ಹಾವೇರಿ೦೨: ನರಸಿಂಹೇಶ್ವರ ಮಹಾರಾಜರ ಸೇವಾ ಮಂಡಳಿ ವತಿಯಿಂದ 22ನೇ ಸಾಧನ ಸಪ್ತಾಹವನ್ನು ಮೇ.4,5 ರಂದು ಜರುಗಲಿದೆ.  4ರಂದು ಮು. 5-00ಗಂಟೆಗೆ ಕಾಕಡಾರತಿ ನಂತರ 10-00ಗಂಟೆಗೆ ವೀಣಾ ಪೂಜೆಯ ಮೂಲಕ ಸಪ್ತಾಹಕ್ಕೆ ಚಾಲನೆ ನೀಡಲಾಗುವದು. ಆಗಮಿಸಿದ ಸಂತರಿಂದ ಭಜನೆ-ಪ್ರವಚನ ನಂತರ ಮಹಾಪ್ರಸಾದ ಜರುಗಲಿದೆ. ಸಂಜೆ 7-00ಗಂಟೆಗೆ ಪಾಲಕಿ ಸೇವೆ ಮತ್ತು ಮಹಾರಾಜರ ಭಾವಚಿತ್ರ ಮೆರವಣಿಗೆ ಜರುಗುವದು. ಕಲ್ಲಳ್ಳಿ ಗ್ರಾಮದ ತಿಮ್ಮಣ್ಣ ಪೂಜಾರ ತಂಡದಿಂದ ಭಕ್ತಿಗೀತೆ ಸಂಗೀತ ಕಾರ್ಯಕ್ರಮವಿದೆ. 

5ರಂದು ಬೆಳಗಿನ ಜಾವ ಕಾಕಡಾರತಿ ನಂತರ ಅನುಭವಿ ಸಂತರಿಂದ ಧ್ಯಾನ, ದಾಸ ಭೋಧ-ವಾಚನ  ನಂತರ ಹಿಮಾಲಯ ತಪಸ್ವೀಗಳಾದ ರಾಮಕೃಷ್ಣ ಮಹಾರಾಜರಿಂದ ಆಶೀರ್ವಚನ ನಮತರ ಪುಷ್ಪವೃಷ್ಠಿ ಹಾಗೂ  ಮಹಾಪ್ರಸಾದ ಜರುಗಲಿದೆ. ಈ ಮೇಲಿನ ಕಾರ್ಯಕ್ರಮಗಳೆಲ್ಲ  ಹಾವೇರಿಯ ಕೃಷ್ಣ ದೇವಸ್ಥಾನದ ಬಳಿ ಇರುವ ನರಸಿಂಹೇಶ್ವರ ಮಹಾರಾಜರ ಆದ್ಯಾತ್ಮಿಕ ಹಾಗೂ ಯೋಗ ಮಂದಿರದಲ್ಲಿ ಜರುಗಲಿದೆ. ಸರ್ವರೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸದ್ಗುರು ಮಹಾರಾಜರ ಕೃಪೆಗೆ ಪಾತ್ರರಾಗಬೇಕೆಂದು ತಿಳಿಸಿದ್ದಾರೆ.