ಕೊಹಿಮಾ, ಫೆ 12 :    ಬೇಟೆಯಂತಹ ಚಟುವಟಿಕೆಗಳಿಂದ ದೂರವಿರುವಂತೆ ಜನರಿಗೆ ಸಲಹೆಯನ್ನು ನೀಡಿರುವ ನಾಗಾಲ್ಯಾಂಡ್ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ನಿರ್ದೇಶನಾಲಯ, ಬೇಟೆಯಿಂದ ಕಾಡು ಪ್ರಾಣಿಗಳು ಮತ್ತು ಕಾಡು ಪ್ರಾಣಿ ಉತ್ಪನ್ನಗಳು ಮನುಷ್ಯರನ್ನು ಸೇರುವ ಸಾಧ್ಯತೆ ಹೆಚ್ಚು ಎಂದು ಅಭಿಪ್ರಾಯಪಟ್ಟಿದೆ.   

ತಮ್ಮ ಪ್ರದೇಶಗಳಲ್ಲಿ ಕಾಡು ಪ್ರಾಣಿಗಳನ್ನು ಬೇಟೆಯಾಡುವುದನ್ನು ನಿಷೇಧಿಸಿ ಎಲ್ಲ ಗ್ರಾಮಗಳಿಗೆ ಆದೇಶ ಹೊರಡಿಸುವಂತೆ  ನಾಗಾಲ್ಯಾಂಡ್ ಗೃಹ ಇಲಾಖೆ, ಪ್ರಧಾನ ಆಯುಕ್ತರು ಮತ್ತು ಕಾರ್ಯದರ್ಶಿ ಹಾಗೂ ಎಲ್ಲಾ ಜಿಲ್ಲಾಧಿಕಾರಿಗಳಿಗೆ ಸೂಚಿಸಿದೆ.  

ಅಧಿಕೃತ ಮೂಲಗಳ ಪ್ರಕಾರ, ಚೀನಾ ಮತ್ತು ಕೆಲ ದೇಶಗಳಲ್ಲಿ ಕೊರೊನವೈರಸ್ ಸೋಂಕು ಉಲ್ಬಣವನ್ನು ಅಂತಾರಾಷ್ಟ್ರೀಯ ಕಾಳಜಿಯ ಸಾರ್ವಜನಿಕ ಆರೋಗ್ಯ ತುರ್ತುಸ್ಥಿತಿಯೆಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಘೋಷಿಸಿರುವ ಹಿನ್ನೆಲೆಯಲ್ಲಿ ನಾಗಾಲ್ಯಾಂಡ್ ಸರ್ಕಾರ ಬೇಟೆಯನ್ನು ನಿಷೇಧಿಸಿದೆ.  

ಬೇಟೆಯಿಂದ ವೈರಸ್, ಕಾಡು ಪ್ರಾಣಿಗಳಿಂದ ಮನುಷ್ಯನಿಗೆ ಹರಡುವ ಸಾಧ್ಯತೆ ಹೆಚ್ಚಾಗುವ ಹಿನ್ನೆಲೆಯಲ್ಲಿ ಈ ಕ್ರಮ ತೆಗೆದುಕೊಳ್ಳಲಾಗಿದೆ.