ಸಿಂದಗಿ 26: ವರ್ತಮಾನದ ಕಾಲಘಟ್ಟದಲ್ಲಿ ಮೊಬೈಲ್ ಮಕ್ಕಳ ಆರೋಗ್ಯವನ್ನು ಹಾಳು ಮಾಡಿದೆ. ಮನೆಯವರ ಸಂಬಂಧ ಶಿಥಿಲ ಮಾಡಿದೆ. ಆದರೆ ಪುಸ್ತಕಗಳು ಹಾಗಲ್ಲ. ಅವು ನಮಗೆ ಘನವಾದ ಮಾನವೀಯ ಮೌಲ್ಯಗಳನ್ನು ಕಲಿಸುತ್ತವೆ ಎಂದು ಬೆಂಗಳೂರಿನ ಇನ್ಸೈಟ್ ಐಎಎಸ್ ಅಕಾಡೆಮಿ ಸಂಸ್ಥಾಪಕ ಹಾಗೂ ನಿರ್ದೇಶಕ ಜಿ.ಬಿ. ವಿನಯಕುಮಾರ ಅಭಿಪ್ರಾಯಪಟ್ಟರು. 

ಪಟ್ಟಣದ ಗುಂದಗಿ ಫಂಕ್ಷನ್ ಹಾಲ್‌ನಲ್ಲಿ ಸಿಂದಗಿ ತಾಲೂಕಾ ಕ್ರಾಂತೀವೀರ ಸಂಗೊಳ್ಳಿ ರಾಯಣ್ಣ ನೌಕರರ ಸಂಘ ರವಿವಾರ ಹಮ್ಮಿಕೊಂಡ ಕ್ರಾಂತೀವೀರ ಸಂಗೊಳ್ಳಿ ರಾಯಣ್ಣನವರ ಜಯಂತಿ ಹಾಗೂ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ ಅವರು ಉಪನ್ಯಾಸ ನೀಡಿ ಮಾತನಾಡಿದರು. 

ಕಾರ್ಯಕ್ರಮ ಉದ್ಘಾಟಿಸಿದ ತಹಶೀಲ್ದಾರ ಕರೆಪ್ಪ ಬೆಳ್ಳಿ ಮಾತನಾಡಿ, ಪರೀಕ್ಷೆಯಲ್ಲಿ ಅಂಕ ಗಳಿಸುವ ಜತೆಗೆ, ಸಾಮಾನ್ಯ ಜ್ಞಾನದ ತಿಳಿವಳಿಕೆ, ಇಂಗ್ಲಿಷ್ ಭಾಷೆಯಲ್ಲಿ ವ್ಯವಹರಿಸುವ ಕೌಶಲ್ಯ ಪಡೆದುಕೊಳ್ಳಬೇಕು ಎಂದರು. 

ಸಾನಿಧ್ಯ ವಹಿಸಿದ ಗೋಳಸಾರದ ಅಭಿನವ ಪುಂಡಲಿಂಗ ಮಹಾಶಿವಯೋಗಿಗಳು ಆಶೀರ್ವಚನ ನೀಡಿದರು. ಅಧ್ಯಕ್ಷತೆ ವಹಿಸಿದ ತಾಲೂಕಾ ಕ್ರಾಂತೀವೀರ ಸಂಗೊಳ್ಳಿ ರಾಯಣ್ಣ ನೌಕರರ ಸಂಘ ತಾಲೂಕಾ ಅಧ್ಯಕ್ಷ ರಾಯಪ್ಪ ಇವಣಿ, ಎಪಿಎಂಸಿ ಅಧ್ಯಕ್ಷ ಕಲ್ಲಪ್ಪ ಬಿಸನಾಳ, ಅಹಿಂದ ಸಂಘಟನೆಯ ರಾಜ್ಯಾಧ್ಯಕ್ಷ ಪ್ರಭುಲಿಂಗ ದೊಡ್ಡಿನ, ನಿಡಗುಂದಿಯ ಬಿ.ಟಿ. ಗೌಡರ, ಗಂಗಾಧರ ಜೂಲಗುಡ್ಡ, ವಿಜಯಪುರದ ಶಿವಾನಂದ ಹಿರೇಕುರುಬರ, ವಾಯ್‌.ಟಿ. ಪಾಟೀಲ, ಎಸ್‌.ಎಲ್‌. ಮಾನೆ, ಬಿ.ಎಸ್‌. ಶೇಖಣ್ಣವರ, ಎಸ್‌.ಬಿ. ಬೀರಗೊಂಡ, ಎಂ.ವಾಯ್‌. ಪೂಜಾರಿ, ಕಸಾಪ ತಾಲೂಕಾ ಅಧ್ಯಕ್ಷ ವಾಯ್‌.ಸಿ. ಮಯೂರ, ಸಿದ್ದು ಬುಳ್ಳಾ, ಸಂತೋಷ ಮಣಗಿರಿ, ಸಂಘದ ಗೌರವಾಧ್ಯಕ್ಷ ಎಸ್‌.ಎಸ್‌. ಸಾತಿಹಾಳ, ಉಪಾಧ್ಯಕ್ಷ ಬಿ.ಎಸ್‌. ಅಳ್ಳಿಚಂಡಿ, ಎಂ.ಬಿ. ಪೂಜಾರಿ, ಎಂ.ಜಿ. ಯಂಕಂಚಿ, ರಮೇಶ ಚಟ್ಟರಕಿ, ಜಿ.ಎಸ್‌. ತಾವರಖೇಡ, ಜಿ.ಎನ್‌. ನಡಕೂರ, ಎನ್‌.ಬಿ. ಪೂಜಾರಿ, ಎಂ.ಎನ್‌. ವಡೆಯರ, ಎಸ್‌.ಎಲ್‌. ಸುಂಬಡ, ಬಿ.ಸಿ. ಕೆರಕಿ, ಲಗಮಣ್ಣ ಹೂಗಾರ, ರಾಜಶೇಖರ ಹಿರೇಕುರಬರ, ಎಂ.ಕೆ. ಪೂಜಾರಿ ಹಾಗೂ ಹಾಲುಮತ ಸಮಾಜದ ಬಾಂಧವರು ಭಾಗವಿಸಿದ್ದರು. 

2025ರ ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡಿದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸನ್ಮಾನಿಸಿ ಪುರಸ್ಕಾರ ಮಾಡಿದರು. ಮಾಜಿ ಸೈನಿಕರಿಗೆ ಸನ್ಮಾನಿಸಿ ಗೌರವಿಸಿದರು. ಮಕ್ಕಳ ಸಾಹಿತಿ ಎಸ್‌.ಎಸ್‌. ಸಾತಿಹಾಳ ಸ್ವಾಗತಿಸಿದರು. ಪ್ರಾ.ಎ.ಆರ್‌. ಹೆಗ್ಗನದೊಡ್ಡಿ ನಿರೂಪಿಸಿದರು. ಪಿ.ಎಸ್‌. ಅಗ್ನಿ ವಂದಿಸಿದರು. 

ಮೆರವಣಿಗೆ: ಕಾರ್ಯಕ್ರಮದ ಪೂರ್ವದಲ್ಲಿ ಪಟ್ಟಣದ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಶಾಸಕ ಅಶೋಕ ಮನಗೂಳಿ ಅವರು ಡೊಳ್ಳು ಬಾರಿಸುವ ಮೂಲಕ ಕ್ರಾಂತೀವೀರ ಸಂಗೊಳ್ಳಿ ರಾಯಣ್ಣನವರ ಭಾವಚಿತ್ರದ ಮೇರವಣಿಗೆಗೆ ಚಾಲನೆ ನೀಡಿದರು. ಮೇರವಣಿಗೆ ಉದ್ದಕ್ಕು ಡೊಳ್ಳಿನ ವಾಲಗ, ಕರಡಿ ಮಜಲು ಸೇರಿದಂತೆ ವಿವಿಧ ಕಲಾವಿದರು ತಮ್ಮ ಕಲಾ ಪ್ರದರ್ಶನ ಮಾಡಿದರು. ಬೃಹತ್ ಮೆರವಣಿಗೆ ಜರುಗಿತು.