ಮುಜುಮದಾರ ಫೌಂಡೇಶನ್‌ನಿಂದ ಅಭಿನಂದನಾ ಸಮಾರಂಭ ಉದ್ಘಾಟನೆ

ಕೊಪ್ಪಳ  13:   ಬಡತನ ಮತ್ತು ವಿಳಾಸವಿಲ್ಲದ ಅಲೆಮಾರಿ ಬದುಕು ನನ್ನನ್ನು ವಿದ್ಯಾವಂತನನ್ನಾಗಿ, ಸಾಹಿತಿಯಾಗಿ ಬೆಳೆಯಲು ಪ್ರೇರೆಪಿಸಿದೆ, ಕೊಪ್ಪಳದ ಸಾಹಿತಿಗಳು ಮತ್ತು ಸದಭಿರುಚಿಯ ಅನೇಕರು ಗೊಂದಲಿಗ್ಯಾ ಕೃತಿಯನ್ನು ಬರೆಯಲು ಒತ್ತಾಸೆಯಾಗಿ ನಿಂತರು ಕನಕಗಿರಿಯ ನನ್ನ ವೃತ್ತಿ ಬದುಕು ನನ್ನನ್ನು ಉತ್ತಮ ಶಿಕ್ಷಕನನ್ನಾಗಿ ಮತ್ತು ಅಧ್ಯಯನಶೀಲನನ್ನಾಗಿ ಮಾಡಿತು ಎಲ್ಲರ ಪ್ರೇರಣೆ ಒತ್ತಾಸೆ ಮತ್ತು ಸಹಕಾರದಿಂದ ಸಾಹಿತ್ಯ ಸೇವೆ ಮಾಡಿದ ನಾನು ಈ ಪ್ರಶಸ್ತಿಯ ಪುರಸ್ಕಾರ ದ ಸಂಧರ್ಭದಲ್ಲಿ ಎಲ್ಲರಿಗೂ ಋಣಿಯಾಗಿದ್ದೇನೆ ಎಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಗೌರವ ಪ್ರಶಸ್ತಿ ಪುರಸ್ಕೃತರಾದ ಎ.ಎಂ.ಮದರಿಯವರು ಹೇಳಿದರು. ಮುಜುಮದಾರ ಫೌಂಡೇಶನ್ ವತಿಯಿಂದ ಹಮ್ಮಿಕೊಳ್ಳಲಾದ ಅಭಿನಂದನಾ ಸಮಾರಂಭದಲ್ಲಿ ಅವರು ಮಾತನಾಡಿದರು.ಇದೇ ಸಮಾರಂಭದಲ್ಲಿ ಕೊಪ್ಪಳ ತಾಲೂಕಾ ಸಾಹಿತ್ಯ ಸಮ್ಮೇಳನಾಧ್ಯಕ್ಷರಾದ ಮಾಲಾ ಬಡಿಗೇರ ಅವರಿಗೂ ಅಭಿನಂದಿಸಲಾಯಿತು.  ಬಾಲ್ಯದಿಂದಲೂ ಸಾಹಿತ್ಯದಲ್ಲಿ ಆಸಕ್ತಿ ಹೊಂದಿರುವ ನನಗೆ ಗಂಡನ ಸಹಕಾರದಿಂದ ಕೃತಿ ರಚನೆಯಲ್ಲಿ ತೊಡಗಿಸಿಕೊಳ್ಳುವಂತಾಯಿತು.ಕೊಪ್ಪಳದ ಸಾಹಿತಿಗಳು ನನ್ನನ್ನು ಬೆಳೆಸಿದ್ದಾರೆ.ಸರ್ವಾಧ್ಯಕ್ಷತೆ ನನಗೆ ಜವಾಬ್ಧಾರಿಯನ್ನು ಹೆಚ್ಚಿಸಿದೆ.ಎಲ್ಲ ಮಹಿಳೆಯರ ಪರವಾಗಿ ಇದನ್ನು ಒಪ್ಪಿಕೊಂಡಿರುವೆ ಎಂದು ಮಾಲಾ ಬಡಿಗೇರ ಮಾತನಾಡಿದರು. ಗವಿಸಿದ್ದೇಶ್ವರ ಪ್ರೌಢಶಾಲೆ ಯ ಆಡಳಿತಾಧಿಕಾರಿ ಗವಿಸಿದ್ಧಪ್ಪ ಕೊಪ್ಪಳ ಅವರು ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡುತ್ತ ಮೂರು ದಶಕಗಳಿಂದ ಸಾಹಿತ್ಯ ವಲಯದಲ್ಲಿ ಗುರುತಿಸಿಕೊಂಡಿರುವ ಇಬ್ಬರೂ ಮಹನೀಯರು ನನಗೆ ಆಪ್ತರಾಗಿದ್ದು ಈ ಅಭಿನಂದನಾ ಸಮಾರಂಭವನ್ನು ಉದ್ಘಾಟಿಸಲು ಸಂತೋಷವೆನಿಸುತ್ತದೆ ಎಂದರು. ಸಮಾರಂಭದ ಸಮನ್ವಯಕಾರರಾದ ಸಾವಿತ್ರಿ ಮುಜುಮದಾರ ಅವರು ಅಭಿನಂದನಾ ನುಡಿಗಳನ್ನು ನುಡಿದು ಇಬ್ಬರಿಗೂ ಗೌರವ ಸನ್ಮಾನ ಮಾಡಿದರು.ಸಮಾರಂಭದಲ್ಲಿ ಭಾಗವಹಿಸಿದ ಅಲ್ಲಮಪ್ರಭು ಬೆಟ್ಟದೂರು,ಡಾ.ಮಹಾಂತೇಶ ಮಲ್ಲನಗೌಡರ,ದಾನಪ್ಪಾ ಕವಲೂರು, ವಿಜಯಲಕ್ಷ್ಮಿ ಕೊಟಗಿ, ಅಮರದೀಪ್,ಡಾ.ಪಾರ್ವತಿ,ಅಂದಪ್ಪ ಬೆಣಕಲ್,ಹ.ಯ.ಈಟಿ ಯವರು ಅಭಿನಂದನಾ ನುಡಿಗಳನ್ನು ಸಲ್ಲಿಸಿದರು. ಕಾರ್ಯಕ್ರಮದಲ್ಲಿ ಶರಣಪ್ಪ ಬಾಚಲಾಪುರ, ವಿಜಯ ಅಮೃತರಾಜ್,ಶಾರದಾ ಶ್ರವಣಸಿಂಗ ರಜಪೂತ, ಹಾಗೂ ಡಾ.ಪ್ರವೀಣ ಪಾಟೀಲ್, ಮಲ್ಲಿಕಾರ್ಜುನ ಹಲಗೇರಿ, ಈಶ್ವರ ಹತ್ತಿ,ಬೀರನಾಯಕ,ಶಾಂತಪ್ಪ ಬೆಲ್ಲದ,ರೇಖಾ, ಸರಸ್ವತಿ,ರೇಣುಕಾ,ಸ್ನೇಹಲತಾ ಜೋಶಿ ಮುಂತಾದವರು ಉಪಸ್ಥಿತರಿದ್ದರು.