ಹೂವಿನಹಡಗಲಿ 13:  ತಾಲ್ಲೂಕಿನ ಸೋಗಿ ಗ್ರಾಮದ ಅಶೋಕ್ ಕುಮಾರ್ ಪಟ್ಟೇದ ಸಿದ್ದ ಮಲ್ಲಪ್ಪ ಸರ್ಕಾರಿ ಪ್ರೌಢಶಾಲೆಯ ಎಸ್ ಎಸ್ ಎಲ್ ಸಿ ವಿದ್ಯಾರ್ಥಿಗಳ ಪ್ರತಿ ವರ್ಷ ಪ್ರತಿಭಾ ಪುರಸ್ಕಾರಕ್ಕಾಗಿ ಒಂದು ಲಕ್ಷ ರೂ.ದೇಣಿಗೆ ನೀಡಲು ದಾನಿಗಳು ಬಂದಿದ್ದಾರೆ.      

ರಾಜೇಶ್ವರಿ ಅಶೋಕ್ ಕುಮಾರ್ ಬೆಳಗಾವಿ ನಿವೃತ್ತ ಉಪನಿರ್ದೇಶಕರು ಹಣಕಾಸು ಮತ್ತು ಸಂಖ್ಯಿಕ ಇಲಾಖೆ ಬೆಂಗಳೂರು ಇವರು 2025 ನೇ ಸಾಲಿನ ಪ್ರತಿಭಾ ಪುರಸ್ಕಾರಕ್ಕಾಗಿ ನಗದು ಹಣವನ್ನು ಸಹ ನೀಡಲಿದ್ದಾರೆ. ಹಿಂದೆ ಕೆಲಕಾಲ ಸೋಗಿ ಶಾಲೆಯಲ್ಲಿ ಸಮಾಜ ವಿಜ್ಞಾನ ವಿಷಯದ ಅರೆಕಾಲಿಕ ಅತಿಥಿ ಶಿಕ್ಷಕರಾಗಿ ಇವರು ಸೇವೆ ಸಲ್ಲಿಸಿದ್ದಾರೆ.ಶಾಲೆಯ ಎಸ್ ಡಿ ಎಂ ಸಿ ಪದಾಧಿಕಾರಿಗಳು ಮುಖ್ಯ ಗುರುಗಳಾದ ಗುರಬಸವರಾಜ ಕಡ್ಲಿ, ಕೊಟ್ರೇಶ್, ಶೇಕ್ ಅಹಮದ್, ಮಲ್ಲಿಕಾರ್ಜುನ ಇತರರು ಹರ್ಷ ವ್ಯಕ್ತಪಡಿಸಿದರು.ಈ ವರ್ಷದ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಒಂದು ಲಕ್ಷ ರೂ ಕೊಡುವುದಾಗಿ ದಾನಿಗಳು ಭರವಸೆ ನೀಡಿದ್ದಾರೆ.