ಹೂವಿನಹಡಗಲಿ 27- ಇಲ್ಲಿನ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಹಾಗೂ ಸರ್ಕಾರಿ ಆರೋಗ್ಯ ಇಲಾಖೆಯವರ ಸಹಯೋಗದಲ್ಲಿ ಪೂಜ್ಯ ಧರ್ಮಸ್ಥಳದ ಧರ್ಮಧಿಕಾರಿಗಳಾದ ಹುಟ್ಟುಹಬ್ಬದ ಪ್ರಯುಕ್ತ ಪಟ್ಟಣದ ಹಿರೇಮಲ್ಲಿನಕೇರಿ ಮಠದಲ್ಲಿ ಉಚಿತ ಆರೋಗ್ಯ ತಪಾಸಣೆ  ಕಾರ್ಯಕ್ರಮ ಜರುಗಿತು.    

ಜಿಲ್ಲಾ ಜನಜಾಗೃತಿ ವೇದಿಕೆಯ ಸದಸ್ಯರಾದ ಕೊಡಿಹಳ್ಳಿ ಕೊಟ್ರೇಶ್ ಶಿಬಿರ ಉದ್ಘಾಟಿಸಿ ಮಾತನಾಡಿ ಮಹಿಳೆಯರು ಸ್ವಾವಲಂಬನೆ ಜೀವನ ಕಂಡು ಕೊಂಡಿದ್ದಾರೆ ಜತೆಗೆ ಸಮಾಜ ಮುಖಿ ಕೆಲಸ ಧರ್ಮ ಸ್ಥಳ ಟ್ರಸ್ಟ್‌ ನಿಂದ ನಡೆಯುತ್ತಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.  ಯೋಜನಾಧಿಕಾರಿ ಮಂಜುನಾಥ ಎನ್ ಆರ್ ರವರು ಪ್ರಸ್ತಾವಿಕ ನುಡಿದರು. ಶಿವರಾಜ, ಡಾ.ರೇಖಾ ಮಾತನಾಡಿದರು.ಈ ಸಂದರ್ಭದಲ್ಲಿ ಶಂಭುನಾಥ ಕಣವಿ, ಭರತೇಶ್ ಭಸ್ತಿ, ಡಾ. ರೂಪಾ,ಆರೋಗ್ಯ ಇಲಾಖೆ  ವೀರೇಶ್ ,  ಗುರುಬಸಮ್ಮ, ಲಲಿತಮ್ಮ, ಒಕ್ಕೂಟ ಪದಾಧಿಕಾರಿಗಳು ಮೇಲ್ವಿಚಾರಕರಾದ ಶಶಿಕುಮಾರ್ ಇದ್ದರು.  ಆರತಿ  ಸ್ವಾಗತಿಸಿದರು ಸೇವಾಪ್ರತಿನಿಧಿಗಳಾದ ಶೈನಾಜ್ , ಅಂಜಿನಮ್ಮ, ಜ್ಯೋತಿ, ಹಾಗೂ ಸ್ವ- ಸಹಾಯ ಸಂಘಗಳ ಸದಸ್ಯರು ಇದ್ದರು.