ಲೋಕದರ್ಶನ ವರದಿ 

 ಕಾರವಾರ 21 :- ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆಯಡಿ ಶಿರಸಿ ತಾಲೂಕಿನ ಇಸಳೂರು ಗ್ರಾಮ ಪಂಚಾಯತ್‌ನ ಸಣ್ಣಕೇರಿ ಗ್ರಾಮದ ಧರ್ಮಾ ಹಳ್ಳಕ್ಕೆ 2024-25ನೇ ಸಾಲಿನಲ್ಲಿ ಅಂದಾಜು 3 ಲಕ್ಷ ವೆಚ್ಚದಲ್ಲಿ ಹಳ್ಳಕ್ಕೆ ಅಡ್ಡಲಾಗಿ ತಡೆಗೋಡೆ ನಿರ್ಮಿಸಲಾಗಿದೆ. ಇನ್ನೂ ಕಾಮಗಾರಿಯಲ್ಲಿ 138 ಮಾನವದಿನಗಳನ್ನು ಸೃಜಿಸಲಾಗಿದ್ದು, ಸಂಪೂರ್ಣ ತಡೆಗೋಡೆಯನ್ನು ಶಿಲೆಕಲ್ಲನ್ನು ಬಳಸಿ ಕಟ್ಟಲಾಗಿದ್ದು, ಸುವ್ಯವಸ್ಥಿತವಾದ ಭದ್ರತೆ ಒದಗಿಸಲಾಗಿದೆ. 

ಅರೆಮಲೆನಾಡು ಭಾಗದಲ್ಲಿ ಸುರಿವ ಮಳೆಗೆ ಹಳ್ಳ ಕೊಳ್ಳಗಳು ತುಂಬಿ ಜಮೀನುಗಳಲ್ಲಿಯೂ ನೀರು ನುಗ್ಗುವುದು ಸರ್ವೇ ಸಾಮಾನ್ಯ ಹೀಗಾಗಿ ಇಲ್ಲಿನ ರೈತರಿಗೆ ಜಮೀನು ಸಂರಕ್ಷಣೆಗೆ ಆದ್ಯತೆ ನೀಡುವ ಕಾಮಗಾರಿಗಳಿಗೆ ಹೆಚ್ಚಿನ ಬೇಡಿಕೆ ನೀಡುತ್ತಾರೆ. ಅವರ ಬೇಡಿಕೆಗನುಗುಣವಾಗಿ ಕಾಮಗಾರಿ ನೀಡಲಾಗುತ್ತಿದೆ ಎಂದು ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಜಯವೀರ್ ಭಟ್ ತಿಳಿಸಿದರು. 

ಮನೆಯ ಪಕ್ಕದಲ್ಲಿಯೇ ಹಳ್ಳ ಇರುವುದರಿಂದ ಪ್ರತಿ ಮಳೆಗಾಲದಲ್ಲಿಯೂ ನೀರಿನ ರಭಸಕ್ಕೆ ಭಯ ಕಾಡುತ್ತಿತ್ತು. ಆದು ಈಗಾ ಉದ್ಯೋಗ ಖಾತರಿ ಯೋಜನೆಯಡಿ ತಡೆಗೋಡೆ ನಿರ್ಮಿಸಿಕೊಟ್ಟಿದ್ದು ತುಂಬಾ ಅನುಕೂಲವಾಗಿದೆ ಎಂದು ರೈತ ಪ್ರಶಾಂತ್ ಭಟ್ ಸಂತಸ ವ್ಯಕ್ತಪಡಿಸಿದ್ದಾರೆ. 

ನರೇಗಾ ಯೋಜನೆಯಡಿ ರೈತರಿಗೆ ಅನುಕೂಲವಾಗುವಂತಹ ಕಾಮಗಾರಿಗಳನ್ನು ನೀಡುವ ಮೂಲಕ ಯೋಜನೆಯ ಸದುಪಯೋಗ ಪಡಿಸಿಕೊಳ್ಳಲು ಇಂತಹ ಕಾಮಗಾರಿಗಳು ಮಾದರಿಯಾಗುತ್ತಿವೆ.