ಬೆಳಗಾವಿ 26: ಭಾರತೀಯ ಸಂವಿಧಾನವು ದೇಶದ ಹೃದಯವಿದ್ದಂತೆ. ಪ್ರತಿಯೊಬ್ಬರು ನಮ್ಮ ಸಂವಿಧಾನವನ್ನು ಅರ್ಥೈಸಿಕೊಳ್ಳಬೇಕು. ದೇಶದ ವಿಕಾಸಕ್ಕಾಗಿ ಹಾಗೂ ನಮ್ಮೆಲ್ಲರ ಬದುಕಿಗಾಗಿ ಸಂವಿಧಾನ ಪ್ರತಿಯೊಂದು ವಿಚಾರಗಳು ಮಹತ್ವಪೂರ್ಣವಾಗಿವೆ. ಯುವಜನತೆಯು ಆಳವಾಗಿ ತಿಳಿದುಕೊಳ್ಳಬೇಕೆಂದು ಮಾಜಿ ವಿಧಾನ ಪರಿಷತ್ ಸದಸ್ಯರಾದ ಮಹಾಂತೇಶ ಕವಟಗಿಮಠ ಅವರು ಹೇಳಿದರು. ಅವರು ಕೆಎಲ್‌ಇ ಸೊಸೈಟಿಯ ಬಿ.ವಿ. ಬೆಲ್ಲದ್ ಕಾನೂನು ಮಹಾವಿದ್ಯಾಲಯ, ನವೆಂಬರ್ 26, 2025 ರಂದು ಬೆಳಗಾವಿಯ ಲಿಂಗರಾಜ ಕಾಲೇಜು ಆವರಣದ ಸೆಂಟ್ರಲ್ ಹಾಲ್ನಲ್ಲಿ “ಸಂವಿಧಾನ ದಿನ”ದ ಕಾರ್ಯಾಗಾರವನ್ನು ಆಯೋಜಿಸಿತ್ತು. ಅವರು ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು.ರಾಜ್ಯದ ಮೂರು ಅಂಗಗಳಲ್ಲಿ ಕಾರ್ಯಾಂಗ ಮತ್ತು ಶಾಸಕಾಂಗದ ವೈಫಲ್ಯ ಉಂಟಾದಾಗಲೆಲ್ಲಾ ನ್ಯಾಯಾಂಗದ ಪಾತ್ರವು ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ನ್ಯಾಯಾಂಗವು ಕಾನೂನವನ್ನ ಉಪಯೋಗಿಸಿ ಜನರಿಗೆ ಸರಿಯಾದ ನ್ಯಾಯ  ಒದಗಿಸುತ್ತಿದೆ.

                          ಪ್ರಸ್ತುತ, ಕಲಿತ ಸಮಾಜವು ವ್ಯಾಜ್ಯ ಸಮಾಜವಾಗಿದೆ, ಆದ್ದರಿಂದ ನ್ಯಾಯವಾದಿಗಳು, ಕಾನೂನು ವಿದ್ಯಾರ್ಥಿಗಳು ಜೀವನದುದ್ದಕ್ಕೂ ಉಜ್ವಲ ಭವಿಷ್ಯವನ್ನು ಹೊಂದಿದ್ದಾರೆ. ಭಾರತವು ಭೌಗೋಳಿಕವಾಗಿ ಮತ್ತು ರಾಜಕೀಯವಾಗಿ ಇಂತಹ ಸವಾಲುಗಳಿಂದ ಸುತ್ತುವರೆದಿದ್ದು, ಜವಾಬ್ದಾರಿಯುತ ಆಡಳಿತವನ್ನು ಇನ್ನಷ್ಟು ನಿರ್ಣಾಯಕವಾಗಿಸಿದೆ ಎಂದು ಹೇಳಿದರು. ಅವರು "ಒಂದು ರಾಷ್ಟೊ; ಒಂದು ಚುನಾವಣೆ" ಎಂಬ ಪರಿಕಲ್ಪನೆಗೆ ಬೆಂಬಲ ವ್ಯಕ್ತಪಡಿಸಿದರು. ಹಿರಿಯ ನ್ಯಾಯವಾದಿ ಮಾರುತಿ ಬಿ.ಜಿರಾಲಿ ಉದ್ಘಾಟಿಸಿ ಮಾತನಾಡುತ್ತ, ಭಾರತೀಯ ಸಂವಿಧಾನವು ಕಾನೂನು ದಾಖಲೆಯಲ್ಲ, ಬದಲಾಗಿ ಜೀವಂತ ದಾಖಲೆಯಾಗಿದೆ. ಇದು ದೇಶದ ಜನರ ಭಾವನೆಗಳನ್ನು ಒಳಗೊಂಡಿದೆ. ಇದು ಈ ದೇಶದ ವಿವಿಧ ಸಾಂಸ್ಕೃತಿಕ ಮತ್ತು ಭಾಷಾ ತಿಳುವಳಿಕೆಯ ಸಂಯೋಜನೆಯಾಗಿದೆ.

                   ಇದಲ್ಲದೆ, ರಾಮ ಜೋಯಿಸ್ ಅವರಂತಹ ಕಾನೂನು ದಿಗ್ಗಜರನ್ನು ಉಲ್ಲೇಖಿಸಿ, ನೀವು ಕಾನೂನು ವೃತ್ತಿಯನ್ನು ಬೆಳೆಸಿಕೊಳ್ಳಲು ಬಯಸಿದರೆ, ವಿದ್ಯಾರ್ಥಿಗಳು ಭಾರತ ಸರ್ಕಾರದ ಕಾಯ್ದೆ 1919, 1935 ಅನ್ನು ಓದಬೇಕೆಂದರು. ಇಂದು ಕಾನೂನು ಪ್ರಕ್ರಿಯೆಗಳನ್ನು ಆನ್ಲೈನ್ನಲ್ಲಿ ಓದಲು ಅನುಕೂಲ ಮಾಡಿಕೊಡಲಾಗಿದೆ. ವಿದ್ಯಾರ್ಥಿಗಳು ಕಾನೂನು ಮತ್ತು ಜೀವನದಲ್ಲಿ ತಮ್ಮದೇ ಆದ ವೃತ್ತಿಜೀವನವನ್ನು ರೂಪಿಸಿಕೊಳ್ಳಬಹುದು ಎಂದು ತಿಳಿಸಿದರು.150 ನೇ ವಾರ್ಷಿಕೋತ್ಸವದ ಸ್ಮರಣಾರ್ಥವಾಗಿ "ವಂದೇ ಮಾತರಂ" ಎಂಬ ಐತಿಹಾಸಿಕ ಭಾರತದ ರಾಷ್ಟ್ರೀಯ ಗೀತೆ ನುಡಿಸಲಾಯಿತು. ಕಾಲೇಜಿನ ಪ್ರಾಂಶುಪಾಲರಾದ ಡಾ.ಜ್ಯೋತಿ.ಜಿ.ಹಿರೇಮಠ ಸ್ವಾಗತಿಸಿದರು. ಪ್ರೊ ರಾಜಶ್ರೀ ಪಾಟೀಲ್, ಅತಿಥಿಗಳನ್ನು ಪರಿಚಯಿಸಿದರು. ಪ್ರೊ. ಸಂಯೋಜಕಿ ಡಾ. ಸುಪ್ರಿಯಾ ಸ್ವಾಮಿ ವಂದಿಸಿದರು. ತದನಂತರದಲ್ಲಿ ಜರುಗಿದ ವಿಶೇಷ ಉಪನ್ಯಾಸದಲ್ಲಿ ಸಂಪನ್ಮೂಲ ವ್ಯಕ್ತಿ ಡಾ. ಸುಭಾಷ್ ಎಚ್‌. ಪಾಟೀಲ "ಭಾರತದಲ್ಲಿ ಚುನಾವಣಾ ಸುಧಾರಣೆಗಳು - ಸವಾಲುಗಳು ಮತ್ತು ಅಗತ್ಯ ಮಾರ​‍್ಾಡುಗಳು" ಎಂಬ ವಿಷಯದ ಕುರಿತು ಮಾತನಾಡಿದರು. ಡಾ. ಅಶೋಕ್ ಎಸ್‌. ಆನಿಕಿವಿ ಅಧ್ಯಕ್ಷತೆ ವಹಿಸಿದ್ದರು. ಸಮಾರೋಪ ಸಮಾರಂಭದಲ್ಲಿ, ಮುಖ್ಯ ಅತಿಥಿಗಳಾಗಿದ್ದ ಕರ್ನಾಟಕ ಹೈಕೋರ್ಟ್ನ ನಿವೃತ್ತ ನ್ಯಾಯಾಧೀಶರಾದ ಅನಿಲ್ ಬಿ. ಕಟ್ಟಿ ಆಗಮಿಸಿದ್ದರು. ಸ್ಥಾನಿಕ ಆಡಳಿತ ಮಂಡಳಿ ಅಧ್ಯಕ್ಷರಾದ ಆರಿ​‍್ಬ. ಬೆಲ್ಲದ್ ಉಪಸ್ಥಿತರಿದ್ದರು