ನವದೆಹಲಿ, ಮೇ 15, ಕೊರೊನಾ  ಸೋಂಕು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಕೇಂದ್ರದ  4.0  ಲಾಕ್ ಡೌನ್ ವಿಸ್ತರಣೆಯ  ಮಾರ್ಗಸೂಚಿ ಇಂದು, ನಾಳೆ  ಪ್ರಕಟವಾಗುವ ಸಂಭವವಿದೆ .ಇದೆ  18 ರಿಂದ ಆರಂಭವಾಗುವ ಲಾಕ್ ಡೌನ್ 4.0 ಕುರಿತ ಹೊಸ ಮಾರ್ಗಸೂಚಿಯನ್ನು ಈಗಾಗಲೇ ಕೇಂದ್ರ ಗೃಹ ಇಲಾಖೆ ಸಿದ್ಧಪಡಿಸಿದೆ ಎನ್ನಲಾಗಿದೆ. ಆದರೆ ಕೆಲ ರಾಜ್ಯಗಳಿಂದ ಸಲಹೆ ಬರುವ ಸಾಧ್ಯತೆ ಇರುವ ಹಿನ್ನೆಲೆಯಲ್ಲಿ ಅವುಗಳ ಳ ಸಲಹೆ  ಆಧರಿಸಿ ಇಂದು ಅಥವಾ ನಾಳೆ ಹೊಸ ಮಾರ್ಗಸೂಚಿ ಪ್ರಕಟವಾಗಲಿದೆ . .ಕೇಂದ್ರ ಗೃಹ ಇಲಾಖೆ ಅಧಿಕಾರಿಗಳ ಮಾಹಿತಿ ಪ್ರಕಾರ ನಾಲ್ಕನೇ ಹಂತದ ಲಾಕ್ ಡೌನ್ ಈವರೆಗಿನ ಮೂರು ಲಾಕ್ ಡೌನ್ ಗಳಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿರಲಿದೆ. ಬಹಳಷ್ಟು ವಿನಾಯಿತಿ  ಒಳಗೊಂಡಿರುತ್ತವೆ. ಬಹುತೇಕ ಎಲ್ಲಾ ವಲಯಗಳಿಗೂ ವಿನಾಯಿತಿ ದೊರೆಯುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.