ಕಾರವಾರ   16: ಇಲ್ಲಿನ ರಾಕ್ ಗಾರ್ಡನ್ ಸನಿಹ ದಂಡೆಯಲ್ಲಿ ಜಿಂಕೆಯ ಮೃತದೇಹ ಶುಕ್ರವಾರ ಸಂಜೆ ಪತ್ತೆಯಾಗಿದೆ. ಕಡಲತೀರಕ್ಕೆ ವಾಯು ವಿಹಾರಕ್ಕೆ ಬಂದ ನಾಗರಿಕರು ಜಿಂಕೆಯ ಮೃತದೇಹ ಕಂಡು ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದರು.

ಬೈತಖೋಲ್ ಸನಿಹದ ಗುಡ್ಡದಂಚಿನ ಕಾಡಿನಿಂದ ಬಂದ ಜಿಂಕೆ ಚಿರತೆ ದಾಳಿಯಿಂದ ತಪ್ಪಿಸಿಕೊಳ್ಳಲು ಹೋಗಿ ಸಮುದ್ರಕ್ಕೆ ಬಿದ್ದು ಮೃತಪಟ್ಟಿರ ಬಹುದು ಎಂದು ಶಂಕಿಸಲಾಗಿದೆ.ಜಿಂಕೆಯ ಮೃತದೇಹದ ಮಾಹಿತಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಬಂದ, ಅರಣ್ಯ ಇಲಾಖೆಯ ಅಧಿಕಾರಿ ಮತ್ತು ಸಿಬ್ಬಂದಿಗಳು ಜಿಂಕೆಯ ಮೃತದೇಹವನ್ನ ಮರೋಣೋತ್ತರ ಪರೀಕ್ಷೆಗೆ ಕಳುಹಿಸಿದರು .ಭೂದೇವಿ ಗುಡ್ಡ ಅಥವಾ ಬೆಟ್ಟದ ಅಂಚಿಗೆ ಇರುವ ಲೇಡೀಸ್ ಬೀಚ್‌ ಬದಿಯಿಂದ ಇತರೆ ಪ್ರಾಣಿಯ ದಾಳಿ ತಪ್ಪಿಸಿ ಕೊಳ್ಳಲು ಹೋಗಿ , ಜಿಂಕೆ ಸಮುದ್ರದಲ್ಲಿ ಬಿದ್ದು ಮೃತಪಟ್ಟಿರ ಬಹುದು ಎಂದು ಅರಣ್ಯ ಇಲಾಖೆಯ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ. ಜಿಂಕೆಸಮುದಲ್ಲಿನ ಅಲೆಗಳ ಹೊಡೆತಕ್ಕೆ ಉಸಿರುಗಟ್ಟಿ ಜಿಂಕೆ ಮೃತಪಟ್ಟಿರಬಹುದು ಎಂದು ಊಹಿಸಲಾಗಿದೆ.

ಜಿಂಕೆಗೆ ಸುಮಾರ 6 ರಿಂದ 7 ವರ್ಷ ಆಗಿರಬಹುದು . ಕಳೆದ ಎರಡು ದಿನಗಳ ಹಿಂದೆಯೇ ಸಮುದ್ರಕ್ಕೆ ಬಿದ್ದು, ಜಿಂಕೆ ಸಾವನ್ನಪ್ಪಿದೆ ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ....