿ. ವಿ .ಚಂದ್ರಶೇಖರ. ಡಾ. ಬಸವರಾಜ್ ಕ್ಯಾವಟರ್‌. ಬಿಜೆಪಿ ಮುಖಂಡ  ಗೋವಿಂದ ಕಾರಜೋಳ ಸೇರಿದಂತೆ ಅಧಿಕಾರಿಗಳು, ವಿಶೇಷ ಅತಿಥಿಗಳು, ಸಾರ್ವಜನಿಕರು ಭಾಗವಹಿಸಲಿದ್ದಾರೆ. ಎಂದು ಯುವ ಮುಖಂಡ ಮಲ್ಲಿಕಾರ್ಜುನ್ ಪೂಜಾರ ತಿಳಿಸಿದರು.  ಕಾರ್ಯಕ್ರಮದ ಪ್ರಮುಖ ಆಯೋಜಕರಾದ ರವಿ, ದೇವರಮನಿ, ಅವರು ಮಾತನಾಡಿ 5 ರಿಂದ 6. ಸಾವಿರ ಜನರು ಕಾರ್ಯಕ್ರಮಕ್ಕೆ ಭಾಗವಹಿಸುವ ನೀರೀಕ್ಷೆ ಇದೆ. ಮದುವೆಯ ವಧು ವರಗಳಿಗೆ ಬಟ್ಟೆ, ತಾಳಿ, ಕಾಲು ಉಂಗುರ ಸೇರಿದಂತೆ ಸಕಲ ವ್ಯವಸ್ಥೆಯನ್ನು ನಮ್ಮ ಸಂಘಟನೆಯನ್ನು ಮಾಡಲಾಗಿದೆ. ಸಾಮೂಹಿಕ ಮದುವೆಗಾಗಿ ಆಗಮಿಸುವ ಎಲ್ಲಾ ಬಂದು ಭಗಿನಿ ಯರಿಗೆ ಊಟದ ವ್ಯವಸ್ಥೆಯನ್ನು ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು. ಈ ಪತ್ರಿಕಾಗೋಷ್ಠಿಯಲ್ಲಿ ದಲಿತ ಮುಖಂಡರಾದ, ಗಣೇಶ್ ಹೋರತಟ್ನಾಳ, ಮಲ್ಲಿಕಾರ್ಜುನ್ ಪೂಜಾರ, ರವಿ ದೇವರಮನಿ, ಯುವರಾಜ್ ಹೊಸಮನಿ, ಫಕೀರ​‍್ಪ ದೊಡ್ಡಮನಿ, ಶಿವಣ್ಣ ತಾಳ ಕನಕಪುರ, ಇತರರು ಉಪಸ್ಥಿತರಿದ್ದರು.